Lukàrzɛ̀ 16:31 - Mokpwe: Bakwery (New Testament)

³¹ Abràhamù rzìi a mò òhweyà nanù ema, ‘Wɔ̀, hwa rzà hweyànì tɛ Mòrzè, nà hwanɛ̀yi hwà-òhwèlì hwa hwèlìŋgɛ̀, èŋge ŋgàna è hwèlì ndi ema hwa rzà tànɛyi lì lòkɛ̀ è mɔ̀ ema à ò hvùmùwɛ̀ ò èkòmè ya kpelì.’”

Lukàrzɛ̀ 16:31 Mawu Ofanana

Lukàrzɛ̀ 16:30

Èŋge èhwàŋgì ya mòtò rzìi ya òhwa nanù ema, ‘Jàyɛ̀ tatà Abràhamù kòkò, mòtò à ànji tɛ anù, ò èkòmè ya kpelì, rzìi a ɛ̀ndɛ lì hwa òhweyà, òma hwà mà atikòwɛ ò wòhwe wa awu, lì tìmba ò ma Lohwɛ̀.’

Lukàrzɛ̀ 17:1

Yerzù à mà òhweyà hwà-òkòwèlì hwa eni nanù ema, “Hweyà ema hwe gbeyà hwatò hwa gbeyà wòhwe hwe hwɛnì lì hwa jèeyà. Ndi èwòma è ò hwɛ nà òŋgò ema à hwe jànà!

Yòwanìrzɛ̀ 5:47

Ndi na òma e rza lòkɛ̀ hweyà ema à mà tile, nɛ e tànɛyi lì lòkɛ̀ mamɛ ema na òhwa e?”

Hwègbèèlì 19:8

Pàwolò à mà lìya aŋga ŋgbɛndɛ iyàwò. Hvònda tɛ à mà hwɛ lì kpèeyà ò ndawò ya màkànɛ ya wònyà Yudà rzìi hwa a kòòwà e rzi hwɛ mɔ̀ lì òka tɔ wɔ̀ŋgɔ̀. Wɔ̀ na mɔ̀ hwà mà hwɛ ò hvenda ndèŋgànɛ̀lɛ̀ mɔ̀ à mà hwɛ lì keka ò lì hwa telɛlɛ aŋga nanù hwa lòkɛ̀ nanù ema màmɛ ema a hwa òhweyà lì hvòmɛ̀nɛ̀ lìkànèyà la ama Lohwɛ̀ e hwèlì ndi e jɔ̀kɛ̀.

Hwègbèèlì 26:28

Kiŋgɛ Agrìpa rzìi a alàhwɛ̀ Pàwolò nanù ema, “O lòkɛ̀ nanù ema ò tanɛ lì nò umbɛlɛ ò ònò ŋmanà hvòka wa hvònda ò lì emeyà lì hwɛ e mòlòkèlì wa ama Krirztò e?”

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

2 Kɔ̀rintìyà 4:3

È hwèlì tɛ ema ŋmɛ̀ndì mo Lohwà mo gbamù ema jo òhwa mo rza kpèelì o mèèmà me lòŋgo la hwatò, e hwɛ rzɔ ndi nanù èhwanja hwaŋga hwatò hwa rza e lòkɛ̀yi. Nà oma hwa rza lòkɛ̀yi Lohwɛ̀, hwa rza o hwɛ na mɔ̀.

2 Kɔ̀rintìyà 5:11

Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.