Lukàrzɛ̀ 18:11 - Mokpwe: Bakwery (New Testament)

¹¹ “È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Lukàrzɛ̀ 18:11 Mawu Ofanana

Matiyò 10:3

Hvìlìpì na Bàtòlomìyò, Tɔ̀màrzì na Matìyò e mòrzàŋgèlì wa e njàŋge yà lìkànèyà, Jèmìrzì e ŋmanà wa ama Alìhvɔ̀rzì, na Tàdiyòrzì,

Matiyò 5:20

O èŋgànɛ̀lɛ̀ rzɔ, na e òhwèyà nanù ema natɛ̀ɛ inyɔ è gbèèyà Lohwɛ̀ lì aka Ihvàlìrzàyì, nà Hwà-òkòlèlì hwa mbenda, inyɔhvɛ è rza ò kpèèyà a kpèèyà ò Likànèyà là è ŋmanyu yà lohwà.”

Matiyò 6:5

“È kanɛ̀ tɛ, è rzìi hwɛ ndi nàa hwatò hwa mèhvìlì, èma wɔ̀ hwa kanɛ̀ tɛ, hwa lìŋgàna lì tɛ̀mɛ̀ ò ndawò ja màkanɛ̀ nà ò tòŋgòŋgò ja hwewòka hwe màlòkò, nanù ema hwatò hwa à hwà ɛnɛ. Nà è òhwèyà ndi è jɔ̀kɛ̀ nanù ema, wɔ̀ hwa mà màa lì lùwa mòrzawèlì mò awu mò arzɛ.

Makòrzì 11:25

Ò tɛmì tɛ ò màkanɛ̀, rzìi e hwɛ nanù ema, ò òhvanì mòtò hwètàtò ò ŋmèma, ò mò làkìrzɛ̀. Àŋga nanù Tatɛ̀ wa àŋgɔ wà ŋmanyu yà lohwà mɔ̀ hvɛ à ò làkìrzɛ̀ è me àŋgɔ wòhwe.”

Lukàrzɛ̀ 20:47

Hwanù hwatò hwa hvùmà èrzàŋgò ya mekurze. Hwa lìŋgàni hvɛ lì lukɛlɛ hwatò na màkanɛ̀ ema mà wawi. Iŋgi nyayi ja hwatò, hwa ò lùwà kɔ̀kìrzɛ̀ ndɛnɛ̀ nà Lohwɛ̀.”

Lukàrzɛ̀ 22:41

À mà hwa akakòwɛ eyà ya ŋgùrzù jà màtàŋgà, rzìi à rzùma màwɔ̀ŋgɔ̀ŋgɔ̀ mà eni ò rze, rzìi à wòteyà lì kanɛ̀ nanù ema,

Gàletìyà 3:10

Hwàŋga ema hwa ika mèèmà mè awu ò lì oŋgama è mbenda hwa lìya ndi ò rze yà mòjèmà. Èhwanja e tìlahwì o kààtì yà ama Lohwà nanù ema, “Mojema mò ò hwɛ nà tɔ̀ ima mòtò ema à rza ika imbenda ja arzɛ ema i tìlahwì ò tenì yà è kààtì yà ama Lohwɛ̀.”

Hvìlipìyà 3:6

Nà ma hwɛnɛ e nyɔ̀ŋgi rzayi-rzayi nyayi ema e ma gbeyà ema na tàkirzɛ lì arzàŋganɛ la hwatò hwa ama Yerzù Krirztò. Tɔ̀ mòtò a rzi tanɛ lì ohwa nanù ema nà mà ohva tɔ̀ lìtɔ̀tì tɔ̀ lɔ̀kɔ la wòhwe o nyo ya ami, ehwànja nà mà ika e mbenda ya arzɛ ya hwatò hwa Irzàyɛ̀lì.

Hwèwulùwèlì 3:17

Inyɔ e ohwa nanù ema, ‘È hwèlì ndi hwèwàŋgì, e ohvi hwèèmà hwe arzɛ, e rza takeya tɔ̀ yoma.’ Ndi inyɔ e rza hwi nanù ema e hwèlì ndi hwatò ema e taka rzayi-rzayi hwatò ema e okahwɛlɛ ìilì, hwatò ema e hwèlì mèlìrza, hwatò ema e hwèlì ndima ndèŋgànɛ̀lɛ̀ hwatò ema e hwèlì mèrzombo.