Lukàrzɛ̀ 13:16 - Mokpwe: Bakwery (New Testament)

¹⁶ Ònò mòlanà à hwèlì ndì e ŋmanà wa ama Abràhamù, Mòkarzɛ̀ à mò kaki nà e nyàmbɛ ò lìnì lìyòmɛ̀ la meya nà wàmbì. Inyɔ è nò òhweyà ŋgà e hwèlì wòhwe lì rzòlòwà ònò mòlanà ò wùnyà wò lì arzìyòlɛ̀ e?”

Lukàrzɛ̀ 13:16 Mawu Ofanana

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Makòrzì 2:27

O lìrzukù Yerzù rziì a hwa òhweyà nanù ema, “Lohwɛ̀ à mà lòma lì weka è mòtò, ndèŋgàna a ika menya mò lì Arzìyòlɛ̀. À rzi lòmè lì ika Wùùnyà wò lì Arzìyòlɛ̀ ndèŋgànà a e weka è mòtò.

Lukàrzɛ̀ 16:24

Èŋge èhwàŋgì ya mòtò rzìi e tɛɛ nanù èma, ‘Ìi tatà Abràhamù, ò nò òkeya ììlì. Oma Làrzàlɔ̀tì ema a tɔ̀tè wòrzò wò jɔ̀nɔ ja eni ò màlìhwa a nò tɔ̀lɛ è mɔ̀ ò jɛ̀ɛ̀mɛ̀ ja amì ò lì nò yɔlɛ̀, èhwanja nà hweyà wɔ̀ɔ̀kì rzayì-rzayì ò tènì yà mònò mùnya.’

Lukàrzɛ̀ 19:9

Yerzù rzìi a mò òhweyà nanù ema, “O yàwònò, lìrzùŋgàhwa lì ma kpèeyà ò tenì yà ène ndawò. Ònò mòtò mɔ̀ hvɛ à hwèlì ndi ò mòtende mò ama Abràhamù.

Lukàrzɛ̀ 3:8

Inyɔ e ɛndɛ e gbèèye hweyà ema hwe uŋmɛ̀lɛ̀ nanù ema e ma rzɔnjɛ̀lɛ̀ wòhwe wò anyu, rzèketɛ ò lì òhwà ò mèèmà me anyu nanù ema, ‘Ì hwèlì ndi hwàànà hwà mà Abràhamù, ò eŋgànɛ̀lɛ̀ ì rza tànɛ̀yi lì kɔ̀kìrzɛ̀hwɛ.’ Ndi nà è òhweyà ema Lohwɛ̀ à tanɛyi lì gbeyàna manù màŋyàyi ò lì ma gbeyà emà mà hwɛ hwàanà hwa ama Abràhamù.

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

2 Tìmotì 2:26

Ène e hwa gbeyà hwa jà o mahwiye ma awu, rzìi hwa anjiya o ŋgùndèli ya ama mòkarzɛ̀. Mòkarzɛ̀ à mà màa lì hwa lɛmbɛ na lì hwa lukɛlɛ o lì gbeyà mamɛ ema mɔ̀ à arza nanù ema hwa gbeye.