Lukàrzɛ̀ 16:17 - Mokpwe: Bakwery (New Testament)

¹⁷ “Tɔ̀ nɛ è ŋmanyu ya Lohwà nà è rze hwe tànɛyi lì nyɔ̀ŋgɔ, ndi tɔ̀ ŋmanà èniminìmì ya mbenda yà àma Lohwɛ̀ è rza kpa.

Lukàrzɛ̀ 16:17 Mawu Ofanana

Matiyò 5:18

Nà è òhwèyà ndi è jɔ̀kɛ̀, natɛ̀ɛ è ŋmanyu yà lohwà nà e rze hwe è ò uka ò lìrzùkù, tɔ̀ ŋmanà mbumbu wà lìtɔ̀ti là mòtìla ema lì tìlahwì ò mbenda yà Lohwà è rza tànɛyi lì wuŋguhwèyà ò èki ya eni natɛ̀ɛ hwèyà hwe arzɛ hwe òndìrzɛ̀hwɛ.

Lukàrzɛ̀ 21:33

È ŋmanyu yà lohwà nà è rze ya mɔ̀nyɛ̀ hwe ò jà lì akà, ndi jòòhwì ja amì ì hwɛ natɛ̀ɛ na ò gbìndèyà.

Ròmànì 3:31

Mamɛ rzɔ irzɔ jò òhwa nàŋgɛ e? Jò òhwa ndi nanù ema na òma Lohwɛ̀ à mà wòwɛ hwatò ò lì hwɛ ehve-ehve, èhwanja hwa lòkɛ̀yì Yerzù Krirztò, ene ŋgàna e òhwa ndi nanù ema hwa rza òŋgama e mbenda hvɛ e? Jàyɛ̀ rzeketɛ nanù. Ndi mamɛ ema e mbenda e òhwa yɔ ndi irzɔ i gbeyàna.

1 Pètrò 1:25

Ndi eyà ya ama Rzàŋgo e hwèlì ihvonda ja arzɛ.” Ŋmɛ̀ndì mò Gbamù mono ema mo ma e ohwahwɛlɛ.

2 Pètrò 3:10

Ndi wùùnya ema è Rzàŋgo è ò jɛ̀ɛ̀, à ò jà ndi hvàkàlà nà oma è ŋmìhwɛ à jà. Ò woŋgo wùnyà, lìwòhwɛ̀ là ŋmanyu lì o nyɔ̀ŋgɔ nà mɔ̀tɔ̀wù mondɛnɛ. Hwèèmà hwe arzɛ ema hwe hwèlì ò lìwòhwɛ̀ là ŋmanyu hwe o rzèeyà, ndeŋgàna hwe nyɔ̀ŋgɔ. Rzìi è rze nà tɔ̀ mamɛ ema è hwèlì ò tenì hwe ɔhvɛ hwe rzèeyà nà lì nyɔ̀ŋgɔ.

Hwèwulùwèlì 20:11

Nà ma ɛnɛ kònda ndɛnɛ̀ yà lìkànèyà ema e tanà, na e mòtò ema à mà e lìya o ŋmanyu. Aŋga ndi e rze ya mɔ̀nyɛ̀ na lìwòhwɛ la ŋmanyu hwe ma nyɔ̀ŋge o worzò wo eni, ndèŋgànɛ̀lɛ̀ hwe rzi ɛnɛhwɛ hvɛ.

Hwèwulùwèlì 21:1

È hvonda ema hwèkàyìrzèlèlì hwe ma akɛlɛhwɛ ɔndi nà à ɛnɛ e ŋmanyu yà lohwà hvènya nà e rze ya mɔ̀nyɛ̀ hvènya. È ŋmanyu yà lohwà na e rze ya mɔ̀nyɛ̀ ema hwe ma loma lì hwɛ hwe mà nyɔ̀ŋgɔ̀, ndèŋgànɛ̀lɛ̀ ŋmàanja hvɛ mo mà nyɔ̀ŋgɔ̀.

Hwèwulùwèlì 21:4

A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”