Lukàrzɛ̀ 16:25 - Mokpwe: Bakwery (New Testament)

²⁵ Abràhamù à ma mò tìmbirzɛlɛlɛ nanù ema, ‘Ìì ŋmanà, ò ɔ̀ŋgɛ̀lɛ̀ nà òmà ò mà hwɛ ò rze, ò wà òmà òhva hwemà hwe àrzɛ hwe gbamù ò rze yà mɔ̀nyɛ̀. Ndi Làrzàrɔ̀rzì mɔ̀ à mà lùwa ndi hwema hwe wòhwe e? O nàŋgɛ mɔ̀ hvɛ à hwèlì ò lì wɔ̀wìrzɛ̀ la nyò anù. O wà ò hwèlì ò mòrziyò mòndɛnɛ̀.

Lukàrzɛ̀ 16:25 Mawu Ofanana

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’

Makòrzì 9:45

Ŋmèèndè mò aŋgɔ hvɛ mò ò gbèyi tɛ nanù ema ò gbèyè wòhwe, ò lɔ̀wu ema ò mò kɛ̀ ò mò hvimbe. È hwèlì gbamù nà ò wà lì lùwa lòŋgɛ là gbìndèyà nà èhvàrzù ya nyò yà aŋgɔ, lì aka ò wà lì òhva mèèndè mèhwàkɛ rzi hwa ò hvimba ò tenì ya ehvɔ̀ndi ya mùnya.

Lukàrzɛ̀ 16:20

O ŋmèna-ŋmèna mò è kɔtɔ̀ yà èni ya ndawò, ò mà hwɛ mòlìrza mò mòtò ema mò ma hwɛ lì nàŋgeya ò ŋmèna-ŋmèna mò èŋge kɔtɔ̀, ema mò ma hwɛ̀lɛ̀hwɛ̀ Làrzàrɔ̀rzì, à mà ònda ìhveya è nyò ya eni ya àrzɛ.

Lukàrzɛ̀ 16:23

Èŋge èhwàŋgì ya mòtò e mà ɛ̀ndɛ ò èkòme ya kpelì, ema e mà tàke nà èwiki. À mà kàrzɛ wòrzò wò eni, rzìi a ɛnɛ Abràhamù ɔnɛ̀yi hvòò nà Làrzàrɔ̀rzì hvɛ a lìya ò tòŋgòŋgò yà èni.

Lukàrzɛ̀ 16:26

Lì akà hvɛ tɛ nanù, ò hwèlì hwaŋga ndɛnɛ̀ ema è jò kàhwì ò wa nà irzɔ. Hwatò ema hwa hwèlì enè èhvàrzù, hwa rzà tanɛ̀ lì jà òŋgò. È wɔ̀ hvɛ ema hwa hwèlì èŋge èhvàrzù ya anyu, wɔ̀ hvɛ hwa rzà tanɛ̀yi lì jà enè èhvàrzù ya arzu.’

Lukàrzɛ̀ 6:24

Mòjèmà nà inyɔ hwèwàŋgì hwe hwatò ema e ma màà lì lùwa hvɛ mòrzawèlì mò anyu.

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Ròmànì 8:7

È hwèlì tɛ nanù ema hwèèmà hwe e nyàmà nyò hwe kànèyà tɛ mòtò, òŋgò mòtò a kɔ Lohwɛ̀ ihvònda ja arzɛ èhwanja a rzi ika imbenda ja ama Lohwɛ̀, ndèŋgànɛlɛ a rza ò tànɛyi lì jò òŋgama.

Hvìlipìyà 3:19

Ini nyayi ja hwatò, lìrzùkù la awu lì o hwɛ ndi o ɛhvɔ̀ndi ya mùnya. Eyà ema e hwa kànèyà e hwèlì ndi hweyà ema hwe hwèlì e nyɔ̀ŋgi ya e nyàma nyo ya awu. Hwa lìŋgàni o lì gbeyà hweyà ema hwe hwa jàneya irzɔ̀ni, wɔ̀ hwa lùteyà ndi hwèèmà hwe e rze ya mɔ̀nyɛ̀.

1 Tɛ̀rzàlonìyà 3:3

Irzɔ̀ ja arza nanù ema a e ètìrzɛ̀ aŋga nanù, metàkà me anyu me rzi gbeyà e tìmbeyà o mburza. Inyɔ hwiti e hwi nanù ema mànù màkèkìrzɛ̀nɛ̀ ma hwèlì ndi lì emeyà la ama Lohwɛ̀ lì jo hvomɛ̀nɛ.

Hibrù 11:25

Mɔ̀ Morzè à mà emeyà o lì taka na hwatò hwa Irzàyɛ̀lì, lì aka o lì oka mɔ̀nyɛ̀ŋgì o tenì ya wòhwe o ŋmanà hvoka hvonda.

1 Yòwanìrzɛ̀ 2:15

È rzi lìŋgàna e rze, tɔ̀ ima yoma ema e hwèlì o tenì ya ene rze. È hwèlì tɛ nanù ema mòtò a lìŋgàni e rze, nanù oma a rza lìŋgàni e Tatɛ̀.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.