Lukàrzɛ̀ 12:48 - Mokpwe: Bakwery (New Testament)

⁴⁸ Ndi è mògbèèlì ema à rza hwiyɛ̀ hwètɛ̀yìrzèlì hwe èwòlò ya ama rzàŋgɛ wa èwòlò, rzìi a gbeyà lì tònà lì rzàlì à tiyàhwà ndi tèŋyi. Òŋgò ema a ŋgbàahwi rzayì-rzayì, à àrzàhwɛ̀nɛ̀ hvɛ rzayì-rzayì. Ò òŋgò hvɛ ema a ŋgbàahwi njòwà rzòwà, a arzahwɛnɛ hvɛ njòwà rzòwa.

Lukàrzɛ̀ 12:48 Mawu Ofanana

Matiyò 13:12

È mɔ̀ ema a òhvi lì rzɔ̀ŋgìtɛ̀nɛ̀ ò e wùndɛ̀ ya Lìkànèyà là ama Lohwɛ̀, Lohwɛ̀ à mò ŋgbà lì rzɔ̀ŋgìtɛ̀nɛ̀ lì kòki. Ndi è mɔ̀ ema a rza òhvɛ, Lohwɛ̀ à mò wòwànà tɔ̀ è ŋmanà lì rzɔ̀ŋgìtɛ̀nɛ̀ ema a òhvì.

Lukàrzɛ̀ 12:41

Pètrò rzìi a mò ijòwa nanù ema, “Ìi Rzàŋgò, irzɔ ndi ò kpɛɛlì mònò ŋmàna ŋgà ò mò kpɛɛlì ndi hwànɛ̀yi hwatò hwa arzɛ e?”

Lukàrzɛ̀ 12:49

“Nà jelì ndi lì kɛkɛ mùnya ò rze, nà lìŋgàni hvɛ nanù ema mò mà wòteya lì tuwà.

Lukàrzɛ̀ 16:2

Rzàŋgɛ wà èni wà èwòlò, rzìi a mò hwɛlɛ, rzìi a mò ijòwa nanù ema, ‘Mamɛ enè ema na ò hweyànà nanù e? O nò kɔ̀keyà kɔ̀yi-kɔ̀yi nɛ ò gbeyànà lìrzàŋgò la amì. Ò rza tanɛ̀ lì kànèyà erzàŋgò ya amì hvɛ.’

Yòwanìrzɛ̀ 15:22

Oma hwa rza tuhwi ò wòhwe wò awu imba na rzi je tɛ lì hwa òhweyà hwene hweyà. O nàŋgɛ nanù, hwa rza òhvi tɔ̀ lìtìŋga ò melàkìrzɛ̀nɛ me wòhwe wò awu.

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

1 Tìmotì 1:11

Hwene hwèyòkòlèlì hwe jɔ̀kɛ̀, hwe làti na ŋmɛ̀ndì mò gbamù ema Lohwɛ̀ a no ŋgbelì o lì ohweyà hwatò. Moŋgo ŋmɛ̀ndì mò gbamù mo uwɛ̀lɛ̀lɛ̀yi ndi o ma Lohwɛ̀ ema lì karzami ema hwatò hwa eka.

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.

1 Tìmotì 6:20

Ìi Tìmòtì, o keke o ɛnɛ nanù ema o gbèyi èwòlò gbamù ema Lohwɛ̀ a o rzekelì nanù ema o gbeye. O rzi hwɛnɛ hvonda na hweyà ema hwatò hwa ohwa ema hwe rza oŋgowàna o lì lòkɛ̀ Lohwɛ̀. O rzi hwɛnɛ hvɛ hvonda na mamɛ loŋgo la hwatò hwa ohwa nanù ema eyà yɔ̀kɔ e hwèlì jɔ̀kɛ̀, ndèŋgàna hwahvɛhvɛ hwatò hwa ohwa nanù ema ehvɛhvɛ eyà ndi e hwèlì e jɔ̀kɛ̀. Ndi wɔ̀ hwa arzɛ hwà mà gbeyà lùurzè na oma hwa ohwi nanù ema, “Imba ndi na hwèlì e mòtò ema a hwi.”

Tàyìtùrzì 1:3

È hvonda ema Lohwɛ̀ à mà ɛnɛ nanù ema e hvomɛ̀nɛ̀, à mà gbeyà hwatò ò lì hwiya ŋmɛ̀ndì mò eni. Lohwɛ̀ à mà no ŋgba moŋgo ŋmɛ̀ndì o màà mà ami, ndeŋgànɛlɛ nà hwèlì nà mò ohwa nà e wònja ema Lohwɛ̀ e Mòrzùŋgèlì hwa arzu a no ŋgbelì.

Jèmìrzì 3:1

Wònyànyàŋgo wa ami kòkò! Rzayi-rzayi ja anyu e rza hwɛni ndi lì hwɛ hwà-òkòlèlì hwa eyà ya ama Lohwɛ̀, e hwɛni lì hwiya nanù ema, irzɔ hwà-òkòlèlì i hwɛni lì kàyìrzɛ̀hwɛ kɔ̀yi-kɔ̀yi lì aka hwanɛyi hwatò.