Lukàrzɛ̀ 19:5 - Mokpwe: Bakwery (New Testament)

⁵ Yerzù a mà ùke ò èŋge èki, rzìi a ɔ̀ŋgɔ ò ŋmanyu yà wòŋgò gbèe, rzìi a ɛnɛ Rzàkiyɔ̀rzì. Rzìi à mò òhweyà nanù ema, “Rzàkiyɔ̀rzì, rzìhwa kàrzì-kàrzì èhwanja nà hwɛnì lì hwɛ ŋmɛ̀ni ò ndawò yà aŋgɔ̀ yàwònò.”

Lukàrzɛ̀ 19:5 Mawu Ofanana

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Lukàrzɛ̀ 19:2

O tenì yà èŋge mbòwà, ò mà hwɛ èhwàŋgì ya mòtò mɔ̀kɔ ema à ma hwɛ ndi è mòrzàŋgèlì wà è njàŋge yà lìkànèyà. Lìinà la eni lì mà hwɛ ndi Rzàkiyɔ̀rzì.

Lukàrzɛ̀ 19:4

Rzàkiyɔ̀rzì à mà hwaŋga lì ɛ̀ndɛ ò wòrzò, rzìi a àgba ò ŋmanyu yà gbèe wò Rzikamɔ, ò lì àrza lì ɛnɛ̀ Yerzù ema à ma hwɛ lì akeyà aŋga.

Lukàrzɛ̀ 19:6

Rzàkiyɔ̀rzì à mà hvinjɛlɛ hwèrzìhwèlì, rzìi a mò ɛ̀ndɛnɛ ò ndawò yà èni rzìi a mò kàrzɛ nà màlìŋgò mà eni ma ŋmèmà mà arzɛ.

Yòwanìrzɛ̀ 1:48

Nàtànìyɛ̀lì rzi à ijòwa Yerzù nanù ema, “Nɛ ò gbèyi ònò hwiyelì e?” Yerzù rzìi à mò alàhwɛ̀ nanù ema, “Tɔ̀ biyana Hvìlìpì à ò hwɛlɛ nà mà ò ɛnɛ ò rze yà gbèe wò ehvùma yà nyɔ̀hvinyà.”

Yòwanìrzɛ̀ 14:23

Yerzù rzìi a alàhwɛ̀ nanù ema, “Tɔ̀ ima mòtò ema a nò lìŋgàni, a ika hwèyòkòlelì hwe ami. È Tatɛ̀ ya ami e mò lìŋgana, imba na Tatɛ̀ wa ami i mò jèeyà rzìi i lìiya na mɔ̀.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Ɛ̀hvìrzìyà 3:17

Ndèŋganɛlɛ nà kànɛ̀ hvɛ nanù ema lì lòkɛ̀ là anyu ò mà Krirztò è onàhwè ò mèèmà mè anyu. Nà kànɛ̀ hvɛ nanù ema è lìŋganè Lohwɛ̀, ndèŋgànà è lìŋganè hvɛ mɔ̀kɔ nà ɔ̀nɛyi. È gbèyi tɛ nanù, ò mà è mà hwɛ ndi nàa gbee ema meyàŋga mè eni mè rzɔ̀ŋgɔ̀ ò tenì yà mɔ̀nyɛ̀, ndèŋgana è hwɛ ndi nàa ndawò ema è tɛmi gbamù ò rze.

Hibrù 13:2

È rzì hwɛmɛ o lì karzɛ hwàyɛ̀nì o màndà ma anyu o i hvonda ja arzɛ. Nànù ndi lòŋgo la hwatò hwà mà gbeye hwà mà karzɛnɛ i aŋgèlì o màndà ma awu e rzi hwɛ lì hwiya.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.