Lukàrzɛ̀ 18:14 - Mokpwe: Bakwery (New Testament)

¹⁴ Yerzù rzìi a òhwa hvɛ nanù ema, “Nà è òhweyà ema, ònò mòtò à mà tìmba ò ndawò yà èni rzìi a tɛ̀mɛ̀ ehve-ehve nà Lohwɛ̀, lì aka òŋgò Hvàlìrzàyì. Tɔ̀ njɛnɛ ema a akàrzɛ mɔ̀ ŋmìti, à rzìhwìrzɛ̀hwɛ̀. È mɔ̀ hvɛ ema arzihwirzɛ, a kàrzɛ̀hwɛ̀.”

Lukàrzɛ̀ 18:14 Mawu Ofanana

Matiyò 23:12

Tɔ̀ ima mòtò ema à akàrzɛ̀yi Lohwɛ̀ a mò rzìirzɛ. Tɔ̀ ima mòtò hvɛ ema a arzìhwìrzɛ Lohwɛ̀ a mò kàrzɛ.”

Matiyò 5:3

“Mònàmɛ̀ nà hwatò ema hwa hwèlì mòlìrzà ò èlìŋgɛ̀, èhwanja hwa hwèlì ò rze yà Likànèyà la ama Lohwɛ̀.

Lukàrzɛ̀ 1:52

À ulɛyi hwàkànèlì ò kònda ja awu ja màkànèyà, rzìi à kàrzɛ̀yi hvɛ è wɔ̀ ema hwa arzihwirzɛ.

Lukàrzɛ̀ 10:29

Ndi òŋgò mòòkòlèlì wà mbenda à mà àrza lì arzùŋgɛ̀, rzìi a ijòwa nanù ema, “Njɛnɛ à hwèlì ŋmanyàŋgò wa ami e?”

Lukàrzɛ̀ 14:11

O èŋgànɛ̀lɛ̀ e hwiye ema, tɔ̀ ima mòtò ema à akàrzɛ mɔ̀ ŋmìti Lohwɛ̀ à mò rzìhwìrzɛ̀. Òŋgò hvɛ ema à arzìhwìrzɛ̀ mɔ̀ ŋmìti, Lohwɛ̀ à mò kàrzɛ̀.”

Lukàrzɛ̀ 16:15

Yerzù rzìi a hwa òhweyà nanù ema, “Inyɔ è a uŋmɛ̀lɛ̀ ò màrzò ma hwatò ema è rzàŋgi, ndi Lohwɛ̀ à hwi mamɛ ema e hwèlì ò mèèmà me anyu. Èŋge eyà ema hwatò hwa wò wòlìtò rzayì-rzayì, e hwèlì ndi nàa lòwa lì uŋgbàa ò wòrzò wò ama Lohwɛ̀.”

Ròmànì 3:20

O èŋgànɛ̀lɛ̀ rzɔ ò rza enje tɔ̀ mòtò tɔ̀ mɔ̀kɔ ema a tɛ̀mɛ̀ ehve-ehve ò wòrzò wò ama Lohwɛ̀ èhwanja, a gbeyà mamɛ ema e mbenda e òhwa. È mbenda e hwèlì ndi ò lì uŋmɛ̀lɛ̀ hwatò nanù ema hwà mà gbeyà wòhwe.

Ròmànì 4:5

Ndi mòtò à rza gbèyi tɛ èwòlò ndi à ika ŋmèma mò eni nanù ema nà òma mɔ̀ à lòkɛ̀ Lohwɛ̀ eŋge è mò gbeyà ema à tɛ̀mɛ̀ ehve-ehve ò wòrzò wò ama Lohwɛ̀, rzìi Lohwɛ̀ ema à gbeyà hwatò ema hwa gbeyà wòhwe hwa tɛ̀mɛ̀ ehve-ehve ò wòrzò wò eni, mɔ̀ à mò wòwa nàa mòtò ema à tɛmì ehve-ehve èhwanja à mò lòkɛ̀yi.

Ròmànì 5:1

O èŋgànɛ̀lɛ̀ rzɔ, na òma lìlòkɛ̀ la arzu lì ma gbeyɛ Lohwɛ̀ ò lì jò wòwa nàa hwatò ema hwa tɛmi ehve-ehve ò wòrzò wò eni, i lu ɛ̀yɔ̀lɛ̀ na Lohwɛ̀. È Rzàŋgò ya arzu Yerzù Krirztò yɔ ndi e gbèyi ndèŋgàna Lohwɛ̀ a e jò ŋgba ɛ̀yɔ̀lɛ̀.

Ròmànì 8:33

Njɛ̀nɛ a tànɛyi lì òhwa nanù ema hwatò ema Lohwɛ̀ a hvɔ̀rzì hwa tùu ŋmàŋgò e? Lohwɛ̀ mɔ̀ ŋmìti ndi à òhwi nanù ema irzɔ i hwèlì ndi hwatò ema ji emeyàlɛhwɛ ò wòrzò wò eni.

Gàletìyà 2:16

Ndi tɔ̀ nɛ irzɔ i hwi nanù ema Lohwɛ̀ a rza emeyà mòtò ema a hwèlì wòtani èhwanja a nɔ̀ŋgɔ e mbenda. Ndi lì lòkɛ̀ ema mòtò a lòkɛ̀ Yerzù Krirztò lɔ ndi lì gbeyà Lohwɛ̀ a emeyà mòtò ema a tɛmi ehve-ehve. O eŋgànɛ̀lɛ̀ rzɔ irzɔ hvɛ i lòkɛ̀yi Yerzù Krirztò aŋga nanù Lohwɛ̀ a jo emeyà èhwanja i lòkɛ̀yi Yerzù ndi rzeketɛ ema èhwanja ji ikayi e mbenda. Lohwɛ̀ a rza emeyà e mòtò èhwanja a nɔ̀ŋgɔ e mbenda.

Jèmìrzì 4:10

È arzìhwìrzɛ o worzo wo ama e Rzàŋgo. Inyɔ e gbèyi tɛ nanù mɔ̀ à e kàrzɛ̀ o ŋmanyu.

Jèmìrzì 4:6

Ndi e ndèli ema, Lohwɛ̀ a jo ŋgbàà e rza hwɛni lìmɛni. Ɔndèŋgàtɛ̀ e tìlahwì o kààtì ya Lohwà nanù ema, “Lohwɛ̀ a kumbɛlɛlɛ hwatò hwa àyekìrzɛ e mburza ndi e wɔ̀ ema hwa arzìhwìrzɛ̀yi a hwa ŋgbàà ììlì ja eni.”