Lukàrzɛ̀ 14:23 - Mokpwe: Bakwery (New Testament)

²³ Òŋgò rzàŋgɛ wà èni wà ndawò rzìi a mò òhweyà nanù ema, ‘Ɛ̀ndɛ ò meyòmbò me mbòwà mà arzɛ, nà ò njuka ja mànjiyɛ ma wàŋga mà arzɛ, ò yòhwɛ̀ tɔ̀ njɛnɛ ò ùŋma ema a jèe. Aŋgà nanù, òma è ndawò yà amì e ma òndà.

Lukàrzɛ̀ 14:23 Mawu Ofanana

Matiyò 21:43

Yerzù a hwatɛ hvɛ ò lì òhwa nanù ema, ‘Ene ŋgàna e gbèyi imba na e òhweyà ema, hwa ò e wòwàna hwehvòlò hwe anyu ema inyɔ e òhvi nàa hwatò hwa lìkànèyà là ama Lohwɛ̀, rzìi hweŋge hwehvòlò hwe ò ŋgbààhwà hwatò ema hwa ò gbeyɛ mamɛ ema Lohwɛ̀ a arza.’”

Matiyò 5:41

Mòtò à inyàmɛnɛ tɛ ema ò ɛ̀ndɛ nà mɔ̀ hvòka yà mayelì mɔ̀kɔ, ò ɛ̀ndɛ nà mɔ̀ mayelì mahwakɛ.

Lukàrzɛ̀ 14:22

O rzì a ikòlɛnɛ, rzìi òŋgò mògbèèlì a tìmba lì òhweyà rzàŋgò wa èwòlò nanù ema, ‘Rzàŋgò ee! Nà ma gbeyà nà òmà ò òhwì, ndi èki ya hwèlìyelì e rzà òndì.’

Lukàrzɛ̀ 14:24

Nà è òhweyà nà è jɔ̀kɛ̀ ema, tɔ̀ mòtò tɔ̀ mɔ̀kɔ hwà hwaŋga hwatò ema nà ma lòme lì yòhwɛ̀, hwà rza ò kèka tɔ̀ teŋyi ò ndèma ya ami.’”

Lukàrzɛ̀ 24:29

Ndi hwa mà mò rzòrzòmeyà rzìi hwa òhwa nanù ema, “Ja anù ò lìyà nà irzɔ, èhwanja ò mà hwɛ ndi è ŋgòmbe yà lohwà ò hwèkɔ̀ɔ̀yèlì hwe wùnyà.” Aŋgà ndi à ɛ̀ndɛ ò ndawò nà wɔ̀.

Hwègbèèlì 16:15

Hwà mà mò lùhwìrzɛ̀ na lìtumba la eni la arzɛ, ò mburza nanù à mà jò yòwɛ ò màandà mà eni rzi a òhwa nanù ema, “È lutelì tɛ ema imbahvɛ na hwèlì ndi mòlòkèlì mɔ̀kɔ, wa ama Rzàŋgò, e jèe e lìya ò màandà mà ami” mɔ̀ à mà jò tinɛlɛ natɛ̀ɛ rzìi je emeyà.

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

Hwègbèèlì 28:28

Pàwolò rzìi a kulɛ na eŋge mbɔrzi nanù ema, “Inyɔ e hwɛni lì hwiya nanù ema ŋmɛ̀ndì mò lì rzùŋgàhwa ema Lohwɛ̀ à mà òmɛ, ò nàŋgɛ à mà mò òmeya hwatò ema hwa rza enje wònyà Yudà ndèŋganɛlɛ hwa ò mò òkànèyà.”

Hwègbèèlì 9:15

Ndi Rzàŋgò à mà òhweyà Ànàniyarzì nanù ema, “Ɛ̀ndɛ̀, èhwanja nà mà hvɔ̀rzɔ̀ ònò mòtò ò lì nò gbèeyà. Mɔ̀ à ò gbeyà hwaŋga hwatò ema hwa rza enje wònyà Yudà, ikìŋgɛ̀ jà awu, nà wònyà Yudà ò lì nò hwiya.

Ròmànì 10:18

Ndi na ijòwa nanù ema, e hwèlì ndi e jɔ̀kɛ̀ ema wɔ̀ hwa rzi hweyi mòŋgò ŋmɛ̀ndì e? Jàyɛ̀, hwà mà mò hweyà. Nà òma e tìlahwì ò e kààtì ya Lohwà nanù ema, “Màalò ma hwatò ema mà ma hwɛ lì òhwa mòŋgò ŋmɛ̀ndì mà ma hwɛ̀ɛnɛ e rze ya arzɛ. Eyà ya awu e ma uka ò marzuku ma e rze ya arzɛ.”

2 Kɔ̀rintìyà 5:11

Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.

2 Kɔ̀rintìyà 5:20

Nà oma Lohwɛ̀ a jo òhweyà hweyà ema i hwɛni lì ohweyà hwatò, i hwèlì ndi hwatò ema hwa ohwa hweyà ema Krirztò à mà jo òhweyà ema jo òhwe. I hwèlì ndi o lì e kànèyà o lìna la ama Krirztò nanù ema e hwɛ o lì hweyànɛlɛ na Lohwɛ̀.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:28

Ɔndèŋgàtɛ̀ irzɔ jò òhweyà hwatò lì hvomɛ̀nɛ̀ Krirztò tɔ̀ ima èki ema jè ɛndɛ. I hwa kòkòwɛ̀lɛ̀, nà lì hwa okòlɛ nà lìhwiyè là arzɛ ema Lohwɛ̀ à mà jò ŋgbɛ. Irzɔ i gbeyà ndi nanù ehwànja ja arza ndi nanù ema wɔ̀ hwa èmàyɛ̀lɛ̀ ò worzo wò ama Lohwɛ̀ nàa hwatò ema màtàŋga mà awu ma mà màa lì imbami ò tenì yà lì lòkɛ̀.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.