Lukàrzɛ̀ 16:26 - Mokpwe: Bakwery (New Testament)

²⁶ Lì akà hvɛ tɛ nanù, ò hwèlì hwaŋga ndɛnɛ̀ ema è jò kàhwì ò wa nà irzɔ. Hwatò ema hwa hwèlì enè èhvàrzù, hwa rzà tanɛ̀ lì jà òŋgò. È wɔ̀ hvɛ ema hwa hwèlì èŋge èhvàrzù ya anyu, wɔ̀ hvɛ hwa rzà tanɛ̀yi lì jà enè èhvàrzù ya arzu.’

Lukàrzɛ̀ 16:26 Mawu Ofanana

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Lukàrzɛ̀ 12:59

Nà ò òhweyà ndi e jɔ̀kɛ̀ nanù ema ò rza tanɛ lì anjiya ò tenì ya hwèwòwà natɛ̀ɛ ò rzààhwà lìyɛmɛ la aŋgɔ̀ la arzɛ.”

Lukàrzɛ̀ 16:25

Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Lukàrzɛ̀ 16:27

Èŋge èhwàŋgì ya mòtò rzìi e òhweyà Abràhamù nanù ema, ‘Ìi tatà, nà ò rzòrzòmelì òma Làrzàrɔ̀rzì ò ndawò yà ama rzàŋgò wà amì.

Yòwanìrzɛ̀ 3:36

Tɔ̀ ima mɔ̀ ema a lòkɛ̀yì òŋgò Ŋmanà wa eni a hwɛnɛ lòŋgɛ la gbìndèyà, ndi tɔ̀ ima mɔ̀ ema a rza gbeyà na òma Mɔ̀ a òhwi, a rza luwa lòŋgɛ la gbìndèyà, a ò timba ndi lì luwa hvɛ e kɔ̀kìrzɛ̀ ya ama Lohwɛ̀.

Hwèwulùwèlì 20:10

Rzìi e Dɛhvùlì ema è mà hwa lùkɛ̀lɛ̀, è mà hvimbahwa ò yùlu yà mùnya ema e tumbana rzayi-rzayi, o èki ema eŋge nyàmà yà wòhwe na hwà-òhwèlì hwa hwèlìŋgɛ̀ hwa mòlàŋgà, hwa hwèlì. Ndeŋgànɛlɛ aŋga ndi wɔ̀ hwa o tàkɛ rzayi-rzayi ŋmèrze nà wuu natɛ̀ɛ nà ò gbìndèyà.

Hwèwulùwèlì 22:11

Hwàto ema hwa gbeyà wòhwe inyɛ hwa eleyà ndi o lì gbeyà wòhwe. Inyɛ̀ hwaŋga ema hwa gbeyà hweyà hwe mbìndo inyɛ hwa eleyà ndi o lì gbeyà hweyà hwe mbìndo. Hwàŋga ema hwa gbeyà hweyà ema hwe hvomɛ̀nɛ̀, inyɛ hwa eleyà ndi o lì gbeyà hweyà ema hwe hvomɛ̀nɛ̀, ndèŋgànɛ̀lɛ̀ hwaŋga ema hwa hwèlì wòtani inyɛ hwa eleyà ndi o lì hwɛ wòtani.”