Lukàrzɛ̀ 15:13 - Mokpwe: Bakwery (New Testament)

¹³ O mburzà ŋgùrzù ja mènya, ɛnɔ̀ŋgɔ̀nì rzìi e àhwirzɛ̀ erzàŋgò ya eni ya àrzɛ. À ɛ̀ndɛ ò ehvɛhvɛ èkòmè ema e ma rzɔ̀lɛ̀nɛ̀ hvòò. Oŋgò ndi à mà kpèeyà mòlàakò nà lòŋgɛ la mɔ̀lɔ̀kìrzà a kùwa lì hvàŋga wòlì wa arzɛ ema a mò òhvè.

Lukàrzɛ̀ 15:13 Mawu Ofanana

Lukàrzɛ̀ 15:12

Wùnya wɔ̀kɔ, ɛnɔ̀ŋgɔ̀nì rzìi e òhweyà rzàŋgɛ nanù ema, ‘Tatɛ̀ ò nò ŋgbè è la amì lòŋgò la erzàŋgò ema lì nò kànɛnɛyi.’ Rzàŋgɛ rzìi a hwa kahweyà erzàŋgò ya eni.

Lukàrzɛ̀ 15:14

È hvònda ema a mà kulɛ lì hvaŋgà wòlì wò eni wò àrzɛ, rzìi ò kpèeyà njàwò ndɛnɛ̀ ò èŋge èkòmè. Aŋgà ndi lìtàke lì à mò uŋmɛ̀lɛ ììlì.

Lukàrzɛ̀ 15:30

Ɔ̀ŋgɔ̀ tɛ, ò nò ŋmanà wà aŋgɔ̀ ema à tìmbi nanù, à mà kùwa lì hvaŋgà wòlì wò aŋgɔ̀ nà ì àkpàlà ja eni, rzìi ò wà ò mò òŋwelì mònànì mò nyàkà ò lì rzòmbirzɛ nà hwatò hwa àrzɛ.’

Lukàrzɛ̀ 16:1

Yerzù rzìi a òhweyà hwà-òkòwèlì hwa eni hvɛ nanù ema, “O mà hwɛ èhwàŋgì ya mòtò mɔ̀kɔ ema e ma òhva mògbèèlì mɔ̀kɔ ema à ma hwɛ lì kànèyà erzàŋgò ya eni. Hwatò hwa mà ɛ̀ndɛnɛ mìinda ò ma rzàŋgɛ̀ wà èni wà èwòlò ema òŋgò mògbèèlì à hvaŋga ì kahvà ja eni.

Lukàrzɛ̀ 16:19

“O mà hwɛ èhwàŋgì ya mòtò mɔ̀kɔ ema, e ma alìŋgɛ̀lɛ̀ hwerzànjà bɔbɔbɔ. À mà làa hvɛ mèlelì me ndɛmù wùnyà tɛ.

Ɛ̀hvìrzìyà 2:13

Ndi o naŋgɛ ema e ma hwɛ mòtò mɔ̀kɔ na Yerzù Krirztò, inyɔ ema e ma rzɔlɛnɛ Lohwɛ̀ e ma jà naŋgɛ lì kombɛnɛ Lohwɛ̀ èhwanja màyija ema Yerzù à mà kome o nyòla anyu.

Ɛ̀hvìrzìyà 2:17

Krirztò à mà jà hvɛ ndì ò lì è ohwà inyɔ ema è rza enje wònyà Yudà Ŋmɛ̀ndì mò Gbamù mò ɛ̀yɔ̀lɛ̀, inyɔ ema è mà rzɔ̀lɛ̀nɛ̀ Lohwɛ̀. À mà ohweyà hvɛ wònyà Yudà nanù mɛnɛ, wɔ̀ ema hwa mà kombɛ̀nɛ̀ Lohwɛ̀.

2 Pètrò 2:13

Lohwɛ̀ à ò gbeyà nanù ema hwa tàke rzayi-rzayi ehwànja wɔ̀ hvɛ hwa mà tàkìrzɛ̀ hwahvɛhvɛ hwatò. Wɔ̀ hwa lìŋgàni o lì ujìrzɛ̀ e nyɔ̀ŋgi ya e nyàma nyo. Ndeŋgànɛ̀lɛ̀ wɔ̀ hwa rza oka tɔ̀ irzɔ̀ni o lì gbeyà hweŋge hweyà tɔ̀ o ŋmèrze mo wùnyà. Hwa hwèya gbamù o lì gbeyà hweŋge hweyà e hwèlì tɛ nanù ema hwa hwèlì lì laa na inyɔ èki yɔ̀kɔ. O eŋgànɛ̀lɛ̀ rzɔ, hwà mà hvàŋga lìinà la anyu na lì e jàneya irzɔ̀ni.