Lukàrzɛ̀ 12:58 - Mokpwe: Bakwery (New Testament)

⁵⁸ Mòtò à ò ɛ̀ndɛ̀nɛ̀ tɛ ò hwèkàyìrzèlì, kèka natɛ̀ɛ ya arzèèlɛ inyɔ hwìti. È rza rzèèlì tɛ à ò ɛ̀ndɛ̀nɛ̀ ò ndawò yà hwèkàyìrzèlì, e ndawò yà hwèkàyìrzèlì yɔ hvɛ è ò akɛ̀lɛ̀lɛ̀ ìpòlìrzì rzi ipòlìrzì jɔ hvɛ jò ò aŋgɛ ò hwèwòwà.

Lukàrzɛ̀ 12:58 Mawu Ofanana

Matiyò 18:30

Ndi a rzìi mò làkìrzɛ̀. Mɔ̀ a ɛndɛ ndi lì mò aŋgɛ ò hwèwòwà ò lì hwɛ aŋga natɛ̀ɛ a mò taŋgeya lìyɛmɛ la eni la arzɛ ndèŋgànà a e mò hwɛmɛ.

2 Kɔ̀rintìyà 6:2

Lohwɛ̀ a ohwi na oma e tìlahwì nanù ema, “Nà oma e hvonda ya jɔ̀kɛ̀ e ma uke, nà mà hweyà eyà ema e mo òhwe. Wùùnyà wo lìrzùŋgàhwa wo ma uke, nà mà e òŋgòwàna.” È ɔ̀ŋgɔ tɛ nàŋgɛ ndi e hwèlì e hvonda ya jɔ̀kɛ̀ ema e hwɛni o lì luwa e ndèli ya ama Lohwɛ̀. È ɔ̀ŋgɔ tɛ wùnyà wo ma uka ema e hwɛni lì kɔtɔ̀wɔ.

1 Pètrò 3:19

Èŋge èlìŋgɛ̀ ndi mɔ̀ à mà ɛ̀ndɛ̀nɛ̀ o hwèwòwà o lì ɛndɛ lì ohweyà hwèlìŋgɛ̀ eyà ya Lohwà.

2 Pètrò 1:15

Nà atàkìrzɛ o lì e ohweyà hwene hweyà, aŋga nanù tɔ̀ na ŋwa ndi lì ŋwa e hwe ɔ̀ŋgɛ̀lɛ̀ ihvonda ja arzɛ.

Judɛ 1:3

Imbùnda jà ami kòkò, nà hwèlì nà atàkìrzɛ̀ ò lì è tìleyà lì hvomɛ̀nɛ̀ lì rzùŋgàhwà ema Lohwɛ̀ à mà jò ŋgbɛ ò lì akeyà nà Yerzù Krirztò. Ndi o nàŋgɛ, na ɛnɛ nanù ema o lɔ̀wu nanù ema na e tìleya o lì hvomɛ̀nɛ̀ hwehvɛhvɛ hweyà. Nà e kɔ̀mɛ̀lɛ̀ nanù ema, e a alɛ̀mbɛ̀nɛ na ŋginyà e jɔ̀kɛ̀ ya ŋmɛ̀ndì mò gbamù. Mono ŋmɛ̀ndì mò gbamù mo rza àyèŋgòwɛ̀. Lohwɛ̀ à mà mo ŋgba hwatò hwa eni ŋgelì hvɔ̀kɔ o iŋgèlì ja arzɛ.

Hwèwulùwèlì 20:7

È hvonda ema iŋgi ikolì ja meya ja o aka, hwa o rzolowa Mòkarzɛ̀ o hwèwòwà.