Lukàrzɛ̀ 13:33 - Mokpwe: Bakwery (New Testament)

³³ Ndi tɔ̀ nɛ na hwɛnì lì hwɛ ò njiya yàwònò, ŋmɛ̀ɛlɛ, nà wòrzihwàkɛ, èhwanja ò rza lɔ̀wu ema mòòhwèlì wà èlìŋgɛ̀ a ŋwèeyà ò ehvɛhvɛ èki lì aka tɛ ò Jèrurzalɛ̀mù.

Lukàrzɛ̀ 13:33 Mawu Ofanana

Matiyò 20:18

“È hwiye ema ja ɛndɛ ò Jèrurzalɛ̀mù, ò tenì ɔ̀ndi è Ŋmanà wà è Mòtò wà Hwènàmà a hwɛnì lì akɛlɛhwɛ ò màà mà ama ipìlìrzì ndɛnɛ nà Hwà-òkòlèlì hwa mbenda. Wɔ̀ ndi hwa ò hwɛ e wɔ̀ ema hwa ò mò jemɛ ò kpelì.

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Lukàrzɛ̀ 9:53

È hvònda Yerzù a mà ùke aŋga, hwatò hwa èŋge mbòwà hwa rzi mò kàrzɛ èhwanja Yerzù mɔ̀ à mà wòŋgirzɛnɛ ndi ŋmèma mò eni ò lì ɛ̀ndɛ ŋgèlì hvɔ̀kɔ ò Jèrurzalɛ̀mù.

Yòwanìrzɛ̀ 11:54

Ène eyà e ma gbeyà Yerzù a rzìi hwɛ lì wurza hvɛ ò ìtììtènì ja wònyà Yudà. Rzìi mɔ̀ na hwà-òkòwèlì hwa eni hwà mà anjiya rzìi hwa ɛ̀ndɛ ò èkòmè ema e ma hwɛ̀lɛ̀hwɛ̀ Èhvlèmì, rzìi hwa lìya aŋga. Èŋge mbòwa e ma kòmbɛnɛ mòrzanjɛ̀.

Yòwanìrzɛ̀ 11:9

Yerzù rzìi a hwa alàhwɛ̀ ama, “Rzeke e hwèlì e jɔ̀kɛ̀ nanù ema wùnyà tɛ wò hwɛni lìyòmɛ la awa na ihwàkɛ e? Hwàŋga hwatò ema hwa ɛndɛ o ŋmèrze hwa rza kpa, èhwanja wɔ̀ hwa hwèlì na e mɔ̀ ema a hwèlì ŋmàye mò ène rze.

Yòwanìrzɛ̀ 12:35

Yerzù rzìi à alàhwɛ̀ nanù ema, “Ŋmaye mò hwɛ na inyɔ ò ŋmana hvòka wa hvònda. È ɛ̀ndɛ ò wòrzò nàŋgɛ ema e òhvi mònò ŋmàye, aŋga jììtìtì i rza e lìŋgɛ̀lɛ̀. È mɔ̀ ema ayɛ̀ndɛya ò jìtìtì a rza hwi èki a ɛ̀ndɛ.

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 9:4

Nà òma ŋmerze mò wùùnya wò hwèlì nanù, irzɔ hwa arzɛ i hwɛnì lì gbeyà èwòlò e jò ŋgbàahwì na e mɔ̀ ema a nò òmi. Nàŋgɛ ema wùùnya wa a kɔ ema tɔ̀ mòtò a rza tanɛ lì gbeyà èwòlò.

Hwègbèèlì 10:38

Inyɔ e hwi nanù ema Lohwɛ̀ à mà ɔ̀kirzɛ̀ Yerzù, è mòtò wà Nàrzàrɛ̀tì, rzìi à mò ŋgba Èlìŋgɛ̀ yà Wòtani nà è ŋginyà. Yerzù à mà hwɛ lì ɛndɛ ò èki yà arzɛ, rzìi a à gbeyà gbamù. Nà òma Lohwɛ̀ à mà hwɛ na mɔ̀, mɔ̀ à mà wɔ̀wìrzɛ̀ hwatò hwa arzɛ ema hwà mà hwɛ ò rze ya e ŋginyà ya ama Mòkarzɛ̀.

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.