Lukàrzɛ̀ 2:10 - Mokpwe: Bakwery (New Testament)

¹⁰ È aŋgèlì rzìi e hwa òhweyà nanù ema, “È rza òka wɔ̀ŋgɔ̀, nà è jànelì ndi Ŋmɛ̀ndì mò Gbamù ema mò jàneyà hwatò hwa arzɛ mɔ̀nyɛ̀ŋgì mò ndɛnɛ̀.

Lukàrzɛ̀ 2:10 Mawu Ofanana

Matiyò 14:27

Yerzù rzìi à hwa òhweyà lìwòkimɛnɛ nanù ema, “È àyètìrzɛ̀ mèèmà! Imba Yerzù e rzi òka wɔ̀ŋgɔ̀.”

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Matiyò 28:5

Èŋge aŋgèlì rzìi e òhweyà hwaŋga hwalanà nanù ema, “È rza òka wɔ̀ŋgɔ̀. Nà hwi nanù ema e arza ndi Yerzù ema à mà wòmàwɛlɛ̀hwɛ̀ ò mbarza.

Makòrzì 1:15

“È hvònda è mà uka, Lìkànèyà là ama Lohwɛ̀ lì mà kòmbɛ̀nɛ̀. È rzɔnjɛ̀lɛ̀ hwègbèèlì hwe anyu hwe wòhwe, è lòkɛ̀ Ŋmɛ̀ndì mò Gbamù mò amà Lohwɛ̀.”

Makòrzì 16:15

À mà hwa òhweyà nanù ema, “È ɛ̀ndɛ̀, e àyinɛ̀lɛ̀ ò e rze ya arzɛ, e hwa òhweyà Ŋmɛ̀ndì mò Gbamù.

Lukàrzɛ̀ 1:13

Ndì è aŋgèlì è mà mò òhweyà nanù ema, “Ìi Rzàkàriyà, ò rzì òka wɔ̀ŋgɔ̀, Lohwɛ̀ à mà hwèya lì kanɛ̀ la aŋgɔ̀. Jòjìyɛ̀ wà aŋgɔ̀ Èlìrzabɛ̀tì a ò ŋya ŋmanà. O ò mò kpɛ̀ ndi lìinà Yòwanìrzɛ̀.

Lukàrzɛ̀ 1:19

È aŋgèlì è mà mò alàhwɛ̀ nanù ema, “Ìmba ndi nà hwèlì Gàbìleyà, e rzùhwɛlɛ ema e gbèeyà Lohwɛ̀. Mɔ̀ ndi à nò òmi ò lì ò hwilɛ̀ ene eyà ya gbamù.

Lukàrzɛ̀ 1:30

È aŋgèlì rzìi e mò òhweyà nanù ema, “Ìi Màlìyɛ̀ ò rzì òka wɔ̀ŋgɔ̀ Lohwɛ̀ à ò uŋmɛ̀lɛ̀ ììlì ja eni.

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Lukàrzɛ̀ 8:1

O mburzà yà hvònda, Yerzù à mà ɛ̀ndɛ hwèyɔ̀ndɔ̀ lì akeyà màmbòwà mà rzàlì nà màndɛnɛ̀. Nà òma à ma hwɛ lì ɛ̀ndɛ nanù, à mà hwɛ ndi lì òhwà Ŋmɛ̀ndì mò Gbamù, mò Lìkànèyà là ama Lohwɛ̀. Lìyòmɛ̀ là eni la hwà-òkòwèlì nà hwàhwàkɛ̀ lì mà hwɛ nà mɔ̀.

Hwègbèèlì 13:32

Nàŋgɛ rzɔ̀ mòŋgò Ŋmɛ̀ndì mò Gbamù mɔ̀ ndi ì mà è jàneyà. Mòŋgò ŋmɛ̀ndì mò hwèlì ndi nanù ema eyà ema Lohwɛ̀ à mà òhwe nanù ema à ŋgba irzàŋgo jà arzu mɔ̀ à mà è òndìrzɛ̀ lì akeyà nà irzɔ.

Ròmànì 10:15

Nɛ rzɔ mònò ŋmɛ̀ndì mò tànɛyi lì òhwahwa e hwèlì tɛ ema irzuhwɛlɛ i rza òmahwi e? È tìlahwì ò e kààtì ya Lohwà nanù ema, “Mòtò a jàni tɛ ŋmɛ̀ndì mò gbamù, mò jànà màlìŋgò.”

Ɛ̀hvìrzìyà 3:8

Tɔ̀ nɛ nà rza hwɛnɛ wòlìto ò ìtììtènì ja hwatò hwa ama Lohwɛ̀, Lohwɛ̀ à mà nò ŋgbà è ndèli yà eni ò lì ohweyà hwaŋga hwatò ema hwa rza enje wònyà Yudà lì hvomɛ̀nɛ̀ mònàmɛ̀ ema Krirztò à ŋgbà. Tɔ̀ mòtò wà hwènàmà à rza tànɛyi lì hwiya nɛ̀ mono mònàmɛ̀ mò hwèlì.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.