Lukàrzɛ̀ 13:14 - Mokpwe: Bakwery (New Testament)

¹⁴ È mòkànèlì wà èŋge ndawò ya màkanɛ̀ yà wònyà Yudà à mà tàta èhwanja Yerzù à mà wɔ̀wìrzɛ̀ òŋgò mòlanà ò Wùnya wò lì Arzìyòlɛ̀. Rzìi à òhweyà hwatò nanù ema, “O hwèlì mèenyà mòtòhwa me èwòlò. È arza tɛ lì wɔ̀wìrzɛ̀hwɛ e je ndi mèŋge menya, rzeketɛ ò Wùnya wò lì Arzìyòlɛ̀.”

Lukàrzɛ̀ 13:14 Mawu Ofanana

Matiyò 12:2

Nà òma Ihvàlìrzàyì i ma ɛnɛ mamɛ ema hwa ma gbèye rzìi hwa òhwàna Yerzù nanù ema, “Ɔ̀ŋgɔ tɛ, Hwà-òkòwèlì hwa aŋgɔ̀ hwa gbeyà mamɛ ema e mbenda e rza ŋgbelɛ wònja ò lì gbeyà ò wùnyà wò lì Àrzìyòlɛ̀!”

Makòrzì 5:22

Mòtìmbèlì mɔ̀kɔ wa è ndawò ya màkanɛ̀ yà wònyà Yudà ema à mà hwɛ̀lɛ̀hwɛ̀ Jàrìyɔ̀rzɛ̀, rzi a ja aŋga òma. A ɛnɛ Yerzù rzi a ɛ̀ndɛ a kpa ò mataŋgà mà eni.

Lukàrzɛ̀ 6:11

Ihvàlìrzàyì nà Hwà-òkòlèlì hwà mbenda hwa mà ònda nà hwètàtò rzìi hwa òhwanɛ̀lɛ mɔ̀kɔ nà ɔ̀nɛ̀yi mamɛ hwa tànɛyi lì gbeyàna Yerzù.

Lukàrzɛ̀ 6:7

Ihvàlìrzàyì nà hwà-òkòlèlì hwà mbenda, hwa mà hwɛ ndi lì ɔŋgɔ̀ Yerzù lòŋgòlòŋgò, ò lì àrza lì mò rzɔ̀ɔ njɔ̀mì ò lì mò hvòmɛ̀nɛ̀. O lì ɔŋgɔ̀ ŋgà mɔ̀ à wɔ̀wìrzɛ̀ òŋgò mòtò ò Wùnyà wò lì Arzìyòlɛ̀.

Lukàrzɛ̀ 8:41

Mòtò mɔ̀kɔ ema hwa mà hwɛlɛ Jàrìyɔ̀rzɛ̀, à mà mò jèeya. Jàrìyɔ̀rzɛ̀ à mà hwɛ ndi mòkànèlì mɔ̀kɔ wà è ndawò yà màkanɛ̀. À mà kpèeyà Yerzù ò màtàŋgà, rzìi a mò atɛkɛ ema a jèe ò ndawò yà èni. À mà atɛkɛ Yerzù nanù,

Hwègbèèlì 13:15

Wɔ̀ hwà mà hweyà na òma hwà mà làŋge hwèhvàrzù hwe e kààtì ya mbenda ya ama Mòrzè na e kààtì ya hwetilelì ya hwà-òhwèlì hwa hwèlìŋgɛ̀, ò mburza hwene hwèlàŋgèlì, hwatimbelì hwa e ndawò ya màkanɛ̀ yà wònyà Yudà hwà mà òmeya Pàwolò na Bànàbàrzì ŋmɛ̀ndì nanù ema, “Wònyàmòwe, e òhvi tɛ ŋmɛ̀ndì ò lì ètìrzɛ̀ hwatò, i rzòrzòmelì e jèe e jò òhweyà.”

Hwègbèèlì 18:17

Wɔ̀ hwa arzɛ hwà mà hvùma Rzɔ̀rztenìrzì ema mɔ̀ ndi à mà hwɛ e mòtimbèlì wa e ndawò ya màkanɛ̀ ya wònyà Yudà, rzìi hwa mò anana njùma ò wòrzò wò èŋge ndawò ya hwèkàyìrzèlì. Ndi èŋge eyà e rzi tàkirzɛ Galìyò tɔ̀ tenyi.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Ròmànì 10:2

Nà hwa tɛ̀mèlì mbòŋgi nanù ema wɔ̀ hwa hwɛni ekɔ̀njì ò ma Lohwɛ̀. Ndi wɔ̀ hwa rza rzɔ̀ŋgìtɛ̀nɛ̀ nɛ wɔ̀ hwa hwɛni lì hwɛnɛ èkɔ̀njì na mɔ̀.