Lukàrzɛ̀ 16:15 - Mokpwe: Bakwery (New Testament)

¹⁵ Yerzù rzìi a hwa òhweyà nanù ema, “Inyɔ è a uŋmɛ̀lɛ̀ ò màrzò ma hwatò ema è rzàŋgi, ndi Lohwɛ̀ à hwi mamɛ ema e hwèlì ò mèèmà me anyu. Èŋge eyà ema hwatò hwa wò wòlìtò rzayì-rzayì, e hwèlì ndi nàa lòwa lì uŋgbàa ò wòrzò wò ama Lohwɛ̀.”

Lukàrzɛ̀ 16:15 Mawu Ofanana

Matiyò 23:5

Tɔ̀ mamɛ ya arzɛ ema hwa gbeyà, hwa e gbeyà ndi nanù ema hwatò hwa hwà ɛnɛ. Hwa gbeyà hwanà hwewòŋgò ema hwa tìla mòtìla mò Eyà ya Lohwà ò tenì rzi hwa hwe kaka ò mbɔ̀mbɔ̀ na ò mèyɔ̀yɔ̀ mè awu. Hwa gbeyà ŋmàamba mò èluhwe ema mà wàwà rzi hwà mà wɔ̀tɔ̀ ò ŋmanyu ya meŋgòmbe me awu.

Matiyò 6:16

“È hwèlì tɛ ò mòkìyà njàwò, è rzìi emeyà ema màrzò mà anyu mà ɛneya rzɔ̀luu, nà òma hwatò hwa mèhvìlì hwa gbeyà. Hwatò hwa mèhvìlì wɔ̀ hwa nyùkɛ̀ marzò mà awu aŋga nanù òma hwatò hwa mà ayèmbɛ ema hwa hwèlì ò mòkìyà njàwò. Nà è òhweyà nà è jɔ̀kɛ̀ ema, wɔ̀ hwa mà màa lì lùwa mòrzawèlì mò awu mò arzɛ.

Matiyò 6:2

“O èŋgànɛ̀lɛ̀ rzɔ è ŋgbà tɛ mòtò yòma ema mɔ̀ à endelì, è rza tòŋga rzehwa, nà òma hwatò hwa mèhvìlì hwa gbeyà. Wɔ̀ hwa tòŋga irzehwa ò indawò ja màkanɛ̀ nà ò hwèwòka hwe màlòkò ema hwatò hwa arzàŋganɛ, ema wɔ̀ hwa ɛnɛhwɛ. Nà è òhwèyà ndi è jɔ̀kɛ̀ nanù ema wɔ̀ hwa mà màa lì lùwa mòrzawèlì mò awu mò arzɛ hvɔni.

Matiyò 6:5

“È kanɛ̀ tɛ, è rzìi hwɛ ndi nàa hwatò hwa mèhvìlì, èma wɔ̀ hwa kanɛ̀ tɛ, hwa lìŋgàna lì tɛ̀mɛ̀ ò ndawò ja màkanɛ̀ nà ò tòŋgòŋgò ja hwewòka hwe màlòkò, nanù ema hwatò hwa à hwà ɛnɛ. Nà è òhwèyà ndi è jɔ̀kɛ̀ nanù ema, wɔ̀ hwa mà màa lì lùwa mòrzawèlì mò awu mò arzɛ.

Lukàrzɛ̀ 10:29

Ndi òŋgò mòòkòlèlì wà mbenda à mà àrza lì arzùŋgɛ̀, rzìi a ijòwa nanù ema, “Njɛnɛ à hwèlì ŋmanyàŋgò wa ami e?”

Lukàrzɛ̀ 11:39

Aŋga ndi e Rzàŋgò è mà mò òhweyà nanù ema, “Inyɔ Ihvalìrzàyì, è rzaŋgìrzɛ̀ e mburzà ya lìwònde na mɔ̀njɔ̀ mò anyù ndi ò tenì ya anyu, lì lùmba la hwèèmà na wòhwe wò è òndì ò mèèmà me anyu.

Lukàrzɛ̀ 18:11

“È Hvàlìrzàyì è ma tɛ̀mɛ̀ ò ŋmanyu rzìi e kànɛ ò ŋmèma mò eni nanù ema, ‘Ìi Lohwɛ̀ nà rzòmì, èhwanja nà rza enje nàa hwanɛ̀yi hwatò ema hwa hvùmànà hwatò hweemà, hwa lɔ̀kɔ̀ hwanɛ̀yi, è wɔ̀ hwa mòrzònje ò màhwa. Nà ò rzòmì èhwanja nà rza ènje nàa ò nò mòrzàŋgèlì wà è njàŋge yà lìkànèyà.

Lukàrzɛ̀ 18:14

Yerzù rzìi a òhwa hvɛ nanù ema, “Nà è òhweyà ema, ònò mòtò à mà tìmba ò ndawò yà èni rzìi a tɛ̀mɛ̀ ehve-ehve nà Lohwɛ̀, lì aka òŋgò Hvàlìrzàyì. Tɔ̀ njɛnɛ ema a akàrzɛ mɔ̀ ŋmìti, à rzìhwìrzɛ̀hwɛ̀. È mɔ̀ hvɛ ema arzihwirzɛ, a kàrzɛ̀hwɛ̀.”

Lukàrzɛ̀ 18:21

Òŋgò mòkànèlì rzìi a òhwa nanù ema, “Mòòkòlèlì nà mà gbeyàna inì mbenda lìwòteya è hvònda ema na mà hwɛ jùma ŋmanà.”

Lukàrzɛ̀ 18:9

Yerzù à mà òhwa mòhvɛhvɛ ŋmàna lì hvòmɛ̀nɛ̀ hwatò ema hwa àyɛ̀nɛ̀ hwìti nàa hwatò ema hwà rzàŋgi, rzìi hwa àyɛ̀nɛ̀ hwanɛ̀ hwatò nàa hwatò hwa ŋgundu. À mà òhwa nanù ema,

Lukàrzɛ̀ 20:20

Hwà-òkòlèlì hwà mbenda nà Ìpìlìrzì ndɛnɛ̀ hwà mà hwɛ lì arza ŋmanò mò jɔ̀kɛ̀ ò lì ŋgbaŋgɛ Yerzù. Hwa mà hvɔ̀rzɔ̀ hwatò, hwa hwà tàŋgeyà, ema hwa mò nɔ̀ŋge ò mburzà. Hwàŋga hwatò hwà mà hwɛnɛ lì ahwàŋgɛ̀lɛ̀ nanù ema hwa mò nɔ̀ŋgɔ̀nɔ̀ ndi ŋmèma mɔ̀kɔ. Hwà mà gbeyà ndi nanù, aŋga nanù, òma hwà mà mò lɛ̀mbɛnɛ njɔ̀mì. Èŋge hvònda rzɔ òma hwà mà mò akɛlɛlɛ e Gɔhwina ya Ròmànì ema mɔ̀ ndi à kànèyà.

Lukàrzɛ̀ 20:47

Hwanù hwatò hwa hvùmà èrzàŋgò ya mekurze. Hwa lìŋgàni hvɛ lì lukɛlɛ hwatò na màkanɛ̀ ema mà wawi. Iŋgi nyayi ja hwatò, hwa ò lùwà kɔ̀kìrzɛ̀ ndɛnɛ̀ nà Lohwɛ̀.”

Yòwanìrzɛ̀ 2:25

Tɔ mòtò a rzi tànɛyi lì mò òhweyà tɔ̀ eyà lì hvòmɛ̀nɛ̀ òhvɛhvɛ mòtò, èhwanja mɔ̀ à mà kuwa lì hwiya mèèmà me hwatò hwa hwènàmà hwa arzɛ.

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Hwègbèèlì 1:18

(O wòŋgò wòlì ema Jùdàrzì à mà luwe, nàa mòrzawèlì mò eni ò wòhwe ema à mà gbeye à mà wò àndana mɔ̀nyɛ̀. Aŋga ndi à mà kpe na wòrzò wò eni, lùuŋga la eni rzìi lì mbuma meya me eni me kùwa lì wurza ò èwòka.

Hwègbèèlì 1:24

Rzi hwa kànɛ nanù ema, “Rzàŋgò, ò hwi ŋmèma mò tɔ̀ ima mòtò tɛ. O jò uŋmɛ̀lɛ̀ ò hwanù hwahwàkɛ e mɔ̀ ema ò hvɔ̀rzì,

Hwègbèèlì 15:8

Lohwɛ̀ ema a hwi mèèmà me hwatò, à mà uŋmɛ̀lɛ̀ nanù ema à mà ŋgba hwaŋga hwatò ema hwa rza enje wònyà Yudà è wònjà ò lì lòkɛ̀, na òma à mà hwa ŋgbe Èlìŋgɛ̀ yà Wòtani, ŋgàna hvɔ̀kɔ mɛnɛ na òma à mà jò ŋgbe irzɔ hvɛ e yɔ.

Ròmànì 3:20

O èŋgànɛ̀lɛ̀ rzɔ ò rza enje tɔ̀ mòtò tɔ̀ mɔ̀kɔ ema a tɛ̀mɛ̀ ehve-ehve ò wòrzò wò ama Lohwɛ̀ èhwanja, a gbeyà mamɛ ema e mbenda e òhwa. È mbenda e hwèlì ndi ò lì uŋmɛ̀lɛ̀ hwatò nanù ema hwà mà gbeyà wòhwe.

Ròmànì 8:27

Lohwɛ̀ ema a ɛnɛ e tenì ya mèèmà me arzu, ndèŋgàna hvɛ a hwi màlùtèyà ma Èlìŋgɛ̀ èhwanja Èlìŋgɛ̀ e hwèlì e kanɛ̀lɛ̀lɛ̀ mèèmà me hwatò nyayi ema Lohwɛ̀ a àrzeyà.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

1 Pètrò 3:4

Ndi hwe e hwiye ndi o mòlòŋgà ema mo uwɛ̀lɛ̀lɛ̀yi ndi o tenì ya anyu moŋgo mòlòŋgà mo rza àyèŋgòwɛ̀ ehwànja mo uwɛ̀lɛ̀lɛ̀yi ndi o èlìŋgɛ̀ ema e arzihwirzɛ na lì hwɛ hviyayi. Moŋgo mòlòŋgà mɔ̀ ndi Lohwɛ̀ a ɛnɛ nanù ema mo hwèlì wòlìto.

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.