Lukàrzɛ̀ 18:21 - Mokpwe: Bakwery (New Testament)

²¹ Òŋgò mòkànèlì rzìi a òhwa nanù ema, “Mòòkòlèlì nà mà gbeyàna inì mbenda lìwòteya è hvònda ema na mà hwɛ jùma ŋmanà.”

Lukàrzɛ̀ 18:21 Mawu Ofanana

Lukàrzɛ̀ 15:29

Òŋgò ŋmanà à mà alàhwɛ̀ rzàŋgɛ nanù ema, ‘Ɔ̀ŋgɔ tɛ, menè mèenyà me àrzɛ ema na hwèlì nà ò gbèeyà, nà rzi ò tònàni. Ò rzi nò ŋgbèlì tɔ̀ ŋgùma ya mbòlì ema ìmba hvɛ na rzòmbìrzɛ̀ nà ìmbunda ja amì.

Lukàrzɛ̀ 15:7

Yerzù rzìi à hwàtɛ hvɛ lì òhwà nanù ema, “O ò hwɛ mɔ̀nyɛ̀ŋgì mò ndɛnɛ̀, ò ŋmanyu yà lohwà, ehwànja mòtò mɔ̀kɔ wà wòhwe à tìkòhwi hwɛ̀ɛ̀mɛ̀ hwe eni a timbi nà Lohwɛ̀. Òŋgò à akayi mènìlùùwà nà lùùwà mè hwatò ema hwa hwèlì ehve-ehve. Wɔ̀ hwa rza tànɛ̀yi hvɛ lì àyèŋgòwɛ̀.

Lukàrzɛ̀ 18:20

Ò wa ò hwi e mbenda ema è òhwi nanù ema, “Ò rzì gbeyà mòrzònje mò lìhwa, ò rzì òŋwa mòtò, ò rzì ihwa, ò rzì tɛ̀mɛ̀ mbòŋgi yà mòlàŋgà, ŋgbà rzɔ̀ŋgɛ, nà nyɔ̀ŋgɛ èluhwe.”

Lukàrzɛ̀ 18:22

Yerzù à mà hweye nanù, rzìi a mò òhweyà nanù ema, “O lìyelì eyà yɔ̀kɔ ema ò àŋgàmɛ̀nɛ̀ lì gbeyà. Ahwirzɛ erzàŋgò ya aŋgɔ̀ ya arzɛ, ò kahweyà mèlìrza me hwatò wòŋgò wòlì. O gbèyi tɛ nanù ò lùwà mònàmɛ̀ ò ŋmanyu ya Lohwà. O mburzà nanù, ò jèe ò nò òŋgame”

Hvìlipìyà 3:6

Nà ma hwɛnɛ e nyɔ̀ŋgi rzayi-rzayi nyayi ema e ma gbeyà ema na tàkirzɛ lì arzàŋganɛ la hwatò hwa ama Yerzù Krirztò. Tɔ̀ mòtò a rzi tanɛ lì ohwa nanù ema nà mà ohva tɔ̀ lìtɔ̀tì tɔ̀ lɔ̀kɔ la wòhwe o nyo ya ami, ehwànja nà mà ika e mbenda ya arzɛ ya hwatò hwa Irzàyɛ̀lì.