Lukàrzɛ̀ 18:31 - Mokpwe: Bakwery (New Testament)

³¹ Yerzù rzìi a wòwa lìyòmɛ̀ la eni la hwà-òkòwèlì nà hwàhwàkɛ̀ ò tòŋgòŋgò yà èni, rzìi a hwa òhweyà nanù ema, “È òkànèyà, ì hwɛnì lì àgba ò Jèrurzalɛ̀mù, hweyà hwe àrzɛ ema hwà-òhwèlì hwa hwèlìŋgɛ̀ hwà mà tìle lì hvòmɛ̀nɛ̀ è Ŋmanà wà è Mòtò wà Hwènàmà, hwe òndìrzɛ̀hwɛ̀.

Lukàrzɛ̀ 18:31 Mawu Ofanana

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’

Makòrzì 8:9

Ò ma tɛ̀mɛ̀ eyà ya hwèkòlì hweni hwe hwatò hwa mà hwɛ aŋga. Yerzù à mà hwa òhweyà ama hwa ɛ̀ndɛ.

Lukàrzɛ̀ 10:30

Yerzù rzìi a mò alàhwɛ̀ nà ŋmàna nanù ema, “O mà hwɛ mùnyanà mɔ̀kɔ hwà Irzàyɛ̀lì ema à ma uhwɛlɛlɛ ò Jèrurzalɛ̀mù, rzìi à mà hwɛ lì ɔ̀ndɔ̀ ò Jèrìkò. Nà òmà à mà hwɛ ò yɔ̀ndɔ̀ ya eni rzìi, hwèkɛ̀nɛ̀ŋgɛ̀ hwe mò lɛ̀mbɛ, hwe mò wòwàna hwèèmà hweni hwe àrzɛ ema à mà òhve. Hwa mò agba lìwòrzì natɛ̀ɛ a hvɛ lì ŋwa. Aŋgà ndi hwa mà mò rzɔ̀njɛlɛ, ò tòŋgòŋgò yà njìya.

Lukàrzɛ̀ 9:22

Yerzù à mà òhweyà hvɛ hwà-òkòwèlì hwa eni nanù ema, “È Ŋmanà wà è Mòtò wà Hwènàmà, à hwɛnì lì lùwa mètàkìrzɛ̀nɛ̀ rzayì-rzayì, à hwɛnì lì rzɔ̀rzɔwɔ na hwàmbaki hwa mbòwà, Ipìlìrzì ndɛnɛ, nà hwà-òkòlèlì hwa mbenda. À hwɛnì lì òŋwàhwà. O mburzà menya meyàwò à ò hvùmùwà.”

Lukàrzɛ̀ 9:51

Nàŋgɛ è hvònda ema Yerzù a mà hwɛnɛ lì ɛ̀ndɛ ò ŋmanyu yà lohwà è mà kòmbɛ̀nɛ̀. O èŋgànɛ̀lɛ̀ rzɔ à mà kàkɛ̀nɛ̀ nanù ema à hwɛnì lì ɛ̀ndɛ ò Jèrurzalɛ̀mù.