Lukàrzɛ̀ 15:27 - Mokpwe: Bakwery (New Testament)

²⁷ È mògbèèlì rzìi a mò alàhwɛ̀ nanù ema, ‘Ŋmànyàŋgò wa aŋgɔ ndi à jèlì ɔ̀ndi rzɔ̀ŋgɛ a mò òŋwelì mònànì mò nyàkà èhwanja à mò ɛni hvɛ na hwèlìyelì hwe gbamù.’”

Lukàrzɛ̀ 15:27 Mawu Ofanana

Matiyò 22:4

Eŋge kiŋgɛ rzi e òma hvɛ hwahvɛhvɛ hwàgbèèlì na mònò ŋmɛ̀ndì ema hwa òhweyà hwaŋga hwatò nanù ema, ‘È òhweyà hwaŋga ema nà mà yòhwɛ nanù ema nà mà wòŋgirzɛnɛ e ndèma. Nà ma òŋwa nyàkà ndɛnɛ na hwehvɛhvɛ hwèembè. Nà ma wòŋgirzɛnɛ hweyà hwe arzɛ e jèe ò e ndèma ya lìhwa naŋgɛ.’

Lukàrzɛ̀ 15:26

Aŋgà ndi a à hwɛlɛ mògbèèlì mɔ̀kɔ a mò ijòwa mamɛ e gbèyɛ̀nɛ.

Lukàrzɛ̀ 15:28

“Ŋmànyàŋgò wa eni wà mùulu a mà hweye nanù rzìi a tàtà. A rza arze ò lì kpèeyà ò ndawò. Rzàŋgɛ rzìi a wurzà ò lì mò atɛ̀kɛ̀ ema a kpèeyà ò ndawò.

Lukàrzɛ̀ 15:30

Ɔ̀ŋgɔ̀ tɛ, ò nò ŋmanà wà aŋgɔ̀ ema à tìmbi nanù, à mà kùwa lì hvaŋgà wòlì wò aŋgɔ̀ nà ì àkpàlà ja eni, rzìi ò wà ò mò òŋwelì mònànì mò nyàkà ò lì rzòmbirzɛ nà hwatò hwa àrzɛ.’

Hwègbèèlì 22:13

Ànàniyarzì à mà nò jèeya, a tɛ̀mɛ̀ ò tòŋgòŋgò ya ami rzìi a òhwa nanù ema, ‘Ŋmanyàŋgò wa ami Rzàwòlò kòkò, wòteyà lì ɛnɛ hvɛ!’ O lìŋgi lìrzàkò mɛnɛ na mà ɛnɛ hvɛ rzìi na a mò ɔŋgɔ̀.

Hwègbèèlì 9:17

O èŋgànɛ̀lɛ̀ Ànàniyarzì à mà ɛndɛ, rzi a kpèeyà ò tenì ya e ndawò ema Rzàwòlò à mà hwɛ, rzìi a mò hwàkɛ màà ma eni. A ma mò òhweyà nanù ema, “Ŋmanyàŋgò wa ami Rzàwòlò kòkò, Rzàŋgò a nò òmani lìkànèyà. Rzàŋgò Yerzù ema a ma ò wùrzeyà ò njiya na òma ò ma hwɛ lì jà anu. A nò òmi ò mbàà aŋgɔ̀ aŋga nanù, ò wa, ò tànɛ lì ɛnɛ̀ hvɛ, na lì òndìrzɛ̀hwɛ nà Èlìŋgɛ̀ yà Wòtani.”

Hvìlɛ̀mɔ̀nì 1:16

Ò nàŋgɛ à rza enje ndi mòkòmè, ndi à hwèlì ndi ŋmanyàŋgò wà arzu wà ama Krirztò. Nà mò lìŋgàni rzàyi-rzàyi, ndèŋgànɛlɛ ò wà hvɛ ò àŋgàmɛ̀nɛ̀yi lì mò lìŋgàna lì aka mamɛ ema imba nà mò lìŋgàni. Ò àŋgàmɛ̀nɛ̀yi lì mò lìŋgàna nàa è mògbèèlì wà aŋgɔ̀ ndèŋgànɛlɛ nàa ŋmànyɔ̀ŋgɔ̀ wà aŋgɔ̀ wà ama Krirztò.