Lukàrzɛ̀ 18:19 - Mokpwe: Bakwery (New Testament)

¹⁹ Yerzù rzìi a mò ijòwa nanù ema, “Mamɛ ndeŋgàtɛ ò nò hwɛlɛ mòòkòlèlì wà gbamù e? O rza ènje tɔ̀ mòtò tɔ̀ mɔ̀kɔ ema à hwèlì gbamù, lì akà tɛ Lohwɛ̀ ŋmìti.”

Lukàrzɛ̀ 18:19 Mawu Ofanana

Lukàrzɛ̀ 1:35

È aŋgèlì è mà mò alàhwɛ̀ nanù ema, “Èlìŋgɛ̀ yà Wòtani e ò rzìhweyà, ndèŋgàna è ŋginyà yà ama Lohwɛ̀ lì karzamì è ò hwandà. O eŋgànɛ̀lɛ̀, òŋgò Ŋmanà wà wòtani ema o ò ŋya, a ò hwɛ̀lɛ̀hwɛ̀ ndi è Ŋmanà wà ama Lohwɛ̀.

Lukàrzɛ̀ 11:13

Hwatò hwa wòhwe nàa inyɔ è ŋgbà tɛ hwàànà hwa anyu hwema hwe gbamù, ŋgèlì iti nà Tatɛ̀ wà ànyu ema a hwèlì ò ŋmanyu yà Lohwà. Nɛ a rzà ŋgbà Èlìŋgɛ̀ yà Wòtani ò hwatò ema hwa mò ijòwi e?”

Lukàrzɛ̀ 18:18

Mòkànèlì mɔ̀kɔ à mà ijòwa Yerzù nanù ema, “Ìì mòòkòlèlì wà gbamù, mamɛ na tànɛyi lì gbeyà ò lì lùwa lòŋgɛ ema lì rza kùwa e?”

Lukàrzɛ̀ 18:20

Ò wa ò hwi e mbenda ema è òhwi nanù ema, “Ò rzì gbeyà mòrzònje mò lìhwa, ò rzì òŋwa mòtò, ò rzì ihwa, ò rzì tɛ̀mɛ̀ mbòŋgi yà mòlàŋgà, ŋgbà rzɔ̀ŋgɛ, nà nyɔ̀ŋgɛ èluhwe.”

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

Hibrù 7:26

Yerzù mɔ̀ ndi à hwèlì èŋge tumba ya Pìlìrzì e Kàrzàmi ema a jo lɔ̀ɔ̀nì, èhwanja mɔ̀ à ondi na wòtani, a rza ohvi hvɛ tɔ̀ mehwɛlɛ, tɔ̀ wòhwe tɔ̀ wɔ̀kɔ wo rzi mo rzɔ̀ki. Mɔ̀ à mà akakowɛ o hwatò ema hwa gbeyà wòhwe, ndèŋgànɛ̀lɛ̀ a ikahwi o ŋmanyu ya e konda ndɛnɛ ya lìkànèyà o ŋmanyu yà lohwà.

Jèmìrzì 1:17

Tɔ̀ ima jàhwèyà ja gbamù nà tɔ̀ ima eyà ema e ondìrzɛhwɛyi gbamù, hwe uwɛ̀lɛ̀lɛ̀yi ndi o ma Tàtɛ ema a hwèlì o ŋmanyu yà lohwà. Tatɛ̀ ndi à weki hwèèmà hwe arzɛ ema hwe uŋmɛ̀lɛ̀ ŋmàye o ŋmanyu yà lohwà. Hwene hwèèmà hwe hvànya ŋmàye ndèŋgànɛ̀lɛ̀ mono ŋmàye mo ayèŋgowɛ̀ ndi Lohwɛ̀ a rza ayeŋgòwɛ̀.