Lukàrzɛ̀ 16:8 - Mokpwe: Bakwery (New Testament)

⁸ Èŋge èhwàŋgì ya mòtò e mà hweye nanù, rzìi a eka òŋgò mògbèèlì wà èni wà wòhwe a òhwa nanù ema, ‘À gbeyànì lìhwiyè la gbamù.’” Yerzù rzìi a òhwa hvɛ nanù ema, “Nànù ndi hwatò ema hwa òŋgama hweyà hwe ène rze, hwa gbeyànà mahwiye ma awu, ò lì ɔ̀njɔ hwanɛ̀yi hwatò, ò lì gbeyà hweyà hwe awu lì akà è wɔ̀ ema hwa òŋgama ŋmàye mò ama Lohwɛ̀.”

Lukàrzɛ̀ 16:8 Mawu Ofanana

Matiyò 12:32

Tɔ̀ ima mɔ̀ ema a òhwi ìrzìlàkò lì nò teŋgɛ̀nɛ̀ imba è Ŋmanà wà è Mòtò wà Hwènàmà Lohwɛ̀ a ò mò làkìrzɛ̀ ndi e mɔ̀ ema a òhwi ìrzìlàkò lì teŋgɛ̀nɛ̀ Èlìŋgɛ̀ yà Wòtani a rza ò làkìrzɛ̀hwɛ̀ ò ene nyɔ̀ŋgɔ̀ni ya naŋgɛ na e yɔ hvɛ ema e ò jɛ̀ɛ̀.

Matiyò 17:26

Rzìi à mò alàhwɛ̀ nanù ema, “Hwàyɛ̀nì.” Yerzù rzìi a mò alàhwɛ̀ nanù ema, “Eŋge ŋgàna e hwèlì ndi nanù ema i wònja i rza hwɛnì lì rzàawa.”

Lukàrzɛ̀ 16:10

Mòtò ema a tànɛyi ò lì ɔ̀ŋgeyà hweyà hwè rzàlì, à tànɛyi hvɛ ò lì ɔ̀ŋgeyà hweyà hwè ndɛnɛ̀. Mòtò ema à rza tanɛ̀yi ò lì ɔ̀ŋgeyà hweyà hwè rzàlì, à rza ò tànɛyi hvɛ̀ tɔ̀ lì ɔ̀ŋgeyà hweyà hwe ndɛnɛ̀.

Lukàrzɛ̀ 16:4

Nà hwi mamɛ na tanɛ̀yi lì gbeyà naŋgɛ̀. O lì arza nanù ema nà mà ulɛhwɛ tɛ enè èwòlò, hwatò hwa nò kàrzɛ̀ ò màndawò ma awu.’

Lukàrzɛ̀ 16:7

Òŋgò mògbèèlì rzìi a ijòwa è mɔ̀ ema à ma ùkirzɛ̀ hwahwàkɛ nanù ema, ‘Mamɛ ò wà hvɛ ò ètàhwa e?’ À mà mò alàhwɛ̀ nanù ema, ‘Hwègbe hweyàwò hwe mèkùtà me mbàrzì.’ Rzìi à mò òhweyà mɔ̀ hvɛ nanù ema, ‘È kaàtì yà aŋgɔ̀ yà màyɛmɛ ènè, ò tìle òma hwègbe hwehwàkɛ hwe mekuta me mbàrzì.’

Lukàrzɛ̀ 18:6

Yerzù rzìi a òhweyà hwà-òkòwèlì hwa eni nanù ema, “È òkànèyà mamɛ è mòkàyìrzèlì wà mbenda wà wòhwe ema à rza hwiyɛ Lohwɛ̀ mamɛ a òhwa.

Lukàrzɛ̀ 20:34

Yerzù à mà hwa alàhwɛ̀ nanù ema, “Hwatò hwa ène nyɔ̀ŋgɔ̀nì hwa hwàà, ndèŋgànɛ̀lɛ̀ hwa aŋgbàànɛ hvɛ ò màhwa.

Lukàrzɛ̀ 20:35

Ndi hwaŋga hwatò ema hwa ò tànɛyi lì hwɛ ò hwe hvùmùwèlì, na ò lì kpèeyà ò lòŋgɛ lì hvènya hwa rza ò hwaà.

Yòwanìrzɛ̀ 12:36

È lòkɛ̀ ŋmàye, nàŋgɛ ema mò hwèlì na inyɔ, aŋga nanù e hwɛ ndi hwàanà hwa ŋmàye.” O mburza hwèyòhwèlì hwe ama Yerzù, rzìi a anjiya aŋga, a ɛndɛ lì utàmà èki ema hwa rzìi tànɛyi lì mò ɛnɛ.

1 Kɔ̀rintìyà 3:18

È hwɛmɛ lì alukɛlɛnɛ la inyɔ hwiti. È hwèlì tɛ ema mɔ̀kɔ wa anyu, a ɔ̀ŋgɛ̀lɛ̀ nanù ema a hwɛnì lìhwiyè o ene rze, inyɛ a àtimbirzɛ mɔ̀ ŋmìti èèti ya mòtò, oma à mà lùwa lìhwiyè.

Ɛ̀hvìrzìyà 5:8

Èhwanja o ma hwɛ hvonda hvɔ̀kɔ ema inyɔ e ma hwɛ ndi o jìtìtì, ndi nàŋgɛ ema e hwèlì na e Rzàŋgo mɔ̀ à mà e gbèeyà ema e hwɛ o ŋmàye. O èŋgànɛ̀lɛ̀ rzɔ ɛ̀ɛ̀mɛ̀ ya anyu e hwɛ ndi nàa hwaŋga hwatò ema hwa hwèlì o ŋmàye.

Hvìlipìyà 3:19

Ini nyayi ja hwatò, lìrzùkù la awu lì o hwɛ ndi o ɛhvɔ̀ndi ya mùnya. Eyà ema e hwa kànèyà e hwèlì ndi hweyà ema hwe hwèlì e nyɔ̀ŋgi ya e nyàma nyo ya awu. Hwa lìŋgàni o lì gbeyà hweyà ema hwe hwa jàneya irzɔ̀ni, wɔ̀ hwa lùteyà ndi hwèèmà hwe e rze ya mɔ̀nyɛ̀.

1 Tɛ̀rzàlonìyà 5:5

Inyɔ hwa arzɛ è hwèlì ndi hwatò hwa ŋmàye, nà hwatò hwa ŋmèrze. Irzɔ i rza enje hwatò hwa wùù tɔ̀ hwatò hwa jìtìtì.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.