Lukàrzɛ̀ 14:11 - Mokpwe: Bakwery (New Testament)

¹¹ O èŋgànɛ̀lɛ̀ e hwiye ema, tɔ̀ ima mòtò ema à akàrzɛ mɔ̀ ŋmìti Lohwɛ̀ à mò rzìhwìrzɛ̀. Òŋgò hvɛ ema à arzìhwìrzɛ̀ mɔ̀ ŋmìti, Lohwɛ̀ à mò kàrzɛ̀.”

Lukàrzɛ̀ 14:11 Mawu Ofanana

Matiyò 23:12

Tɔ̀ ima mòtò ema à akàrzɛ̀yi Lohwɛ̀ a mò rzìirzɛ. Tɔ̀ ima mòtò hvɛ ema a arzìhwìrzɛ Lohwɛ̀ a mò kàrzɛ.”

Lukàrzɛ̀ 1:51

À gbèyi hweyà hwè ndɛnɛ̀ nà lìya la eni. A wùùlɛ̀ hvɛ màlùtèyà ma hwatò ema hwa ayèkirzɛ̀ ò mèèmà me awu.

Lukàrzɛ̀ 1:52

À ulɛyi hwàkànèlì ò kònda ja awu ja màkànèyà, rzìi à kàrzɛ̀yi hvɛ è wɔ̀ ema hwa arzihwirzɛ.

Lukàrzɛ̀ 14:12

Yerzù rzìi a òhweyà òŋgò mòtò ema à ma mò yòhwɛ nanù ema, “Ò hwɛlìrzɛ tɛ ndèma, ò rzì yòhwɛ ndi ìmbunda ja aŋgɔ̀, wònyanyɔ̀ŋgɔ̀, lìtumba lì aŋgɔ̀ nà hwèwàŋgì ema ò hwi. Ò gbèyi tɛ nanù wɔ̀ hvɛ hwa hwɛnì tɛ ndèma, ò ma hwà mà ò yòhwɛ̀. O lì hwa lɛɛ wɔ̀ hvɛ.

Lukàrzɛ̀ 18:14

Yerzù rzìi a òhwa hvɛ nanù ema, “Nà è òhweyà ema, ònò mòtò à mà tìmba ò ndawò yà èni rzìi a tɛ̀mɛ̀ ehve-ehve nà Lohwɛ̀, lì aka òŋgò Hvàlìrzàyì. Tɔ̀ njɛnɛ ema a akàrzɛ mɔ̀ ŋmìti, à rzìhwìrzɛ̀hwɛ̀. È mɔ̀ hvɛ ema arzihwirzɛ, a kàrzɛ̀hwɛ̀.”

Jèmìrzì 1:9

Mòtò wa ama Krirztò ema a rza enje wòlìto ò worzo wo hwahvɛhvɛ hwatò a hwɛni lì àyekìrzɛ e hwèlì tɛ ema Lohwɛ̀ a mo kàrzɛ o ŋmanyu.

Jèmìrzì 4:10

È arzìhwìrzɛ o worzo wo ama e Rzàŋgo. Inyɔ e gbèyi tɛ nanù mɔ̀ à e kàrzɛ̀ o ŋmanyu.

Jèmìrzì 4:6

Ndi e ndèli ema, Lohwɛ̀ a jo ŋgbàà e rza hwɛni lìmɛni. Ɔndèŋgàtɛ̀ e tìlahwì o kààtì ya Lohwà nanù ema, “Lohwɛ̀ a kumbɛlɛlɛ hwatò hwa àyekìrzɛ e mburza ndi e wɔ̀ ema hwa arzìhwìrzɛ̀yi a hwa ŋgbàà ììlì ja eni.”

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”

1 Pètrò 5:6

Ya arzihwirzɛ inyɔ hwiti o rze ya e ŋginyà ya ama Lohwɛ̀, aŋga nanù mɔ̀ à e kàrzɛ o e hvonda ya eni ya gbamù ema e mo lɔ̀ɔ̀nì.