Lukàrzɛ̀ 19:44 - Mokpwe: Bakwery (New Testament)

⁴⁴ Hwa hwɛnì lì ò nyɔ̀kɔ wàrzɛ-wàrzɛ nà hwàànà hwà aŋgɔ̀ hwa àrzɛ. Hwàkɔ̀yèlì hwa aŋgɔ̀ hwa rzà lìya tɔ̀ lìŋyàyi tɔ̀ lɔ̀kɔ ò ŋmanyu yà lìnɛ̀yi. Èhwànja ò rzi hwiye lìrzakò ema Lohwɛ̀ a mà jèe lì rzùŋgà lòŋgɛ la aŋgɔ.”

Lukàrzɛ̀ 19:44 Mawu Ofanana

Matiyò 24:2

Yerzù rzìi a hwa ijòwa nanù ema, “È ɛnɛ̀ hwenè hwèèmà hwe àrzɛ e? Nà e òhweyà na e jɔ̀kɛ̀ ema, tɔ̀ lìŋyàyi tɔ̀ lɔ̀kɔ lì rza o lìiya ò ŋmanyu yà lìnɛyi, marzɛ-marzɛ ma kùwà lì rzùuhwa ò rze.”

Makòrzì 13:2

Yerzù rzìi a mò alàhwɛ̀ nanù emà, “È ɛnɛ enè nyayi ya hweyòŋgelì hwe hveti e? Tɔ̀ lìŋyàyi tɔ̀ lɔ̀kɔ lì rzà ò lììya ò ŋmanyu yà lìnɛyi, mò ò wùhweyà ma arzɛ.”

Lukàrzɛ̀ 1:68

“Jèka ì hwɛ nà è Rzàŋgò, Lohwà la hwatò hwa Irzàyɛ̀lì. Jèka ì hwɛ nà Lohwɛ̀ èhwanja mɔ̀ à jelì ò lì òŋgòwànà hwatò wa eni, nà lì hwa rzùŋgà.

Lukàrzɛ̀ 1:78

Ènè eyà yò ò gbèyɛ̀nɛ̀ èhwanja, Lohwɛ̀ a mà jò uŋmɛ̀lɛ̀ ììlì nà ŋmèma mò eni mò gbamù. Inì ììlì ì hwèlì ndi nàa mòrzɔnji-rzɔnji mò igbèyi ema mò uhwɛlɛlɛ ò ŋmanyu yà Lohwà, ema mò jò jàneya lì òŋgìrzɛ̀.

Lukàrzɛ̀ 19:42

Rzìi à òhwa nanù ema, “È mà hwiya tɛ mamɛ ema è àrzàhwà ò lì lìyànà ɛ̀yɔ̀lɛ̀ ò yàwònò, òma ò lɔ̀wu. Ndi ò naŋgɛ hwèŋge hweyà hwe utamì ò mirzɔ̀ mà anyu.

Lukàrzɛ̀ 21:6

“O ò ja wùnyà ema màmɛ ya arzɛ̀ ema ya ɛnɛ̀ anù nàŋgɛ̀, ò rzà ò lìiya tɔ̀ lìŋyàyi tɔ̀ lɔ̀kɔ ò ŋmanyu yà lìnɛ̀yi. Marzɛ-marzɛ ma ò rzùùlɛ̀hwɛ ò rze yà mɔ̀nyɛ̀.”

1 Pètrò 2:12

È hwɛnɛ hwɛ̀ɛ̀mɛ̀ hwe gbamù o ìtììtènì ja hwaŋga hwatò ema hwa rza lòkɛ̀ Lohwɛ̀, aŋga nanù tɔ̀ nɛ wɔ hwa e rzàmba nanù ema e gbeyà wòhwe, wɔ hwa ɛnɛ hwegbèèlì hwe anyu hwe gbamù. Èŋge e gbeyà hwa eka Lohwɛ̀ o wùnyà wo hwejèelì hwe eni.