Lukàrzɛ̀ 14:17 - Mokpwe: Bakwery (New Testament)

¹⁷ È hvònda yà hwèleèlì e mà ùke, rzìi òŋgò mòtò, a òma mògbèèlì wa eni mɔ̀kɔ, ò ma hwaŋga hwatò a mà yòhwɛ nanù ema, ‘È jèe, è ndèma e ma wòŋgìrzɛ̀nɛ̀.’

Lukàrzɛ̀ 14:17 Mawu Ofanana

Lukàrzɛ̀ 14:16

Yerzù rzìi a tìmbirzɛlɛlɛ nanù ema, “Mòtò mɔ̀kɔ, à mà òŋgòlɛ ndèma ndɛnɛ̀, rzìi a yòhwɛ lìmùtì là hwatò.

Lukàrzɛ̀ 14:18

Wɔ̀ hwa àrzɛ, hwa mà wòteya ndi lì àhwàŋgɛ̀lɛ̀ mɔ̀kɔ nà ɔ̀nɛyi. È wà wòrzò à mà òhwa nanù ema, ‘Nà àndi etò, nà àrza lì ɛ̀ndɛ lì e ɔŋgɔ̀. Nà ò rzòrzòmelì nà rza ùkeya.’

Yòwanìrzɛ̀ 7:37

Wùnyà wò lìrzukù wò e ndèma ema wò ma hwɛ wùnyà wò menya wò ma uka. Yerzù à mà tɛ̀mɛ̀nɛ ò ŋmanyu rzìi a òhwa na lìlò lì karzami nanù ema, “Tɔ̀ ima mɔ̀ ema a hwèya e nyìrzɛ̀ ya malìhwa, a nò jèeya a nyɔ.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

2 Kɔ̀rintìyà 5:18

Hwene hwègbèèlì hwe hvènya hwe uwɛ̀lɛ̀lɛ̀yi ndi nà Lohwɛ̀. A jo gbèelì màrzèèlì nà Krirztò. A jo ŋgbelì èwòlò ya lì ohweyà hwatò nanù ema wɔ̀ hwa tànɛyi o lì hwɛ o ɛ̀yɔ̀lɛ̀ nà Lohwɛ̀.