Lukàrzɛ̀ 17:30 - Mokpwe: Bakwery (New Testament)

³⁰ Nànù mɛnɛ ndi e ò hwɛ̀ɛ ò wòŋgò wùnyà ema è Ŋmanà wà è Mòtò wà Hwènàmà a ò ɛnɛ̀hwɛ.

Lukàrzɛ̀ 17:30 Mawu Ofanana

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

Matiyò 24:37

Nà òmà e mà hwɛ ò e hvònda yà ama Nòwà nanù hvɛ mɛnɛ ndi e ò hwɛ nà hwejèelì hwe è Ŋmanà wà è Mòtò wà Hwènàmà.

Matiyò 24:39

Ndi tɔ̀ nanù, wɔ̀ hwa rzi ayèmbɛ mamɛ ema e ma hwɛ lì gbèyɛ̀nɛ natɛ̀ɛ malìhwà mà mbuwà ma ɛkɛ̀meyà ma hwa indirzɛ. Nànù mɛnɛ hvɛ ndi e hwɛni lì hwɛ̀ ò e hvònda ema è Ŋmanà wà è Mòtò wà Hwènàmà a ò jɛ̀ɛ̀.

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Makòrzì 13:26

O èŋge hvònda hwatò hwa ò ɛ̀nɛ̀ è Ŋmanà wà è Mòtò wà Hwènàmà a jà ò lìmbàkì nà ŋginyà ndɛnɛ̀ nà èluhwe.

Lukàrzɛ̀ 17:24

Wùùnyà ema è Ŋmanà wà è Mòtò wà Hwènàmà a ò jɛ̀ɛ̀, wò ò hwɛ ndi nàa lìŋmɛ̀tì-ŋmɛ̀tì lì ò ŋmɛ̀tɛ̀lɛ̀ njuka hvɔ̀kɔ yà è ŋmanyu ya Lohwà nà ènɛ̀yi.

Lukàrzɛ̀ 17:29

O wòŋgò wùnyà mɛnɛ ema Lɔtì a mà ànjiye ò mbòwà yà Rzòdòmì, rzìi mùùnya nà màŋyàyi ma hwèkaàndò mò uhwɛlɛlɛ ò ŋmanyu yà Lohwà, nàa mbuwà. Hwe kùwa lì òŋwà hwaŋga hwatò hwa àrzɛ.

Lukàrzɛ̀ 21:22

Meenya me hwekɔkirzelì me ene. O ene hvònda ndi hweyà hwe arzɛ ema hwe ma tìlahwa hwe ò gbèyɛ̀nɛ.

Lukàrzɛ̀ 21:27

Aŋgà ndi hwa ɛnɛ e Ŋmanà wà è mòtò wà Hwènàmà na òma a jà ò tenì yà lìmbàkì na ŋginyà nà èluhwe ndɛnɛ̀.

1 Kɔ̀rintìyà 1:7

Ène ŋgàna ò eŋgànɛ̀lɛ̀, è rzi hvondi lì lùwa tɔ̀ mònàmɛ̀ tɔ̀ mɔ̀kɔ nà omà è ambɛ̀lɛ̀lɛ̀ nanù ema, Rzàŋgo wà arzu Yerzù Krirztò à awùlùhwɛ mɔ̀ ŋmìti.

1 Kɔ̀rintìyà 1:8

Rzàŋgo Yerzù mɔ̀hvɛ à hwɛnì lì è etìrzɛ̀ màlòkɛ̀ mà anyu, natɛ̀ɛ nà ò lìrzukù là ene rze. Ò lì arza nanù ema è rza hwɛnɛ lùùrzè ò wùnyà wà ama Rzàŋgo Yerzù Krirztò a o jà o lì kàyìrzɛ̀ hwatò hwa arzɛ.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

2 Tɛ̀rzàlonìyà 1:7

Lohwɛ̀ à gbeyà nanù ema è rza lùwa mètàkà hvɛ, ndèŋgànɛlɛ à gbeyà hvɛ nanù ema irzɔ hvɛ ì rza lùwa mètàkà hvɛ. Ène eyà è ò gbèèyɛ̀nɛ̀ è hvonda ema Rzàŋgo Yerzù à uwɛ̀lɛ̀lɛ̀yi ò ŋmanyu yà lohwà lì jà nà i aŋgèlì ja eni jà ŋginyà, ndèŋgànɛ̀lɛ̀ hwa ò toŋgàhwa nà mùùnya ema mò òŋwa.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Pètrò 1:7

Lìtìŋga la manù màkèkìrzɛnɛ lì hwèlì ndi o lì e kèkirzɛ lìlòkɛ̀ la anyu o lì uŋmɛ̀lɛ̀ nanù ema lìlòkɛ̀ la anyu lì imbami na e jɔ̀kɛ̀. È gòòlù e tanɛ e hwɛ wòhwe ndi tɔ̀ nanù hwa e rzɛ̀lɛ̀ o mùnya o lì e rzàŋgìrzɛ, hwa tanɛ tɛ lì gbeyà gòòlù nanù, eŋge ŋgànà e hwèlì ndi nanù ema hwa àŋgàmɛ̀nɛ̀ lì e kèkirzɛ̀ lìlòkɛ̀ la anyu aŋga nanù lìlòkɛ̀ la anyu lì imbama ehwànja lìlòkɛ̀ la anyu lì akayi e gòòlù. È hwèlì tɛ nanù ema lìlòkɛ̀ la anyu lì akayi màkèkìrzɛ̀nɛ̀ aŋga nanù Lohwɛ̀ a e eka, mɔ̀ à e ŋgba ŋginyà na èluhwe e hvonda ema Yerzù Krirztò a o àwùlùhwɛlɛlɛ̀ hwatò hwa arzɛ hwa e rze ya mɔ̀nyɛ̀.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.

1 Yòwanìrzɛ̀ 2:28

Ò eŋgànɛ̀lɛ̀ rzɔ inyɔ ema è hwèlì nàa hwàanà hwa ami, è lììya ndi ò lì ahvìyànɛ̀ nà Krirztò, aŋga nanù ò wùnyà ema mɔ̀ à ò jɛ̀ɛ̀ è hwɛnɛ kumba è rza ò òhva tɔ̀ irzɔ̀ni ò lì mò uŋmànɛlɛ.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.