Lukàrzɛ̀ 18:13 - Mokpwe: Bakwery (New Testament)

¹³ “Ndi è mòrzàŋgèlì wà è njàŋge yà lìkànèyà à mà tɛ̀mɛ̀ hvòhvò. À rzi tanɛ̀ hvɛ tɔ̀ lì kàrzɛ mìirzɔ̀ ma eni ò lì ɔŋgɔ̀ lìwòhwɛ̀ la ŋmanyu. À mà ika màà mà eni ò màhwembe ma eni rzìi a kànɛ̀ nanù ema, ‘Ìi Lohwɛ̀ ò nò òkeya ììlì. Nà hwèlì ndi mòtò wà wòhwe.’”

Lukàrzɛ̀ 18:13 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 6:5

“È kanɛ̀ tɛ, è rzìi hwɛ ndi nàa hwatò hwa mèhvìlì, èma wɔ̀ hwa kanɛ̀ tɛ, hwa lìŋgàna lì tɛ̀mɛ̀ ò ndawò ja màkanɛ̀ nà ò tòŋgòŋgò ja hwewòka hwe màlòkò, nanù ema hwatò hwa à hwà ɛnɛ. Nà è òhwèyà ndi è jɔ̀kɛ̀ nanù ema, wɔ̀ hwa mà màa lì lùwa mòrzawèlì mò awu mò arzɛ.

Matiyò 9:13

Ndi e ɛ̀ndɛ e òkòwe mamɛ ene mbɔrzi e òhwa na òma e tìlahwì ò e kààtì ya Lohwà nanù ema, ‘Mamɛ ema na arzana hwatò e hwèlì ndi ììlì, ndi rzeketɛ màhwèyà.’ Imba na rza jèlì ndi ò ene rze ya mɔ̀nyɛ̀ ò lì hwɛlɛ hwatò ema hwa gbeyà hweyà ema Lohwɛ̀ arza, na jɛ̀lɛ̀lɛ̀yi ndi hwatò hwa wòhwe.”

Makòrzì 11:25

Ò tɛmì tɛ ò màkanɛ̀, rzìi e hwɛ nanù ema, ò òhvanì mòtò hwètàtò ò ŋmèma, ò mò làkìrzɛ̀. Àŋga nanù Tatɛ̀ wa àŋgɔ wà ŋmanyu yà lohwà mɔ̀ hvɛ à ò làkìrzɛ̀ è me àŋgɔ wòhwe.”

Lukàrzɛ̀ 17:12

Nà òmà Yerzù a mà kpèeyà ŋmanà mbòwà mɔ̀kɔ, à mà ùŋmanɛlɛ lìyòmɛ̀ la hwatò ema hwà mà ɔ̀kirzɛ̀ è nyàmbɛ yà mɔ̀lɔ̀ŋgɔ. Hwa mà tɛ̀mɛ̀ hvòhvò.

Lukàrzɛ̀ 22:41

À mà hwa akakòwɛ eyà ya ŋgùrzù jà màtàŋgà, rzìi à rzùma màwɔ̀ŋgɔ̀ŋgɔ̀ mà eni ò rze, rzìi à wòteyà lì kanɛ̀ nanù ema,

Lukàrzɛ̀ 23:48

Nà òmà è ŋgìndì ema è ma ùkeya aŋga ò lì ɛnɛ̀ nɛ Yerzù a wòmahwɛlɛ ò mbarza e ma ɛ̀nɛ mamɛ e ma gbèyɛ̀nɛ̀, è mà tìmba nà ndùtù ò mèèmà.

Lukàrzɛ̀ 5:8

Nà òmà Rzìmɔ̀nì Pètrò a mà ɛ̀nɛ mamɛ e ma gbèyɛnɛ, a rzùmeya Yerzù màwɔ̀ŋgɔ̀ŋgɔ̀, rzìi a mò òhweyà nanù ema, “Yerzù kòkò, ò nò ànjiiya anù, nà rza kanɛ̀ lì ò kòmbɛ̀nɛ̀, nà hwèlì ndi mòtò wa wòhwe!”

Hwègbèèlì 2:37

Nà òma hwatò hwà mà hweye mamɛ ema Pètrò à mà òhwe, mèèmà me awu me ma kerzeya. Rzìi hwa ijòwa Pètrò nà inɛyi àpɔ̀rzìtòlò nanù ema, “Ìi wònyàmòwe mamɛ ja àŋgàmɛ̀nɛyi lì gbeyà e?”

Ròmànì 5:8

Ndi Lohwɛ̀ à mà jò uŋmɛ̀lɛ̀ nɛ mɔ̀ à jò lìŋgàni, èhwanja lìrzakò ema irzɔ i ma hwɛ ndi hwatò hwa wòhwe ɔ̀ndi, Krirztò à mà jò ŋwèeyà.

2 Kɔ̀rintìyà 7:11

Ndi inyɔ e ma hweyà wòhwe, na oma Lohwɛ̀ à mà arze nanù ema e hweye, o èŋgànɛ̀lɛ̀ rzɔ, e ɔ̀ŋgɔ tɛ mamɛ eŋge e ma e jàneyà, inyɔ e ma arza ema na hwiye nanù ema e keka o lì uŋmɛ̀lɛ̀ hwatò nanù ema e rza gbeyà tɔ̀ lùurzè nàŋgɛ. È ma tata nanù ema hwaŋga hwatò hwà mà gbeyà matona o e hvonda ema e ma aka, ndèŋgàna e hwa ohweyà nanù ema hwa hwɛmɛ wòhwe wo awu. È ma oka wɔ̀ŋgɔ̀ nanù ema Lohwɛ̀ a e kɔ̀kìrzɛ̀ e hwèlì tɛ nanù ema e lìmelì ndi o lì gbeyà ini nyayi ja hweyà. È ma lìŋgàna o lì no ɛnɛ na e jɔ̀kɛ̀, e ma hwɛnɛ hvɛ mèèmà mo lì no ikana ekohva, ndèŋgànɛlɛ e kɔ̀kìrzɛ̀ hwatò ema hwa gbeyà wòhwe. Nà oma e ma gbeyà hwene hweyà hwe arzɛ, e uŋmɛ̀lɛ̀ nanù ema e rzi gbèyi tɔ̀ eyà tɔ̀ yɔ̀kɔ ya wòhwe.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.

Hibrù 4:16

Ò eŋgànɛ̀lɛ̀ rzɔ̀, inyɛ ì hwɛnɛ lìhvìtà, inyɛ je ɛndɛ o e konda ya lìkànèyà la ama Lohwɛ̀, ema e ŋgbàà e ndelì. Inyɛ̀ je ɛndɛ aŋga e rzi hwɛ tɔ̀ wɔ̀ŋgɔ̀. Inyɛ̀ i gbeye nanù aŋga nanù Lohwɛ̀ a jo uŋmɛ̀lɛ̀ ììlì, rzìi a jo ŋgbà e ndèli ya eni ema e jo oŋgowàna tɔ̀ ima hvonda ema ja arza lì oŋgowanɛ.

Hibrù 8:12

Imba nà ò hwa làkìrzɛ wòhwe wò awu, rzìi nà rza ɔ̀ŋgɛ̀lɛ̀ màtònà mà awu.”