Lukàrzɛ̀ 17:5 - Mokpwe: Bakwery (New Testament)

⁵ I àpɔ̀rzìtòlò rzi jò òhweyà è Rzàŋgò nanù ema, “O jò ètirzɛ màlòkɛ̀ ma arzu.”

Lukàrzɛ̀ 17:5 Mawu Ofanana

Makòrzì 6:30

I àpɔ̀rzìtòlò ema Yerzù à mà òme, ima tìmba lì mò ùŋma rzìi hwa mò òhweyà hweyà hwe arzɛ e ma hwà mà gbeye, na hweyà hwe arzɛ e ma hwa mò òkòlɛ̀.

Makòrzì 9:24

Lìwòkìmɛnɛ e rzàŋgò ya ama òŋgò ŋmanà wa mùnyanà e mà òhwa na lìlò lì kàrzàmi nanù ema, “Nà lòkɛ̀yì, ò nò òŋgòwane lìlòkɛ̀ la ami ema lì rza òndɛ.”

Lukàrzɛ̀ 7:13

Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Lukàrzɛ̀ 7:19

À mà hwa òma ema hwa ɛ̀ndɛ̀ hwa ijòwè Yerzù nanù ema, “O wa ndi ò hwèlì è mɔ̀ ema Lohwɛ̀ à mà òhwe ema a òma, ŋgà ja ambɛ̀lɛ ò hvɛhvɛ e?”

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.

2 Tɛ̀rzàlonìyà 1:3

Ìi wònyamòwè ì hwɛni lì eka Lohwɛ̀ ihvonda ja arzɛ lì hvomɛ̀nɛ̀ inyɔ. È hvomɛ̀nɛ̀ ò irzɔ lì gbeyà nanù, ehwànja lìlòkɛ̀ là anyu lì hwèlì lì oŋga rzayi-rzayi, rzìi è ndìŋgɛ ema è à ohvànɛ mɔ̀kɔ nà ɔ̀nɛyi è olo rzayi.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.