Lukàrzɛ̀ 15:7 - Mokpwe: Bakwery (New Testament)

⁷ Yerzù rzìi à hwàtɛ hvɛ lì òhwà nanù ema, “O ò hwɛ mɔ̀nyɛ̀ŋgì mò ndɛnɛ̀, ò ŋmanyu yà lohwà, ehwànja mòtò mɔ̀kɔ wà wòhwe à tìkòhwi hwɛ̀ɛ̀mɛ̀ hwe eni a timbi nà Lohwɛ̀. Òŋgò à akayi mènìlùùwà nà lùùwà mè hwatò ema hwa hwèlì ehve-ehve. Wɔ̀ hwa rza tànɛ̀yi hvɛ lì àyèŋgòwɛ̀.

Lukàrzɛ̀ 15:7 Mawu Ofanana

Matiyò 18:13

Nà è òhweyà ndi è jɔ̀kɛ̀ nanù ema à mò lù tɛ à òhva mɔ̀nyɛ̀ŋgì mò jɔ̀ɔ̀-jɔ̀ɔ̀ nà eŋge ehvòwà yà mɔ̀lɛ̀ŋgù lì aka mènìlùùwà nà lùùwà ema mè rza wɔ̀.

Matiyò 3:8

Inyɔ è ɛndɛ è gbèèye hwèyà ema hwe uŋmɛ̀lɛ̀ nanù ema è mà rzɔnjɛ̀lɛ̀ wòhwe wò anyu.

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 15:29

Òŋgò ŋmanà à mà alàhwɛ̀ rzàŋgɛ nanù ema, ‘Ɔ̀ŋgɔ tɛ, menè mèenyà me àrzɛ ema na hwèlì nà ò gbèeyà, nà rzi ò tònàni. Ò rzi nò ŋgbèlì tɔ̀ ŋgùma ya mbòlì ema ìmba hvɛ na rzòmbìrzɛ̀ nà ìmbunda ja amì.

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Lukàrzɛ̀ 15:6

Òŋgò mòtò à ukì tɛ ò ndawò yà èni, à hwɛlɛ ìmbunda nà hwatò ema hwa lìyàa lì mò kòmbɛ̀nɛ̀. À hwa òhweyà nanù ema, ‘È nò òkane mɔ̀nyɛ̀ŋgì, èhwanja nà lu ehvòwà ya ami ya mɔ̀lɛ̀ŋgù ema e ma wɔ̀.’”

Lukàrzɛ̀ 15:8

“È hwèlì tɛ ema mòlanà à òhvi lìyòmɛ̀ la kahvà ò lìya, rzìi kahvà hvɔ̀kɔ e wɔ̀ ò tenì ya ndawò yà èni, rzèkɛ òŋgò mòlanà à hwɛnì lì hvàalɛ etùlù, rzìi a wòteya hvɛ lì tutà è ndawò, ò lì ɔ̀ŋgɔ kɔ̀yi-kɔ̀yi natɛ̀ɛ à lùwà èŋge kahvà e?

Lukàrzɛ̀ 16:15

Yerzù rzìi a hwa òhweyà nanù ema, “Inyɔ è a uŋmɛ̀lɛ̀ ò màrzò ma hwatò ema è rzàŋgi, ndi Lohwɛ̀ à hwi mamɛ ema e hwèlì ò mèèmà me anyu. Èŋge eyà ema hwatò hwa wò wòlìtò rzayì-rzayì, e hwèlì ndi nàa lòwa lì uŋgbàa ò wòrzò wò ama Lohwɛ̀.”

Lukàrzɛ̀ 5:32

Nà rza jɛ̀lɛ̀lɛ̀ ndi lì hwɛlɛ hwaŋga hwatò ema hwa tɛmi ehve-ehve na Lohwɛ̀, ndi nà jèlì ndi ò lì hwɛlɛ è wɔ̀ hwa wòhwe, ò lì tìkòwà.”

Ròmànì 7:9

O ma hwɛ hvònda ema nà mà hwɛ lòŋgɛ na rzi hwiye e mbenda. Ndi e hvònda ema nà mà hwiye e mbenda, ilema ja ami ja lì gbeyà wòhwe i ma hwema ò èŋgànɛ̀lɛ̀ nà mà ŋwa.