Lukàrzɛ̀ 13:25 - Mokpwe: Bakwery (New Testament)

²⁵ È hvònda yò ò jà ema e mòhwɛnɛ wà ndawò a ò tɛ̀mɛ̀ ò ŋmanyu ò lì umba lìyòhva la eni. Èŋge hvònda inyɔ̀ è ò tɛ̀mɛ̀ ò èwòkà, lì kùmba lìyòhva rzìi ya òhwa nanù ema, ‘Rzàŋgò ò jò lìhvòweyà lìyòhva.’ A yà alàhwɛ̀ nanù ema, ‘Nà rza hwi òne e uwɛ̀lɛ̀lɛ̀yi.’

Lukàrzɛ̀ 13:25 Mawu Ofanana

Matiyò 25:41

“Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Lukàrzɛ̀ 13:27

È Rzàŋgò yà è ndawò ya àlahwɛ̀ nanù ema, ‘Nà rza è hwi. Nà rzà hwi hvɛ tɔ̀ èki ema e uwɛ̀lɛ̀lɛ̀yi. È nò anjiya ò mìirzɔ̀ ma ami. Inyɔ hwatò hwa wòhwe!’

Lukàrzɛ̀ 3:8

Inyɔ e ɛndɛ e gbèèye hweyà ema hwe uŋmɛ̀lɛ̀ nanù ema e ma rzɔnjɛ̀lɛ̀ wòhwe wò anyu, rzèketɛ ò lì òhwà ò mèèmà me anyu nanù ema, ‘Ì hwèlì ndi hwàànà hwà mà Abràhamù, ò eŋgànɛ̀lɛ̀ ì rza tànɛ̀yi lì kɔ̀kìrzɛ̀hwɛ.’ Ndi nà è òhweyà ema Lohwɛ̀ à tanɛyi lì gbeyàna manù màŋyàyi ò lì ma gbeyà emà mà hwɛ hwàanà hwa ama Abràhamù.

Lukàrzɛ̀ 6:46

“Mamɛ ndeŋgàtɛ è nò hwɛlɛ nanù ema, ‘Ìi Rzàŋgò, Ìi Rzàŋgò,’ ndi e rza gbeyà mamɛ ìmba na òhwa e?

2 Kɔ̀rintìyà 6:2

Lohwɛ̀ a ohwi na oma e tìlahwì nanù ema, “Nà oma e hvonda ya jɔ̀kɛ̀ e ma uke, nà mà hweyà eyà ema e mo òhwe. Wùùnyà wo lìrzùŋgàhwa wo ma uke, nà mà e òŋgòwàna.” È ɔ̀ŋgɔ tɛ nàŋgɛ ndi e hwèlì e hvonda ya jɔ̀kɛ̀ ema e hwɛni o lì luwa e ndèli ya ama Lohwɛ̀. È ɔ̀ŋgɔ tɛ wùnyà wo ma uka ema e hwɛni lì kɔtɔ̀wɔ.

Hibrù 12:17

È hwi nanù ema, Èrzàwù à mà arza nanù ema rzaŋgɛ a mo nàmìrzɛ̀, ndi rzaŋgɛ a rzi imanɛlɛ o lì mo nàmìrzɛ̀. Li atiyɛ la eni lì ma tɔ̀ɔlɛ̀ o lì tikowa mamɛ e ma loma lì gbeyàhwa, tɔ̀ nɛ mɔ̀ à mà rzòrzòmèyà nà mirzɔ̀lì.