Lukàrzɛ̀ 19:38 - Mokpwe: Bakwery (New Testament)

³⁸ rzìi hwa wòteyà ò lì òhwa nanù ema, “Mònàmɛ̀ mò hwèlì nà è kiŋgɛ̀ ema è jelì ò lìna là ama è Rzàŋgò! Ɛ̀yɔ̀lɛ̀ è hwɛ ò ŋmanyu yà lohwà, Èluhwe hvɛ nà Lohwɛ̀ ema à kàrzamì!”

Lukàrzɛ̀ 19:38 Mawu Ofanana

Matiyò 2:2

Hwaŋga hwàlaŋgà rzòmbe hwa mà ùke ò Jèrurzalɛ̀mù rzi hwa ijòwa nanù ema, “One òŋgò ŋmanà ema à ŋyahwì è Kiŋgɛ yà wònyà Yudà e? Ì ɛni è rzòmbe wàte, è jò uŋmɛ̀lɛ̀ nanù ema à ŋyàhwì. Ɔ̀ndeŋgàtɛ̀ ì jelì ò lì mò ŋgba èluhwe.”

Matiyò 21:9

È ŋgìndì ema è mà hwɛ lì ɛ̀ndɛ ò wòrzò wà ama Yerzù, nà è yɔ̀ ema è mà hwɛ lì mò nɔ̀ŋgɔ ò mburzà, hwa mà hwɛ lì tɛ̀ɛ̀ nanù ema, “Hòrzana, nà jèka hvɛ ì hwɛ nà è Ŋmanà wà è nyɔ̀ŋgɔ̀nì yà ama Dàhwitì. Mònàmɛ̀ mò hwèlì nà òŋgò ema à jelì ò lìnà là ama è Rzàŋgò. Hòrzana, jèka ì hwɛ nà Lohwà ema mɔ̀ ndi à kàrzamì lì aka hwa arzɛ!”

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 25:40

Ndi e Kiŋgɛ̀ e hwa alàhwɛ̀ nanù ema, ‘O tɛ̀ɛ̀tɛ̀ɛ na e òhweyà ema tɔ̀ mamɛ ema e ma gbèeyà mɔ̀kɔ wa hwanù wònyanyàŋgò wa ami ema hwa rza òhvɛ hwe tɛmelì, imba ndi ema gbèeyà.’

Lukàrzɛ̀ 13:35

È ɔ̀ŋgɔ tɛ! Lohwɛ̀ à ò kìnyɛlɛlɛ è ndawò ya aŋgɔ̀. Nà ò òhweyà ndi è tɛ̀ɛtɛ, ema ò rza nò ɛnɛ hvɛ natɛ̀ɛ è hvònda ò òhwa nanù ema, ‘Mònàmɛ̀ nà è mɔ̀ ema à jèlì ò lìna la è Rzàŋgò.’”

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

Ɛ̀hvìrzìyà 1:12

À mà gbeyà ndi nanù, aŋga nanù irzɔ ema i mà lòmɛ lì ika lìhvìta là arzu ò mà Yerzù Krirztò, jò ò ohva ɛ̀ɛ̀mɛ̀ ema è ò gbeyɛ hwahvɛhvɛ hwatò ò lì mò eka èhwanja ò è ŋginyà yà eni ndɛnɛ.

Ɛ̀hvìrzìyà 1:6

À jò gbèyi ema i hwɛ hwàànà wà eni aŋga nanù irzɔ i mò eka ò hweyà hwe gbamù ema à mà gbeyɛ. À jò ŋgbèlì è ndèli yà eni ndɛnɛ ò ŋgundu. Irzɔ i lù eŋge ndèli ehwànja ì hwèlì ndi mɔ̀kɔ nà è ŋmanà wà eni wà munyanà ema mɔ̀ à lìŋgàni rzayi-rzayi.

Ɛ̀hvìrzìyà 3:10

Lohwɛ̀ à mà gbeyà ndi nanù, aŋga nanù hwàkànèlì nà iŋginyà jà è ŋmanyu yà lohwà hwa ɛnɛ nà oma mɔ̀ à ohvi lìhwiyè ò hweyà hwe arzɛ ema mɔ̀ à gbeyà naŋgɛ ò lì akeyà nà lì arzàŋganɛ là hwatò hwa Lohwà.

Ɛ̀hvìrzìyà 3:21

Inyɛ̀ èluhwe è hwɛ nà Lohwɛ̀, èhwanja ò hweyà hwe ndɛnɛ ema à hwèlì lì gbèeyà. Hwene hweyà hwe ɛnɛ̀hwɛ̀ ò lì arzàŋganɛ là hwatò hwa Lohwà ndèŋgana hwe ɛnɛ̀hwɛ̀ ò hweyà ema Krirztò à gbèeyà. Èluhwe è hwɛ nà mɔ̀ ò ì hvonda jà arzɛ, ò gbìndèyà nà ò gbìndèyà. Inyɛ̀ wò lìya nanù.

Kòlòrzìyà 1:20

Lohwɛ̀ à mà gbeyà ndi nanù, aŋga nanù hwèèmà hwe arzɛ hwe ò mò jèeyà ò rze yà eni ò lì akeyà nà Krirztò. Hwene hwèmà hwe hwèlì ndi è hweyɔ hwe anu rze yà mɔ̀nyɛ̀ nà è hwè ŋmanyu yà lohwà, ehwànja è ŋmanà wà eni à mà kòma màyija mà eni ò mbàrza. Ò nàŋgɛ nanù hwèèmà hwe arzɛ hwe tànɛyi lì hwɛ ò ɛ̀yɔ̀lɛ̀ nà Lohwɛ̀.

1 Tìmotì 1:17

Ŋmàye nà èluhwe hwe hwɛ nà Lohwɛ̀ ò gbìndèyà nà ò gbìndèyà. Mɔ̀ ndi à hwèlì è kiŋgɛ ò gbìndèyà nà gbìndèyà. Mɔ̀ ndi à hwèlì è mɔ̀ ema hwatò hwa rza ɛni nà mììrzɔ̀ mà awu ndeŋgànɛ̀lɛ̀ à rza ŋwa. Mɔ̀ ŋmìti mɛ̀nɛ ndi à hwèlì Lohwɛ̀. Inyɛ̀ wò lìya nanù.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.