Lukàrzɛ̀ 15:2 - Mokpwe: Bakwery (New Testament)

² Ihvàlìrzàyì nà hwà-òkòlèlì wa mbenda hwa mà wòteya lì àyiŋgòwɛ̀ nanù ema, “È ɔŋgɔ̀ tɛ, ònò mòtò à ɛndɛ̀ nà hwatò hwa wòhwe natɛ̀ɛ nà lì làalɛnɛ̀ nà wɔ̀.”

Lukàrzɛ̀ 15:2 Mawu Ofanana

Matiyò 11:19

È Ŋmanà wà è Mòtò wà Hwènàmà à mà jèe, mɔ̀ à mà làa mòlelì, a nyɔ hvɛ mììmba, e òhwa nanù ema, ‘È mò ɔ̀ŋgɔ aŋga a lìŋgàni mòlelì rzayi-rzayi. A hwèlì hvɛ ndì mòtò wa mbòma, a hwèlì hvɛ ndì e mbunda ya hwarzàŋgelì hwa e njàŋge ya lìkànèyà na hwatò hwa wòhwe.’ Ndi ò lìrzukù hweyà ema hwe ò gbèyɛ̀nɛ hwe ò uŋmɛ̀lɛ̀ nanù ema lìhwiyè la ama Lohwɛ̀ lì hvòmɛ̀nɛ̀yi.”

Matiyò 9:11

Nà òma lòŋgò la Ìhvalìrzàyì i ma ɛnɛ na òma Yerzù à mà lìya na iŋgi nyayi ja hwatò, rzìi hwa ijòwa hwà-òkòwèlì hwa ama Yerzù nanù ema, “O mamɛ ndeŋgatɛ è Mòòkòlèlì wa anyu, a làlɛ̀nɛ̀ nà hwàrzàŋgèlì hwa e njàŋge yà lìkànèyà nà hwatò hwa wòhwe e?”

Lukàrzɛ̀ 15:3

Yerzù rzìi a hwa kpɛ̀ɛyà ŋmàna nanù ema,

Lukàrzɛ̀ 19:7

Hwatò hwa àrzɛ hwa mà ɛ̀nɛ nanù, rzìi hwa wòteya lì arzàrzòhwɛ̀ nanù ema, “Yerzù à ɛ̀ndi ndi lì kpèeyà ò ndawò yà àma è mòtò wà wòhwɛ.”

Lukàrzɛ̀ 5:30

Ìhvalìrzàyì nà hwà-òkòlèlì hwà awu hwa mbenda, hwa a tɔ̀kirzɛnɛ, rzi hwa wòteya lì ijòwa hwà-òkòwèlì hwà mà Yerzù nanù ema, “Mamɛ ndeŋgàtɛ inyɔ è làa, nà lì nyɔ nà hwàkɔ̀tèlì hwa è njàŋge yà lìkànèyà nà hwahvɛhvɛ hwatò hwa wòhwe e?”

Lukàrzɛ̀ 7:34

È Ŋmanà wà e Mòtò wà Hwènàmà, à jelì, à làa mòlelì, à nyɔ mììmba, inyɔ ema, ‘È mò ɔ̀ŋgɔ aŋga, à òndì njɔ̀ŋgu. À òndi mbòma, à hwèlì hvɛ ndi è mbunda yà hwàrzàŋgèlì hwa njàŋge ya lìkànèyà, nà hwatò hwa wòhwe.’

Lukàrzɛ̀ 7:39

Nà òmà òŋgò mòtò wà Hvàlìrzàyì ema à ma yòwɛ Yerzù, a mà ɛ̀nɛ nanù, rzìi à òhwa ò ŋmèma mò eni nanù ema, “Ò nò mòtò à mà hwɛ tɛ mòòhwèlì wà èlìŋgɛ̀ wà jɔ̀kɛ̀, ò ma à mà hwiya njɛnɛ ò nò mòlanà ema à mò lɛ̀mbɛ a hwèlì na ɛ̀ɛ̀mɛ̀ ema a hwɛnì. O ma à ma hwiya hvɛ ama ò nò mòlanà a gbeyà wòhwe.”

Hwègbèèlì 11:3

“Mamɛ ndeŋgatɛ ò ma ɛndɛ ò mandawò ma hwatò ema hwa rza enje wònyà Yudà ema hwa rza endàhwɛ̀ e? Nàtɛ̀ɛ ò wa na wɔ̀ e ma laalɛnɛ ò ekì yɔ̀kɔ.”

Gàletìyà 2:12

Nà oma mɔ̀ à mà lòme lì uka aŋga, à mà nyàmɛ̀lɛ ò lì làa nà hwatò ema hwa rza enje wònyà Yudà. Ndi nà oma loŋgo là hwatò hwa wònyà Yudà ema hwa mà uwɛ̀lɛ̀lɛ̀yi ò mà Jèmìrzì ò Jèrurzalɛ̀mù rzi hwa jà ò Antìyɔ̀kì, à mà wòteyà lì timbeya ò mburza. A rzi hwɛ hvɛ lì làa nà hwaŋga hwatò ema hwa rza enje wònyà Yudà. Mɔ̀ à mà hwɛ lì gbèeyà nanù èhwanja à mà hwɛ lì oka hwatò ema hwa mà hwɛ lì ohwa nanù ema hwa hwɛni lì enda hwatò ema hwa rza enje wònyà Yudà wɔ̀ŋgɔ̀.

1 Tìmotì 1:15

Hwèyòhwèlì hwe jɔ̀kɛ̀ hwène, ema irzɔ i hwɛni lì èmeyà nà lì lòkɛ̀ kɔ̀yi-kɔ̀yi. Yerzù Krirztò à mà jà ò rze ò lì rzùŋga hwatò hwa wòhwe. Imba ndi nà hwèlì è mɔ̀ ema wòhwe wò eni wò koki lì aka wòhwe wò hwahvɛhvɛ hwatò.