Lukàrzɛ̀ 18:39 - Mokpwe: Bakwery (New Testament)

³⁹ Hwàŋga hwatò ema hwà mà hwɛ ò wòrzò wò èŋge ŋgìndì, rzìi hwa lòmeya èŋge ndima ema, a umbe è wàna yà eni. Ndi mɔ̀ à mà tɛ hvɛ lì akà lìmɛ̀nì nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ìmba ììlì!”

Lukàrzɛ̀ 18:39 Mawu Ofanana

Matiyò 7:7

“Ijòwa Lohwɛ̀, à ò ŋgbà. Ò arze, Lohwɛ̀ à gbeyà ò è ɛnɛ, ò kumbe lìyòhva, Lohwɛ̀ ò è lìhvòweya è lɔ̀.

Matiyò 8:26

Yerzù rzìi a hwa alàhwɛ̀ nanù ema, “Mamɛ ndèŋgatɛ̀ è òka wɔ̀ŋgɔ̀ nanù e? Mamɛ ndeŋgatɛ lìlòkɛ̀ la anyu lì tùù nanù e?” Rzìi à tɛ̀mɛ̀ ò ŋmanyu, à lòmeyà è mbɛ̀hvɛ̀nì ema e ma hwɛ lì hvɛhvɛ na hwèmùnɛ̀. O wòtɛmɛ̀tɛmɛ̀ e mbɛ̀hvɛ̀nì e ma kɛ̀ɛ̀yà rzìi hwèmùnɛ̀ hvɛ hwe lɔ̀kɔ̀meyà.

Matiyò 9:27

Nà òma Yerzù mɔ̀ à mà anjiye aŋga òma, ndima ihwàkɛ ja wunyanà hwa wòteyà lì mò nɔ̀ŋgɔ, rzìi hwa a tɛ lì òhwa nanù ema, “Ìi Ŋmanà wa e nyɔ̀ŋgɔ̀nì wà ama Dàhwitì ò jò òkeya ììlì!”

Lukàrzɛ̀ 11:52

“Èwòma nà inyɔ hwà-òkòlèlì hwa mbenda! Inyɔ è ùti hwèlìhvòwànì hwe lìyòhva la è ndawò yà lìhwiyè. È rza àrza lì kpèeyà, è rza emeyà hwahvɛhvɛ hwatò hwa kpèeyà.”

Lukàrzɛ̀ 18:1

Yerzù rzìi a kpɛ̀ɛya hwà-òkòwèlì hwa eni ŋmàna àma hwa hwɛ ndi ò màkanɛ̀ ihvònda ja àrzɛ. Hwa rzì kèka lì tùulɛ̀ mèèmà.

Lukàrzɛ̀ 18:15

Lòŋgò la hwatò hwa mà jàneya Yerzù hwaanà hwa awu hwàrzàlì, ema a hwa hwàkɛ màà mà eni, ò lì hwa nàmìrzɛ̀. Ndi hwà-òkòwèlì hwa eni hwa mà ɛ̀nɛ nanù, rzìi hwa hwà lòmeyà.

Lukàrzɛ̀ 18:38

Òŋgò mòtò rzìi a tɛ nà lìlò lì kàrzàmi nanù ema, “Aà, Yerzù! È Ŋmanà wà è nyɔ̀ŋgɔ̀nì ya ama Dàhwitì, ò nò òkeya ììlì!”

Lukàrzɛ̀ 18:40

Yerzù rzìi a tɛ̀mɛ̀. A òhwa nanù ema, hwa mò jàneyà èŋge ndima. Nà òmà a mà kòmbɛ̀nɛ̀ Yerzù, Yerzù rzìi a mò ijòwa nanù ema,

Lukàrzɛ̀ 19:39

Lòŋgò là Hvàlìrzàyì ò èŋge ŋgìndì rzìi hwa òhweyà Yerzù nanù ema, “Mòòkòlèlì kànja hwà-òkòwèlì hwa aŋgɔ̀, èhwànja hwa rzà kànɛ̀yi lì òhwà ène nyayi yà mbɔrzi!”

Lukàrzɛ̀ 8:49

Nà òmà Yerzù a mà hwɛ lì òhwà nanù, mòtò mɔ̀kɔ à mà uhwɛlɛlɛ̀ ò ndawò yà ama Jàrìyɔ̀rzɛ̀. Rzìi à òhweyà Jàrìyɔ̀rzɛ̀ nanù ema, “È ŋmanà ŋgɔ̀ndɔ̀ wà aŋgɔ̀ à mà màà lì ŋwa. O èŋgànɛ̀lɛ̀ ò rza tàkìrzɛ̀ è Mòòkòlèlì hvɛ.”

2 Kɔ̀rintìyà 12:8

Nà ma kanɛ̀ Rzàŋgo ŋgèlì iyàwò nanù ema a nò ulɛ o tenì ya mono mòtàkà.