Lukàrzɛ̀ 14:13 - Mokpwe: Bakwery (New Testament)

¹³ Ndi ò òŋgòlɛ tɛ ndèma, ò yòhwɛ ndi mèlìrza me hwatò, ìmbòkò, e hwa njɛmbu na ìndima ja hwatò.

Lukàrzɛ̀ 14:13 Mawu Ofanana

Matiyò 15:30

Ŋgindi ndɛnɛ e mà mò jèeyà, hwà mà mò jàneyà hwatò hwa kperzòhwa, e wɔ̀ hwa ndima, imbòkò, imbùke na hwahvɛhvɛ hwatò ema hwà mà òhva ihvɛ-hvɛ nyàmbɛ. Hwà mà naŋgɛlɛ hwaŋga hwatò ò meende me ama Yerzù, rzìi a hwa wɔ̀wìrzɛ̀ hwa arzɛ.

Matiyò 22:10

O èŋgànɛ̀lɛ̀ rzɔ, hwaŋga hwàgbèèlì hwà mà ɛ̀ndɛ ò ma njiyà mà arzɛ, hwa rzaŋga hwatò hwa arzɛ, e wɔ̀ hwa gbamù, tɔ̀ e wɔ̀ hwa wòhwe. Nàtɛ̀ɛ e ndawò ya ndèma e ma ònda.

Lukàrzɛ̀ 11:41

Ndi inyɔ è wòwe hwèèmà ema hwe hwèlì ò tenì yà luku la mɔ̀njɔ̀, e ŋgbè mèlìrzà me hwatò, aŋga ndi hwèèmà hwe anyu hwe àrzɛ hwe rzàŋga.

Lukàrzɛ̀ 14:12

Yerzù rzìi a òhweyà òŋgò mòtò ema à ma mò yòhwɛ nanù ema, “Ò hwɛlìrzɛ tɛ ndèma, ò rzì yòhwɛ ndi ìmbunda ja aŋgɔ̀, wònyanyɔ̀ŋgɔ̀, lìtumba lì aŋgɔ̀ nà hwèwàŋgì ema ò hwi. Ò gbèyi tɛ nanù wɔ̀ hvɛ hwa hwɛnì tɛ ndèma, ò ma hwà mà ò yòhwɛ̀. O lì hwa lɛɛ wɔ̀ hvɛ.

Lukàrzɛ̀ 14:14

O gbèyi tɛ nanù, aŋga ndi Lohwɛ̀ a ò nàmìrzɛ̀, èhwanja hwaŋga hwatò hwa rzà tanɛ ò lì ò lɛ̀ɛ̀. È hvònda hwatò hwa gbamù hwa ò hvùmùwɛ, Lohwɛ̀ a ò rzaweyà.”

Lukàrzɛ̀ 14:21

Òŋgò mògbèèlì à mà tìmba lì òhweyà è rzàŋgò yà èni yà èwòlò hwenè hweyà hwe àrzɛ. È rzàŋgò yà èni yà èwòlò, e ma tata rzayì-rzayì, rzìi a òma òŋgò mògbèèlì wa eni, a mò òhweyà nanù ema, ‘Ɛ̀ndɛ ɔ̀nɛ̀yi mèyòmbò karzi-karzi, nà ò màhvani ma arzɛ ma mbòwà, ò tìmbànè mèlìrzà me hwatò, nà ìmbòkò, nà ìndima, nà e hwaa njɛmbu.’

Hwègbèèlì 9:39

O èŋgànɛ̀lɛ̀ rzɔ, Pètrò à mà wòŋgirzɛnɛ rzii a ɛndɛ na hwaŋga hwatò. Lirzakò ema mɔ̀ à mà uke aŋga, hwà mà mò agbana ò tùu ya ŋmanyu ya eŋge ndawò ya ndɛkì. Mekurze me hwalana me arzɛ me ma mò tòŋga, rzìi hwa a eyà na lì mò uŋmɛ̀lɛ̀ màatù ma arzɛ, na ikòti ema Dɔ̀kàrzì à mà hwa kɔleya, e hvònda ema mɔ̀ à mà hwɛ lòŋgɛ̀.

1 Tìmotì 3:2

O eŋgànɛ̀lɛ̀, e mòtimbèlì hwa ŋmèmba, a hwɛni ndi lì hwɛ mòtò ema a rza luwahwa màtonà. Ndèŋgàna a hwɛni ndi lì ohva jòjìyɛ̀ hvɔ̀kɔ. A hwɛni ndi lì hwɛ mòtò ema a alɛ̀mbɛ mɔ̀ ŋmìti, mòtò ema a lùtèyà kɔ̀yi-kɔ̀yi, mòtò ema hwatò hwa ŋgba èluhwe, a hwɛni ndi lì hwɛ mòtò ema a kàrzɛ hwàyɛ̀nì o ndawò ya eni, na mòtò ema a hwi o lì okolɛ hwatò.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

Tàyìtùrzì 1:8

Ndi tɔ̀ nanù e mòtimbèlì wa ŋmèmba a àŋgàmɛ̀nɛ̀yi ndi lì hwɛ mòtò ema a kàrzɛ hwatò ema hwa jà o lì mo hvɛhvɛ, ndèŋgànɛ̀lɛ̀ a hwèlì ndi mòtò ema a lìŋgàna hwema hwe gbamù. A àŋgàmɛ̀nɛ̀yi ndi lì hwɛ mòtò ema a hwi lì àwòhvɛ̀ la eni na hwahvɛhvɛ hwatò, mòtò ema hwègbèèlì wa eni hwe tɛnɛ̀nɛ̀, ema a hwèlì wòtani, ndèŋgànɛ̀lɛ̀ a hwèlì mòtò ema àkuwɛ̀ɛ mɔ̀ ŋmìti.

Hvìlɛ̀mɔ̀nì 1:7

Ŋmànyàŋgo wà amì kòkò, è ndìŋgɛ ema ò hwɛnelì hwatò ema hwa lòkɛ̀ Krirztò è nò lìŋgìrzɛ rzàyi-rzàyi ndeŋgànɛlɛ è nò kɔ̀mɛ̀lɛ̀. Ò wà ò lìŋgìrzɛ̀yi hwatò hwa ama Lohwɛ̀.

Hibrù 13:2

È rzì hwɛmɛ o lì karzɛ hwàyɛ̀nì o màndà ma anyu o i hvonda ja arzɛ. Nànù ndi lòŋgo la hwatò hwà mà gbeye hwà mà karzɛnɛ i aŋgèlì o màndà ma awu e rzi hwɛ lì hwiya.