Lukàrzɛ̀ 13:24 - Mokpwe: Bakwery (New Testament)

²⁴ “È kèkè ò lì kpèeyà ndi ò lìyòhva ema lì ihvi. Èhwanja ò jɔ̀kɛ̀, rzayì-rzayì ja hwatò hwa ò kèka ò lì kpèeyà, ndi hwa rzà ò tanɛ.

Lukàrzɛ̀ 13:24 Mawu Ofanana

Matiyò 11:12

Lìwòteyà è hvònda ema Yòwanìrzɛ̀ è Mòlùhwìrzèlì à mà wòteya lì òhwa Èya ya Lohwà natɛ̀ɛ na naŋgɛ, Lìkànèyà la ŋmanyu lì ma luwa mètàkà rzayi-rzayi ò màà mà hwatò, ndèŋgànɛ̀lɛ̀ hvɛ hwatò hwa mòhvùŋgu hwa hwèlì hwa lì ìnɛ̀lɛ̀ na e njuma.

Lukàrzɛ̀ 13:23

Mòtò mɔ̀kɔ à mà ijòwa Yerzù nanù ema, “Ìi Rzàŋgò ŋgùrzu ja hwatò mɛnɛ̀ ndi Lohwɛ̀ a rzùŋgà e?” Yerzù rzi a mò òhweyà nanù ema,

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Yòwanìrzɛ̀ 13:33

Wònyànyàŋgò wà ami kòkò, nà ò hwɛ ndi nà inyɔ ò ŋmanà hvòka wà hvònda mɛnɛ. Ndi nà òma nà mà òhweyà wònyà Yudà, nanù mɛnɛ ndi nà è òhweyà naŋgɛ nanù ema, ‘Èki ema nà ɛ̀ndɛ, inyɔ è rza tanɛ lì uka aŋga.’

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Yòwanìrzɛ̀ 7:34

Ò mburza hvònda è ò nà àrzà, ndi è rza ò nò ɛnɛ, ndèŋgànɛlɛ èki hvɛ ema nà ò hwɛ̀ɛ è rza ò tànɛyi lì uka aŋga.”

Yòwanìrzɛ̀ 8:21

Yerzù à mà hwa òhweyà hvɛ ŋgèlì hvɔ̀kɔ nanù ema “Imba, nà ò ɛ̀ndɛ è yà ami, ndèŋgànɛ̀lɛ̀ è ò nò arza, ndèŋgàna è ŋwèeyà ò wòhwe wò anyu. Èki ema nà ɛ̀ndɛ, è rza tànɛ̀yi lì jà”

Ròmànì 10:3

Hwa rza rzɔ̀ŋgìtɛ̀nɛ̀ nɛ Lohwɛ̀ a tɛ̀yìrzɛ̀ hwatò ehve-ehve na mɔ̀. Wɔ̀ hwa arza ndi e ya awu njiya aŋga nanù ò ma hwà mà tɛ̀mɛ̀ ehve-ehve ò wòrzò wò ama Lohwɛ̀. O èŋgànɛ̀lɛ̀ rzɔ hwa rzi arzìirzɛ̀ wɔ hwiti ò lì òŋgama e njiya ema Lohwɛ̀ à mà rzekeya aŋga nanù hwatò hwa hwɛ ehve-ehve.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

Hibrù 4:11

Ò èŋgànɛ̀lɛ̀ inyɛ i gbeye nanù ema, irzɔ hvɛ jò ò kpèeyà èŋge èki yà lì arzìyolɛ, aŋga nanù tɔ̀ mɔ̀kɔ wa arzu a rza o hvònda o lì kpèeyà aŋga. I rzi nɔ̀ŋgɔ̀ màtaŋgà mà hwatò ema hwa rzi hwɛ lì gbeyà na oma Lohwɛ̀ à mà ohwe nanù ema hwa gbeye.

2 Pètrò 1:10

O eŋgànɛ̀lɛ̀ rzɔ wònyànyàŋgo hwa ami kòkò, e keke o lì uŋmɛ̀lɛ̀ nanù ema Lohwɛ̀ ndi à e hwɛlɛ ndeŋgànɛlɛ mɔ̀ ndi à e hvɔ̀rzì o lì hwɛ hwatò hwa eni. Nà ohwa ndi nanù ehwànja e gbèyi tɛ nanù, e rza unda o tenì ya wòhwe.