Lukàrzɛ̀ 16:7 - Mokpwe: Bakwery (New Testament)

⁷ Òŋgò mògbèèlì rzìi a ijòwa è mɔ̀ ema à ma ùkirzɛ̀ hwahwàkɛ nanù ema, ‘Mamɛ ò wà hvɛ ò ètàhwa e?’ À mà mò alàhwɛ̀ nanù ema, ‘Hwègbe hweyàwò hwe mèkùtà me mbàrzì.’ Rzìi à mò òhweyà mɔ̀ hvɛ nanù ema, ‘È kaàtì yà aŋgɔ̀ yà màyɛmɛ ènè, ò tìle òma hwègbe hwehwàkɛ hwe mekuta me mbàrzì.’

Lukàrzɛ̀ 16:7 Mawu Ofanana

Matiyò 18:28

Ndi na òma òŋgò mògbèèlì à mà wurze aŋga a ùŋmanɛlɛ òhvɛhvɛ mògbèèlì ema mɔ̀ hvɛ à mà hwɛ lì gbèeyà ò eŋge kiŋgɛ. Oŋgò mògbèèlì à mà mò eta ŋmanà mbumbu a wòlì. A ma mò hvùma rzìi à mò agba tahwa, a mò òhweyà ama, ‘Onò taŋgeya lìyɛmɛ la ami.’

Lukàrzɛ̀ 16:6

Òŋgò mòtò à mà mò alàhwɛ̀ nanù ema, ‘Hwègbe wàmbì hwe kòhwà ja màwujà mà Njàhwɛ̀.’ È mògbèèlì rzìi a mò òhweyà nanù ema, ‘Lìya ò rze, è kaàtì yà aŋgɔ̀ yà màyɛmɛ ènè. Tìla kàrzì ò ma hwègbe hwenì hwe kòhwà.’

Lukàrzɛ̀ 16:8

Èŋge èhwàŋgì ya mòtò e mà hweye nanù, rzìi a eka òŋgò mògbèèlì wà èni wà wòhwe a òhwa nanù ema, ‘À gbeyànì lìhwiyè la gbamù.’” Yerzù rzìi a òhwa hvɛ nanù ema, “Nànù ndi hwatò ema hwa òŋgama hweyà hwe ène rze, hwa gbeyànà mahwiye ma awu, ò lì ɔ̀njɔ hwanɛ̀yi hwatò, ò lì gbeyà hweyà hwe awu lì akà è wɔ̀ ema hwa òŋgama ŋmàye mò ama Lohwɛ̀.”

Lukàrzɛ̀ 2:37

À mà lìya mòkurze natɛ̀ɛ à mà uka mènì wàmbì me meya nà menì. A rzi hwɛ̀mɛ̀ è Ndawò yà Lohwà, nà màkanɛ̀, nà lì lìya njàwò ò màkanɛ̀ nà lì gbèeyà Lohwɛ̀ ŋmerze nà wu.

Lukàrzɛ̀ 20:12

A mà tìmba lì òmà hvɛ è mògbèèlì ema e ma ùkirzɛ̀ hwàyàwò. Mɔ̀ hvɛ hwa mò ànànà. Hwa mò hwènìrzɛ̀, rzìi hwa mò hvìmba ò èwòkà.

Lukàrzɛ̀ 20:9

Yerzù rzìi a kpɛ̀ɛya hwatò mònò ŋmàna nanù ema, “Munyanà mɔ̀kɔ à ma òhva hvàya yà hwehvùma hwe lì nyukana hwènyɔ̀ɔ̀nì, à mà ŋgba hwatò èŋge hvàya lì è gbeyà aŋga nanù hwa kahwa e mbòtà. À mà ɛ̀ndɛ yɔ̀ndɔ̀ ema e ma mò kùwàna hvòkà hvònda.