Lukàrzɛ̀ 17:26 - Mokpwe: Bakwery (New Testament)

²⁶ Nà òmà e mà gbèyɛnɛ èŋge hvònda yà ama Nòwà, nanù ndi e ò hwɛ̀ɛ hvɛ ò wùnyà ema è Ŋmanà wà è Mòtò wà Hwènàmà a ò jɛ̀ɛ̀.

Lukàrzɛ̀ 17:26 Mawu Ofanana

Lukàrzɛ̀ 17:22

Yerzù rzìi a òhweyà hwà-òkòwèlì hwa eni hvɛ nanù ema, “È hvònda è hwèlì e jà ema jò ò lìŋgànà lì ɛnɛ tɔ̀ wùnyà wɔ̀kɔ ema è Ŋmanà wà è Mòtò wà Hwènàmà a jò àwuŋmɛ̀lɛ mɔ̀ ŋmìti, ndi è rza wò ɛnɛ.

Lukàrzɛ̀ 17:24

Wùùnyà ema è Ŋmanà wà è Mòtò wà Hwènàmà a ò jɛ̀ɛ̀, wò ò hwɛ ndi nàa lìŋmɛ̀tì-ŋmɛ̀tì lì ò ŋmɛ̀tɛ̀lɛ̀ njuka hvɔ̀kɔ yà è ŋmanyu ya Lohwà nà ènɛ̀yi.

Lukàrzɛ̀ 17:27

O èŋge hvònda yà ama Nòwà, hwatò hwa mà hwɛ lì làa melelì nà lì nyɔ mìimbà, wùnyànà hwa mà hwɛ lì hwàa hwalanà. Hwalanà hvɛ hwa mà ŋgbàahwa ò mahwà, natɛ̀ɛ nà wùùnya Nòwà a mà kpèeyà ò wɔ̀lɔ̀ wò ndɛnɛ̀. È mbuwà e yɔ rzìi è tɔ̀ndɛ̀ e ɔ̀ndɔ̀ rzìi hwaŋga hwatò hwa arzɛ hwa kuwa lì indà.

Lukàrzɛ̀ 17:7

“È hwèlì tɛ ema mɔ̀kɔ wà ànyu à òhvi mògbèèlì ema à ɛ̀ndi ò wàŋgà ò lì tiyà mòònda, tɔ̀ lì ɔ̀ŋgeyà mɛ̀ɛ̀lɛ̀ŋgù. Òŋgò mògbèèlì à tìmbi tɛ ò ndawò, mamɛ ò mò òhweyà e? Ò mò òhweyà nanù ema, ‘jà anù ò lìya anù ò le.’

Lukàrzɛ̀ 18:8

Nà è òhweyà nanù ema, Lohwɛ̀ à òŋgòwànà hwatò wa eni kàrzì-kàrzì. Ndi è lòkɛ̀ nanù ema è Ŋmanà wà è Mòtò wà Hwènàmà à jelì tɛ, à ùŋmànɛ̀lɛ̀ lìlòkɛ̀ ò rze e?”

Hibrù 11:7

Lìlòkɛ̀ ndi lì ma gbeyà ema Nowà a hweyàne Lohwɛ̀ na oma Lohwɛ̀ à mà mo òhweyà hweyà ema hwe o gbèyɛ̀nɛ o hvonda ema e o jɛ̀ɛ̀. Tɔ̀ nɛ o eŋge hvonda mɔ̀ à rza ɛnɛ hweŋge hweyà na mìirzɔ̀ ma eni, ndi mɔ̀ à mà gbeyà hweŋge hweyà ema Lohwɛ̀ à mà mo òhweyà ema a gbeye. A ma oŋga wɔ̀lɔ wo ndɛnɛ. O tenì ɔ̀ndi mɔ̀ à mà kpeyaneya lìtumba la eni la arzɛ ndèŋgàna wɔ̀ hwà mà rzùŋgàhwa e hvonda ema màlìhwà ma mà onde e rze ya arzɛ rzìi hwèèmà hwe arzɛ hwe inda. Nà oma Nowà à mà gbèyi nanù e ma awuŋmɛ̀lɛ̀ nanù ema hwatò hwa arzɛ hwa e rze ya mɔ̀nyɛ̀ hwà mà hwɛ wòhwe. Ndi lìlòkɛ̀ ema Nowà à mà hwɛnɛ lì ma gbeyà ema Lohwɛ̀ a mo wowa nàa mòtò ema a tɛmi ehve-ehve.

2 Pètrò 2:5

Lohwɛ̀ à rzi làkìrzɛ̀ hwatò hwa mòlòmɛ̀. Mɔ̀ à mà yɔ̀lɛ̀ è mbuwà natɛ̀ɛ màlìhwà ma mà onda rzìi mà indìrzɛ hwatò hwa arzɛ ema hwa rzìi hwɛnɛ ɛ̀ɛ̀mɛ̀ yà hwatò hwa ama Lohwɛ̀. Nowà ema à mà hwɛ lì ohweyà hwatò ò lì gbeyà hweyà hwe gbamù, mɔ̀ nà lìhvɛhvɛ lìrzàmba là hwatò mɛnɛ ndi Lohwɛ̀ à mà rzùŋge.

2 Pètrò 3:6

Ndeŋgànɛ̀lɛ̀ màlìhwà hvɛ ndi à mà gbeyàne o lì hvàŋga e rze. A ma omà e mbuwà. Èŋge mbuwà e ma yɔɔ natɛ̀ɛ màlìhwà ma mà onda e rze ya arzɛ natɛ̀ɛ hwèèmà hwe arzɛ hwe kuwa lì inda.