Lukàrzɛ̀ 17:2 - Mokpwe: Bakwery (New Testament)

² O mà lɔ̀wu ndi ema, ene nyayi yà mòtò, è kakahwè ndi lìŋyàyi lì ndɛnɛ ò lìwɔ, rzìi hwa mò indirzɛ ò ŋmanjà. Lì akà ema à èmìrzɛ̀ hwanù hwanà hwàrzàlì ò lì gbeyà wòhwe.

Lukàrzɛ̀ 17:2 Mawu Ofanana

Matiyò 17:27

Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 18:14

Nànù mɛnɛ hvɛ ndi e hwèlì nà Tatɛ̀ hwà anyu wà è ŋmanyu yà lohwà, ema a rza arza ema tɔ̀ mɔ̀kɔ wà hwànù hwarzàlì a wɔ̀.”

Matiyò 26:24

È Ŋmanà wà è Mòtò wà Hwènàmà à hwɛnì lì ŋwa nà òma è kààtì yà Lohwà è òhwi, è ò hwɛ màwɔ̀ŋgɔ̀ nà òŋgò mòtò ema à ò nò ahwìrzɛ. È mà lɔ̀wu ema òŋgò mòtò à rzìi ŋyahwe hvɛ tɔ̀.”

Makòrzì 9:42

“Tɔ̀ njɛnɛ ema à gbèyi ema mɔ̀kɔ wà hwanù hwàrzàlì ema ì nò lòkɛ̀yì ò lì gbeyà wòhwe, ò lɔ̀wu nanù ema òŋgò mòtò a kakahwè lìŋyàyi lì ndɛnɛ ò lìwɔ là eni, rzìi hwa mò indirzɛ ò ŋmanjà.

Yòwanìrzɛ̀ 21:15

È hvònda hwà mà kulɛ lì làa rzìi Yerzù a ijòwa Rzìmɔ̀nì Pètrò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni lì aka hwanù hwà-òkòwèlì hwa arzɛ e?” Rzìi à mò alàhwɛ̀ nanù ema, “Ɛ̀ɛ Rzàŋgò, ò wa ò hwi òma imba na ò lìŋgàni.” Yerzù rzìi a mò òhweyà nanù ema, “Aŋgòhweya iŋguma ja ami ja mɛ̀lɛ̀ŋgù.”

1 Kɔ̀rintìyà 9:15

Ndì tɔ̀ nanù, imba na rzi gbeyànì ini wònjà tɔ̀ wùnyà. Ndèŋgana, na rza tìla naŋgɛ nanù, o lì lùtèyà ema na arza lì wòteya naŋgɛ o lì ji gbeyàna. Ò jɔ̀kɛ̀, na emelì lì ŋwa, lì aka ema tɔ̀ mòtò tɔ̀ mɔ̀kɔ a no gbeyà nanù ema imba na rza hwɛnɛ kumba ya lì àyekìrzɛ o èwòlò ya ami.

1 Kɔ̀rintìyà 9:22

Nà hwèlì tɛ na hwaŋga hwatò ema hwa rza imbamɛ o lì lòkɛ̀, imba hvɛ na hwɛ ndi nàa mɔ̀kɔ hwa awu ema a rza imbamɛ o lì lòkɛ̀, èhwanja na arza ema wɔ̀ hwa lòkɛ̀ Krirztò. Ɛ̀ɛ, na hwèlì na keka o lì arza ema na hwɛ nàa tɔ̀ ima mòtò ema na ùŋmanɛlɛyi. O lì gbeyà hvɛ hweyà hwe arzɛ ema na tànɛyi lì gbeyà o lì rzùŋgà lòŋgo la hwatò.