Lukàrzɛ̀ 18:32 - Mokpwe: Bakwery (New Testament)

³² Hwa mò ŋgba ò màa, ma hwatò ema hwa rza enje wònyà Yudà. Hwa mò kìkòwà, hwa mò hwɛnyɛ̀ nà lì mò rzɔ̀yeyà hvɛ hweyɔlì.

Lukàrzɛ̀ 18:32 Mawu Ofanana

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 20:19

Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 22:6

Hwanɛyi hwatò hvɛ ema hwà mà yòhwɛhwɛ, hwà mà lɛmbɛ hwaŋga hwàgbèèlì hwa ama eŋge kiŋgɛ. Hwa hwà gbiyɛ hvònji natɛ̀ɛ hwa hwà òŋwa.

Matiyò 26:67

Lòŋgò la hwatò rzìi hwa wòteyà lì mò rzɔ̀yeya hweyɔlì ò wòrzò wò eni, na lì mò tiyà. Lòŋgò hvɛ hwà mà hwɛ lì mò rzama màwumbɛ,

Matiyò 27:2

Hwà mà mò kaka, rzi hwà tìmbà lì mò akɛlɛlɛ Pìlatò ema mɔ̀ ndi e kiŋgɛ ya èkòmè ya Ròmànì à mà ika ò lì kànèyà hwatò hwa erzòòkà yà Jùdeyà.

Makòrzì 14:65

Hwa arzɛ hwà mà mò akɛ̀lɛ̀lɛ̀ e mbàkò ema a hwɛnì ndi lì ŋwa. Rzìi lòŋgò hwa mà wòteyà lì mò rzɔ̀yeyà hwèyɔ̀lì, hwa mò lìŋga mìirzɔ̀, rzìi hwa wòteyà lì mò tiyà, rzìi hwa mò òhweyà nanù ema, “O jò òhweyà è mòtò ema à ò ti.” Hwà-òŋgèlì hwa e Ndawò yà Lohwà rzìi, hwa mò wòwà, rzìi hwa wòteyà ò lì mò anana.

Makòrzì 15:1

O ekpaarzɛ ya wùnyà, Ipìlìrzì ndɛ̀nɛ, hwàmbaki hwa Irzàyɛ̀lì, hwà-òkòlèlì hwa mbenda nà hwatò hwa ndawò yà hwèkàyìrzèlì hwe kàrzàmì hwa mà hwɛnɛ hwèlìyelì. Hwà mà kaka Yerzù, hwa mò ɛ̀ndɛnɛ, rzìi hwa mò akɛlɛlɛ Pìlatò.

Lukàrzɛ̀ 18:33

Hwa mò gbiyɛ̀ hvònjì, rzìi hwa mò òŋwà. Ndi ò mburzà menya meyawò, à hvùmùwà.”

Lukàrzɛ̀ 23:1

Hwatìmbèlì hwa mbòwà hwa àrzɛ rzìi, hwa tɛ̀mɛ̀, hwa ɛ̀ndɛnɛ Yerzù ò wòrzò wò ama Pìlatò.

Lukàrzɛ̀ 23:11

Hɛ̀rɔ̀dì nà hwaànèlì hwa eni hwa njùma hwa mà kìkòwa Yerzù. Hwa mà mò umbɛlɛlɛ mènìtò, rzìi hwa mò wɔ̀tìrzɛ mòŋgòmbè mò gbamù, rzìi hwa mò tìmbìrzɛlɛlɛ Pìlatò.

Lukàrzɛ̀ 23:35

Nà òmà è ŋgìndì e mà tɛ̀mɛ̀ ò lì ɔŋgɔ̀ Yerzù, rzìi hwàtìmbèlì hwa lìmeya ndi lì kìkòwa Yerzù nanù ema, “À mà òŋgirzɛ hwànɛ̀yi, a àwòŋgìrzɛ̀ hvɛ mɔ̀ ŋmìti jò ɔ̀ŋgɔ, è hwèlì tɛ ema ò jɔ̀kɛ̀ mɔ̀ ndì Lohwɛ̀ a hvɔ̀rzì, ema a Ɔ̀kirzɛ̀hwɛ̀yi.”

Yòwanìrzɛ̀ 18:22

È hvònda ema Yerzù à mà òhwe ene eyà, mògbèèlì mɔ̀kɔ a mò rzama luùmbɛ rzìi a òhwa nanù ema, “Mamɛ ndèŋgàtɛ̀ ò òhwirzɛnɛ e Pìlìrzì ema e karzami nanù e?”

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 18:30

Hwà mà mò alàhwɛ̀ nanù ema, “Mɔ̀ a rzi hwɛ tɛ mòtò wa wòhwe, òma irzɔ i rza ò akɛlɛlɛ e mɔ̀.”

Yòwanìrzɛ̀ 18:32

Ène eyà e ma gbèyɛ̀nɛ ndi nanù, ò lì òndìrzɛ̀ eyà e ma Yerzù à mà lòme lì òhwa, lì hvòmɛ̀nɛ̀ e tumba kpelì ema mɔ̀ à ò ŋwɛ.

Yòwanìrzɛ̀ 18:35

Pìlatò rzi à timbirzɛlɛlɛ nanù ema, “Imba nà hwèlì ndi mòtò wà Yudà e? Hwatò hwa aŋgɔ̀, nà Ipìlìrzì ndɛnɛ jà aŋgɔ̀, wɔ̀ ndi hwa ò akɛlɛ ò màa mà ami. Mamɛ ò wà ò gbèyi e?”

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.