Lukàrzɛ̀ 16:19 - Mokpwe: Bakwery (New Testament)

¹⁹ “O mà hwɛ èhwàŋgì ya mòtò mɔ̀kɔ ema, e ma alìŋgɛ̀lɛ̀ hwerzànjà bɔbɔbɔ. À mà làa hvɛ mèlelì me ndɛmù wùnyà tɛ.

Lukàrzɛ̀ 16:19 Mawu Ofanana

Makòrzì 15:17

Hwa mà mò wɔ̀tìrzɛ̀ mòŋgòmbè mò teyàa ema mò mà ayèkɛnɛ̀ mòŋgòmbè mò kìŋgɛ̀. Rzìi hwa òŋgà èkòòtò yà kìŋgɛ̀, hwa mò wɔ̀tìrzɛ̀ è yɔ̀ ò mòhvò mò eni.

Makòrzì 15:20

È hvònda hwa mà kulɛ lì mò kùwa, hwa ulɛ mòŋgò mòŋgòmbè ò nyò yà èni rzìi hwa mò wɔ̀tìrzɛ̀ lìhwàtù la eni. Rzìi hwa mò wòwa ò lì ɛ̀ndɛ lì mò wòmeyà ò mbarza.

Lukàrzɛ̀ 15:13

O mburzà ŋgùrzù ja mènya, ɛnɔ̀ŋgɔ̀nì rzìi e àhwirzɛ̀ erzàŋgò ya eni ya àrzɛ. À ɛ̀ndɛ ò ehvɛhvɛ èkòmè ema e ma rzɔ̀lɛ̀nɛ̀ hvòò. Oŋgò ndi à mà kpèeyà mòlàakò nà lòŋgɛ la mɔ̀lɔ̀kìrzà a kùwa lì hvàŋga wòlì wa arzɛ ema a mò òhvè.

Lukàrzɛ̀ 16:1

Yerzù rzìi a òhweyà hwà-òkòwèlì hwa eni hvɛ nanù ema, “O mà hwɛ èhwàŋgì ya mòtò mɔ̀kɔ ema e ma òhva mògbèèlì mɔ̀kɔ ema à ma hwɛ lì kànèyà erzàŋgò ya eni. Hwatò hwa mà ɛ̀ndɛnɛ mìinda ò ma rzàŋgɛ̀ wà èni wà èwòlò ema òŋgò mògbèèlì à hvaŋga ì kahvà ja eni.

Lukàrzɛ̀ 16:18

“Tɔ̀ ima mòtò ema à hvayì jòjìyɛ̀ wà èni ò lìhwa, rzìi a hwàà òhvɛhvɛ mòlanà, òma à gbèyi mòrzònje. Tɔ̀ imà mòtò hvɛ ema à hwààyi mòlanà ema à hvayahwì ò lìhwa, òma a gbèyi mòrzònje.

Lukàrzɛ̀ 16:20

O ŋmèna-ŋmèna mò è kɔtɔ̀ yà èni ya ndawò, ò mà hwɛ mòlìrza mò mòtò ema mò ma hwɛ lì nàŋgeya ò ŋmèna-ŋmèna mò èŋge kɔtɔ̀, ema mò ma hwɛ̀lɛ̀hwɛ̀ Làrzàrɔ̀rzì, à mà ònda ìhveya è nyò ya eni ya àrzɛ.

Hwèwulùwèlì 17:4

Oŋgo molanà à mà wɔ̀tɔ̀ lìhwatu là màlenà ema lì ma ohva hvɛ mɔ̀rzɔ̀nɔ̀ ema mo teya. A ma ahwàndɛ e nyo ya eni ya arzɛ na hwema hwe gòòlù, na hwàanà màŋyàyi ma wòlìtò ema mà hvànya, na hwehvɛhvɛ hwema hwe wòlìtò. A ma tɛ̀ɛ̀tɛ̀ɛ lìwonde la gòòlù o lìya la eni ema lì ma onda na hwèèmà hwe ndɔ̀ki na hwema hwe mbindo hwe mòrzònje.

Hwèwulùwèlì 18:16

Hwa hwèlì hwa tɛ nanù ema, “Jiyeyi, jiyeyi, o wa ene mbowà ndɛɛndɛ, ema o ma hwɛ lì wɔ̀tɔ̀ mààtu ma gbamù ema mà kɔ̀lɔhwi na hwèrzànjà hwe gbamù ema hwe hwɛ̀lɛ̀hwɛ̀ nanù ema lìniyɛni, ndèŋgànɛ̀lɛ̀ o wɔ̀ti màlena, na e mɔ̀ ema mà teeya rzayi-rzayi. O wa ema o ma hwɛ lì wɔ̀tɔ̀ hwèèmà hwe gòòlù, hwèèmà ema hwe wèkahwì na hwàanà màŋyàyi ma wòlìtò emà mà hvàànyà, na hwahvɛhvɛ hwàanà màŋyàyi emà mà andawa na wolì ema wo koki, emà mà hwɛ̀lɛ̀hwɛ̀ nanù ema pɛ̀ɛlì.

Hwèwulùwèlì 18:7

È mo ŋgbe rzayi-rzayi ja mètàkà na ndùtù ŋgelì ihwakɛ nàa èluhwe na lìwɔ̀wìrzɛ̀ la nyo ema à mà aŋgbɛ mɔ̀ ŋmìti. Mɔ̀ a ohwa o tenì ya ŋmèma mo eni nanù ema, ‘Nà lìyayi ndi nàa gbàta, na rza enje mòkurze mo molanà, ndèŋgànɛ̀lɛ̀ na rza o ɛhwɛ hvɛ tɔ̀ wùnyà.’