Lukàrzɛ̀ 12:57 - Mokpwe: Bakwery (New Testament)

⁵⁷ “Mamɛ ndeŋgàtɛ è rza tanɛ̀yi lì akàyìrzɛ inyɔ hwìti ema eyà ya gbamù enè ò lì gbeyà e?

Lukàrzɛ̀ 12:57 Mawu Ofanana

Matiyò 21:21

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, e òhvi tɛ lì lòkɛ̀ rzi e rzi tame, inyɔ hvɛ e tànɛyi lì gbeyà mamɛ ema na gbeyànì wònò gbee. Rzeke hvɛ tɔ̀ ene mɛnɛ, e tànɛyi hvɛ lì òhweyà ene hvàko nanù ema, ‘Anjiya anu òma, ò ɛndɛ ò ahvimbɛ ò wà witi ò tenì ya ŋmànja’ e gbèyɛ̀nɛ nanù.

Matiyò 21:32

Nà òhwa ene eyà nanù èhwanja Yòwanìrzɛ̀ e Mòlùhwìrzèlì à mà jà, ò lì e uŋmɛ̀lɛ̀ e njiya ema e enyòhwɛnɛ, ndi inyɔ e rzi mò lòkɛ̀. Ndi hwarzaŋgelì hwa e njàŋge ya lìkànèyà na hwàalanà hwa àkpàlà hwà mà mò lòkɛ̀. Tɔ̀ na òma inyɔ e ma ɛnɛ ene eyà, inyɔ e rzi aŋgòwɛ ò wòhwe wò anyu ndèŋgànà e rzi mò lòkɛ̀.”

Lukàrzɛ̀ 21:30

È ɛni tɛ yɔ̀ ndì e kɛkɛ̀ hwèyalì, e hwiyè ema màyelì ma mà kòmbɛ̀nɛ̀.

Yòwanìrzɛ̀ 7:24

È rzìi kàyìrzɛ̀ tɔ̀ mamɛ ema na gbeyà na òma e ɛni, ndi e kàyìrzɛ̀ na òma e arzahwɛlɛ.”

Hwègbèèlì 2:40

Pètrò à mà hwa kòkòwɛ̀lɛ̀ na lì hwa òhweyà ihvɛhvɛ nyayi na nyayi ja hweyà. A ma hwa atɛkɛ nanù ema, “Tɔ̀ ima mòtò arzùŋgɛ̀ lòŋgɛ la eni. È rza enje tɛ nanù Lohwɛ̀ a e kɔ̀kìrzɛ̀ ŋgàna hvɔ̀kɔ na òma a ò kɔ̀kìrzɛ̀ ene nyɔ̀ŋgɔ̀nì ya wòhwe.”

1 Kɔ̀rintìyà 11:13

Inyɔ hwiti e lùtèyà ene eyà kɔ̀yi-kɔ̀yi, o lɔ̀wu nanù ema mòtò wa molanà a kànɛ̀ Lohwɛ̀ o èki ya lì arzàŋganɛ la hwatò hwa Lohwɛ̀, e rzi hwɛ lì kumɛnɛ moòhvo mo eni e?

1 Kɔ̀rintìyà 11:14

È ŋgàna ema Lohwɛ̀ a jo wèki, e uŋmɛ̀lɛ̀ nanù ema e hwèlì ndi erzàmbo e hwèlì tɛ̀ nanù ema mòtò wa mùnyanà a ohvi lìhvùmbù la mohvo lì kɔ̀lì, kɔ̀lɔ̀lɔ̀lɔ̀?