Lukàrzɛ̀ 13:11 - Mokpwe: Bakwery (New Testament)

¹¹ O mà hwɛ mòlanà mɔ̀kɔ aŋga à ma hwɛnɛ èlìŋgɛ̀ ya wòhwe, è ma mò hwɛ ò nyò lìyòmɛ̀ la meya nà wàmbì, e mà gbeyà è mburzà yà èni è mà nùnàmà nyayi ema a rzi tanɛ lì tɛ̀nɛ̀nɛ̀.

Lukàrzɛ̀ 13:11 Mawu Ofanana

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Makòrzì 9:21

Yerzù rzìi a ijòwa òŋgò ŋmanà wà mùnyanà rzàŋgò wà èni nanù ema, “Ima hvòkà yà hvònda ema mɔ̀ à mà take nanù e?” Rzìi à mò alàhwɛ̀ nanù ema, “Lìwòteyà a mà hwɛ jùma ŋmanà.

Lukàrzɛ̀ 13:12

È hvònda ema Yerzù a mà mò ɛnɛ, rzi a mò hwɛlɛ, rzì a mò òhwàna nanù ema, “Nyàŋgò kòkò è nyàmbɛ yà aŋgɔ̀ ema ò òka ema kùwà.”

Lukàrzɛ̀ 13:16

Ònò mòlanà à hwèlì ndì e ŋmanà wa ama Abràhamù, Mòkarzɛ̀ à mò kaki nà e nyàmbɛ ò lìnì lìyòmɛ̀ la meya nà wàmbì. Inyɔ è nò òhweyà ŋgà e hwèlì wòhwe lì rzòlòwà ònò mòlanà ò wùnyà wò lì arzìyòlɛ̀ e?”

Lukàrzɛ̀ 21:28

È hvònda ema hwenè hweyà hwe àrzɛ hwe wòteyà lì gbèyɛnɛ, e ò tɛ̀mɛ̀ ndi ò lì ɔŋgɔ̀ ò ŋmanyu. Èhwanja e hvònda ya lì kɔ̀tɔ̀wɔ̀ la anyu lì ma kòmbɛ̀nɛ̀.”

Lukàrzɛ̀ 8:2

Lòŋgò la hwalanà ema hwà mà òhva hwèlìŋgɛ̀ hwe wòhwe, nà hwanɛ̀yi ema hwà mà òhva mehvɛhvɛ mèrziyò, ema mɔ̀ à mà wɔ̀wìrzɛ̀, wɔ̀ hvɛ hwa mà hwɛ nà mɔ̀. Hwanù hwalanà hwa mà hwɛ ndi, Màlìyɛ̀ ema à mà hwɛ̀lɛ̀hwɛ̀ Màdalenà, ema Yerzù a mà hvaye hwèlìŋgɛ̀ lìrzàmba hwe wòhwe ò nyò yà èni,

Lukàrzɛ̀ 8:27

Nà òmà Yerzù a mà ùke ò rzààwà yà èŋge yùlù, à mà tàneyà mòtò ema à ma òhva hwèlìŋgɛ̀ hwe wòhwe. O mà hwɛ hvònda ema è wàwi e ma ònò mòtò a rzi hwɛ lì wɔ̀tɔ̀ tɔ̀ mààtù. À rzi hwɛ lì lìya hvɛ tɔ̀ ò ndawò. À mà hwɛ ndi lì lìya ò mòònda mò rzɔ̀ŋgɔ̀.

Lukàrzɛ̀ 8:43

Mòlanà mɔ̀kɔ à ma hwɛ aŋga, ema à ma hwɛ lì wurzà màyija ò nyò yà èni yà mòlanà lìyòmɛ̀ la meya nà mehwàkɛ. Ònò mòlanà tɔ̀ mòtò tɔ̀ mɔ̀kɔ à rzi tanɛ̀ lì mò wɔ̀wìrzɛ̀.

Hwègbèèlì 3:2

Nàŋgɛ rzɔ munyanà mɔ̀kɔ à mà hwɛ ò hwèkpèèlì hwe lìyòhva la kɔ̀tɔ hwe e ndawò yà Lohwà. Liŋgi lìyòhva la kɔ̀tɔ lì ma hwɛ̀lɛ̀hwɛ̀ ndi nanù ema, Liyòhva la Mòlòŋgà. Oŋgò mòtò à mà ŋyahwa ndi mbòkò. Hwà mà hwɛ lì mò hwanɛ wùnyà tɛ, rzìi hwa mò ika ò lìŋgi lìyòhva la kɔ̀tɔ̀ ò lì ɔmbɔ wòlì ò hwatò ema hwà mà hwɛ lì kpèeyà ò ndawò yà Lohwà.

Hwègbèèlì 4:22

Oŋgò mòtò ema mànyakà mà hweyà ma mà wɔ̀wìrzɛ̀ à mà aka mènìmenì me meya.