Lukàrzɛ̀ 14:32 - Mokpwe: Bakwery (New Testament)

³² À rzà ò tànɛyi tɛ, à òmà hwèwàŋgì hwe èŋge mbòwà, ò lì ɛ̀ndɛ lì ùŋmanɛlɛ enɛ̀yi kiŋgɛ̀, ema è rzɔ̀lɛnɛyi hvòhvò, ò lì mò atɛ̀kɛ̀ ema hwa gbèyè ɛ̀yɔ̀lɛ̀.

Lukàrzɛ̀ 14:32 Mawu Ofanana

Matiyò 5:25

‘O rzeeya hwèyà nà è mɔ̀kɔ̀ɔ̀yèlì wà aŋgɔ̀ ema àrza lì ò ɛ̀ndɛnɛ ò ndawò yà hwèkàyìrzèlì. O gbèèyè nanù ndèŋgànà è uka ò hwèkàyìrzèlèlì. È rza enje tɛ nanù, mɔ̀ à ò rzɔ̀mɔ̀nɔ̀ ò kòti. Oma è kòti è mà ò akɛlɛ̀lɛ i pòlìrzi, òma ò mà aŋgɛhwɛ ò hwèwòwà.

Matiyò 5:42

O ŋgbe òŋgò mòtò ema à ò ɔ̀mbɔ̀, ndèŋgànɛ̀lɛ̀ hvɛ ò bàlɛ̀ òŋgò ema à arza lì ò bàlɛ̀nɛ̀.”

Lukàrzɛ̀ 12:58

Mòtò à ò ɛ̀ndɛ̀nɛ̀ tɛ ò hwèkàyìrzèlì, kèka natɛ̀ɛ ya arzèèlɛ inyɔ hwìti. È rza rzèèlì tɛ à ò ɛ̀ndɛ̀nɛ̀ ò ndawò yà hwèkàyìrzèlì, e ndawò yà hwèkàyìrzèlì yɔ hvɛ è ò akɛ̀lɛ̀lɛ̀ ìpòlìrzì rzi ipòlìrzì jɔ hvɛ jò ò aŋgɛ ò hwèwòwà.

Lukàrzɛ̀ 14:31

“È hwèlì tɛ ema kiŋgɛ̀ è wurzanì tɛ lìtuta la lìyòmɛ̀ la hwèkòlì hwa eni hwe hwàànèlì hwa njùma, ò lì ɛ̀ndɛ lì ànana è hvɛhvɛ kiŋgɛ̀ ema yɔ hvɛ è òhvi lìtuta la mbàŋgɛ̀ yà hwèkòlì la hwàànèlì hwa njùma. À lòmà lì lìya ò rze, ò lì kɔkɔ̀ ŋgà à tanɛ̀yi lì ànana ènɛyi kiŋgɛ̀.

Lukàrzɛ̀ 14:33

Nànù ndi e hwɛnì lì hwɛ nà tɔ̀ njɛnɛ hvɛ ema à rza àrzà lì ulɛ hwèèmà hwe arzɛ ò mèèmà mò eni. Èŋge tumba mòtò e rza kànɛyi lì hwɛ è mòòkòwèlì wà amì.

Lukàrzɛ̀ 19:14

Kànàtɛ̀ lòŋgò là hwatò hwa èŋge èkòmè yà eni hwa rzi mò lìŋgànè, hwa mà wùrzìrzɛ̀ mèrzènjà ema mè mò oŋgàmà ò lì òhweyà lìkànèyà nanù ema, ‘Ì rzà arza ònò mòtò à hwɛ è kiŋgɛ̀ yà arzu.’

Hwègbèèlì 12:20

O nàŋgɛ̀ rzɔ Kìŋgɛ̀ Hɛ̀rɔ̀dì à mà hwɛnɛ hwetàtò rzayì-rzayì na hwatò hwa imbowà ja Tàyi na Rzidònì. O èŋgànɛ̀lɛ̀ hwatò hwà mà hwɛmɛ iŋgi mbòwa ja ahwakɛ ò lì ɛndɛ lì mò ɛnɛ. È mòtò wa wòrzò ema hwà mà ɛndɛ ò lì ùŋmànɛ̀lɛ̀ aŋga nanù à mà hwɛ ò ɛ̀yɔ̀lɛ̀ na e kiŋgɛ à mà hwɛ ndi Blàrzìtùrzì. Blàrzìtùrzì à mà hwɛ ndi mòkutu ò e ndawò ya ama kiŋgɛ. Hwà mà gbeyà ndi nanù èhwanja mòlelì mò awu mò ma uwɛ̀lɛ̀lɛ̀yi ndi ò èkòmè ya ama Hɛ̀rɔ̀dì.