Lukàrzɛ̀ 17:7 - Mokpwe: Bakwery (New Testament)

⁷ “È hwèlì tɛ ema mɔ̀kɔ wà ànyu à òhvi mògbèèlì ema à ɛ̀ndi ò wàŋgà ò lì tiyà mòònda, tɔ̀ lì ɔ̀ŋgeyà mɛ̀ɛ̀lɛ̀ŋgù. Òŋgò mògbèèlì à tìmbi tɛ ò ndawò, mamɛ ò mò òhweyà e? Ò mò òhweyà nanù ema, ‘jà anù ò lìya anù ò le.’

Lukàrzɛ̀ 17:7 Mawu Ofanana

Matiyò 12:11

Yerzù rzìi a alàhwɛ̀ nanù ema, “O hwèlì tɛ mɔ̀kɔ wa anyu anu ema a òhvi mɔ̀lɛ̀ŋgù mɔ̀kɔ rzìi mò unda ò tenì ya èhvɔ̀ndì ò Wùnya wò lì Arzìyòlɛ̀, ò rza rzihwa ò lì mò ulɛ e?

Lukàrzɛ̀ 13:15

È Rzàŋgò rzìi e tìmbirzɛlɛlɛ nanù ema, “Inyɔ hwatò hwa mèhvìlì! Njɛnɛ wà anyu anù ema à rza rzòlòwa è nyàkà, tɔ̀ jakàrzì ja eni ò ndawò yà eni ya hwèembe ò lì jɛ̀ndɛnɛ ò lì nyɔ màlìhwa ò Wùnya wò lì Arzìyòlɛ̀ e?

Lukàrzɛ̀ 14:5

Yerzù rzìi a hwa ijòwa nanù ema, “Ima mɔ̀ wà ànyu ema è ŋmanà wà èni, tɔ̀ è nyàkà yà èni e undì tɛ ò èhvɔ̀ndi ò Wùnya wò lì Arzìyòlɛ̀ rzìi a rzì ɛ̀ndɛ lì è ulɛ̀ ŋgèlì hvɔ̀kɔ e?”

Lukàrzɛ̀ 17:26

Nà òmà e mà gbèyɛnɛ èŋge hvònda yà ama Nòwà, nanù ndi e ò hwɛ̀ɛ hvɛ ò wùnyà ema è Ŋmanà wà è Mòtò wà Hwènàmà a ò jɛ̀ɛ̀.

Lukàrzɛ̀ 17:6

È Rzàŋgò à mà hwa alàhwɛ̀ nanù ema, “È òhvì tɛ lìlòkɛ̀ lì tu nàa ŋmanà hvɔ̀ŋgɔ̀ wà wòrzaŋgò, è kànèyà wònò wùuŋgu nanù ema, ‘Wuŋguhweyà anù, ò tɛ̀mɛ̀ ò ŋmanjà.’ Wòŋgò gbèe wò è hweyànà.”

Lukàrzɛ̀ 17:8

Ŋgà ò mò òhweyà ndi nanù ema, ‘O nò ihvɛlɛlɛ mòlelì mò ami, ò nò akɛlɛlɛ è mɔ̀. O nò tɛmeya ò tòŋgòŋgò natɛ̀ɛ na kulɛ̀ lì làa ndèŋgàna ò wà hvɛ ò e làa.’