Lukàrzɛ̀ 18:43 - Mokpwe: Bakwery (New Testament)

⁴³ Lìwòkìmɛ̀nɛ̀, òŋgò mòtò rzìi a wòteyà lì ɛnɛ̀. Rzìi à òŋgama Yerzù. A ŋgbà hvɛ Lohwɛ̀ jèka. Nà òmà è ŋgìndì yà àrzɛ e mà ɛnɛ nanù, è mà ŋgbà Lohwɛ̀ jeka.

Lukàrzɛ̀ 18:43 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 21:14

Hwàŋga hwatò ema hwà mà ɔ̀kirzɛ̀ e nyàmbɛ ya ndima na mbòkò hwà mà mò jèeyà ò tenì ya e Ndawò yà Lohwà ya màkanɛ̀, ndèŋgànɛ̀lɛ̀ à mà hwa wɔ̀wìrzɛ̀.

Matiyò 9:8

Nà òma è ŋgìndì è mà ɛnɛ nanù, hwa mà tùmeyà nà mòkambiya. Rzìi hwa wòteya lì eka Lohwɛ̀, èhwanja mɔ̀ à ŋgbelì hwatò ène tumba wònjà.

Lukàrzɛ̀ 13:17

Mamɛ Yerzù a mà òhwe, e ma gbeyà hwatò ema hwà mà mò teŋgɛ̀nɛ lì lɛmbeya ìrzɔnì, mòtò tɛ à mà òka mɔ̀nyɛ̀ŋgì lì hvomɛ̀nɛ̀ hweyà hwe mànyàka hwe arzɛ ema Yerzù a mà gbèye.

Lukàrzɛ̀ 19:37

È hvònda ema Yerzù à mà hwɛ lì rzìhwa ò Mòòlì mò Njàhwɛ̀ ò lì kpèeyà ò mbòwà yà Jèrurzalɛ̀mù, è ŋgìndì yà hwà-òkòwèlì hwa eni è mà wòteyà lì embà nà mɔ̀nyɛ̀ŋgì, nà màlò mà kàrzàmi ò lì ekà Lohwɛ̀, lì hvòmɛ̀nɛ̀ hweyà hwe àrzɛ hwe mànyàka ema hwa mà ɛ̀nɛ,

Lukàrzɛ̀ 4:39

Yerzù rzìi a tòmbeya ò tòŋgòŋgò yà èni, a ujama rzi a kànja èŋge ŋgɔwu ema e mò hwɛ̀mɛ̀, ò wòtɛmɛ̀tɛmɛ̀ èŋge ŋgɔwu rzìi e mò hwɛ̀mɛ̀. Rzìi à tɛ̀mɛ̀ a hwa kàrzɛ̀.

Lukàrzɛ̀ 5:26

Tɔ̀ ima mòtò à ma hwɛ aŋga à mà ònda nà hwètàmìrzèlì. Ò èŋgànɛ̀lɛ̀ hwa mà èka Lohwɛ̀ nà lì òndà nà wɔ̀ŋgɔ̀ rzìi hwà òhwa nanù ema, “Jà ɛnì hweyà hwe mànyakà yàwònò.”

Lukàrzɛ̀ 9:43

Hwatò hwa arzɛ hwa mà tàmà, ò lì ɛnɛ̀ mànyàkà mà amà Lohwɛ̀ a mà gbèye. Tɔ̀ nɛ hwa mà hwɛ ò hwètàmirzelì lì hvòmɛ̀nɛ̀ mamɛ ema Yerzù a mà gbèye, Yerzù à mà òhweyà Hwà-òkòwèlì hwa eni nanù ema,

Hwègbèèlì 11:18

Lirzakò ema hwanɛ̀yi hwatò hwà mà hweye ene eyà, wɔ̀ hwà mà hwɛmɛ e ndandò ya awu na Pètrò rzi hwa wòteya lì eka Lohwɛ̀. Wɔ̀ hwà mà òhwa nanù ema, “Irzɔ i tànɛyi ò lì ɛnɛ nanù ema, Lohwɛ̀ a ŋgbèlì hvɛ hwanù hwatò ema hwa rza enje wònyà Yudà èŋge ehvòlò ya lì tikòwa ò wòhwè wò awu lì timba ò ma Lohwɛ̀ lì luwa lòŋgɛ la gbìndèyà.”

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 4:21

Hwelìyelì hwe hwàkàyìrzèlì hwe ma timba lì hwa kòkòwɛ̀lɛ̀ na ŋginyà rzi hwa hwà hwɛmɛ ema hwa ɛndɛ. Hwa rzi tànɛyi lì hwa kɔ̀kìrzɛ̀ èhwanja hwatò hwa arzɛ hwà mà hwɛ lì eka Lohwɛ̀ lì hvòmɛ̀nɛ̀ mamɛ ema e ma gbèyɛ̀nɛ.

Gàletìyà 1:24

Eyà ema Lohwɛ̀ à mà no gbèeyà e ma hwa gbeyà o lì eka Lohwɛ̀.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.