Lukàrzɛ̀ 19:42 - Mokpwe: Bakwery (New Testament)

⁴² Rzìi à òhwa nanù ema, “È mà hwiya tɛ mamɛ ema è àrzàhwà ò lì lìyànà ɛ̀yɔ̀lɛ̀ ò yàwònò, òma ò lɔ̀wu. Ndi ò naŋgɛ hwèŋge hweyà hwe utamì ò mirzɔ̀ mà anyu.

Lukàrzɛ̀ 19:42 Mawu Ofanana

Lukàrzɛ̀ 19:41

È hvònda ema Yerzù à mà kòmbɛ̀nɛ̀ Jèrurzalɛ̀mù nà òmà à mà ɛnɛ è mbòwà, à mà wòteya lì eyaa.

Lukàrzɛ̀ 19:43

Mènyà mè ò jà ema hwàkɔ̀yèlì hwa aŋgɔ̀ hwa ò tòŋgà nà lì ò kekà nàa ŋgàwò.

Lukàrzɛ̀ 19:44

Hwa hwɛnì lì ò nyɔ̀kɔ wàrzɛ-wàrzɛ nà hwàànà hwà aŋgɔ̀ hwa àrzɛ. Hwàkɔ̀yèlì hwa aŋgɔ̀ hwa rzà lìya tɔ̀ lìŋyàyi tɔ̀ lɔ̀kɔ ò ŋmanyu yà lìnɛ̀yi. Èhwànja ò rzi hwiye lìrzakò ema Lohwɛ̀ a mà jèe lì rzùŋgà lòŋgɛ la aŋgɔ.”

Hwègbèèlì 10:36

Inyɔ e hwi ŋmɛ̀ndì ema Lohwɛ̀ à mà òmeya hwatò hwa Irzàyɛ̀lì. Mòŋgò ŋmɛ̀ndì, mò ma hwɛ ndi lì hvòmɛ̀nɛ̀ hweyòhwèlì hwe Ŋmɛ̀ndì mò Gbamù mò ɛ̀yɔ̀lɛ̀, ema mò ma jɛ̀ɛ̀ ò lì akeyà na Yerzù Krirztò. Mɔ̀ ndi à hwèlì Rzàŋgò ya hwatò hwa arzɛ.

Hwègbèèlì 13:46

Ndi Pàwolò na Bànàbàrzì hwà mà hwɛ ndi lì òhwa nanù mɛnɛ e rzi hwɛ lì òka wɔ̀ŋgɔ̀. Hwà mà hwɛ lì òhwa nanù ema, “Inyɔ wònyà Yudà, inyɔ ndi e ma àŋgàmɛ̀nɛ̀ lì lòma lì òhwa eyà ya ama Lohwɛ̀. Kanatɛ inyɔ ye e rzɔ̀rzi, ndèŋgànɛlɛ na òma inyɔ hvɛ e rza awòwɛ̀ nàa hwatò ema hwa àŋgàmɛ̀nɛ̀yi lì òhva lòŋgɛ la gbìndèyà, ò naŋgɛ nanù, irzɔ je e hwɛmɛ ò lì àyiŋgòwɛ̀lɛ̀lɛ̀ hwaŋga hwatò ema hwa rza enje wònyà Yudà.

Hibrù 3:13

Ndi è àyètìrzɛ̀nɛ̀ mɔ̀kɔ nà ɔnɛyi wùnyà tɛ, na oma eyu e hwɛ̀lɛ̀hwɛ̀ nanù ema, “Yàwono,” aŋga nanù wòhwe wo rza lukɛlɛ mèèmà me anyu o lì hwɛneya Lohwɛ̀ maniya.

Hibrù 3:15

È tìlàhwì ò tenì yà è kààtì yà Lohwà nanù ema, “Yàwonò è hweyi tɛ lìlo là ama Lohwɛ̀, è rzi kèka lì hwɛ̀neyà Lohwɛ̀ màniya, nàa imbamba ja anyu ì mà hwɛ̀neyà Lohwɛ̀ màniya e hvonda ema hwa mà tèŋgɛ̀nɛ̀ Lohwɛ̀.”

Hibrù 3:7

Ò eŋgànɛlɛ, è okànèyà mamɛ ema Èlìŋgɛ̀ yà Wòtani è ohwa. Yɔ̀ è ohwa nanù ema, “Yàwonò, è hweyi tɛ lìlo là ama Lohwɛ̀,