Lukàrzɛ̀ 12:45 - Mokpwe: Bakwery (New Testament)

⁴⁵ “È hwèlì tɛ ema òŋgò mògbèèlì à hwèlì ndi e mògbèèlì wa wòhwe rzìi a òhwa ò ŋmèma mò eni nanù ema, ‘Rzàŋgò wà èni wa èwòlò a ò kùwa mbɔ̀ ò lì jà.’ Rzìi à wòteyà ndi lì tiyà hwanɛ̀yi hwàgbèèlì, hwa wùnyànà nà hwalanà ema hwa hwèlì ò rze ya eni, rzìi a à làa mòlelì, a nyɔ mimba rzi a wòmà.

Lukàrzɛ̀ 12:45 Mawu Ofanana

Matiyò 22:6

Hwanɛyi hwatò hvɛ ema hwà mà yòhwɛhwɛ, hwà mà lɛmbɛ hwaŋga hwàgbèèlì hwa ama eŋge kiŋgɛ. Hwa hwà gbiyɛ hvònji natɛ̀ɛ hwa hwà òŋwa.

Lukàrzɛ̀ 12:44

Nà è òhweyà è jɔ̀kɛ̀ ema e rzàŋgò yà òŋgò mògbèèlì à lìyà erzàŋgò ya eni ya arzɛ ò màà mà eni ò lì e kànèyà.

Lukàrzɛ̀ 12:46

Òŋgò mògbèèlì, rzàŋgò wà èni wa èwòlò à tìmbà ò wùnyà ema a rza mò àhvìtɛ̀, nà ò lìrzàkò ema a rzà hwiya. A mò hvaka ò ewòka rzi hwa mò ŋgba e kɔ̀kìrzɛ̀ ema e imbami na hwaŋga hwatò ema hwa hwèlì maniya.

Lukàrzɛ̀ 21:34

“È aŋgòwè nanù ema è rza hvàŋga e hvònda ya anyu rzayi-rzayi ò lì làa la mòlèlì na ò lì nyɔ la mimba. È rzì àkàyìrzɛ̀ hvɛ nà lìnì lòŋgɛ la nàŋgɛ. È gbeyi tɛ nanù, wòŋgò wùnyà wò è ùŋmanɛlɛ nàa ŋgùndèli.

Yòwanìrzɛ̀ 2:10

rzìi a mò òhweyà nanù ema, “Tɔ̀ ima mòtò a lòma ndi lì akɛlɛ hwàyɛ̀nì hwa eni mììmbà ma gbamù. Hwatò hwà mà nyɔ tɛ rzayi-rzayi, rzìi a wurzirzɛ e mɔ̀ ema mà rza lɔ̀. Ndi ò wa ò uti mììmbà ma gbamù natɛ̀ɛ na nàŋgɛ.”

Hwègbèèlì 2:18

Nànù mɛnɛ ndi imba na gbèyà. O mèŋge mèenyà mɛnɛ, na òma èlìŋgɛ̀ ya ami ya Wòtani e ò rzihweyà hwàgbèèlì hwa ami, hwa wunyanà na hwalana, ndèŋgàna wɔ̀ hwa ò òhwa hweyà ema hwe uwɛ̀lɛ̀lɛ̀yi ò mba ami ndèŋgànà hwa ò òhwa hvɛ hweyà ema hwe ò gbeeyɛnɛ ò e hvònda ema e ò jɛ̀ɛ̀ ò wòrzò.

Ròmànì 16:18

È rzi keka lì hwa òŋgama èhwanja hwa rza gbèeyà ndi e Rzàŋgò ya arzu Krirztò, ndi hwa gbèeyà ndi nanù ò lì òndìrzɛ̀ e nyɔ̀ŋgi ya awu. Hwa gbeyàna e mbɔrzi ya awu ya gbamù na jòòhwì ja gbamù ò lì lukɛlɛ hwatò ema hwa rza rzɔ̀ŋgɔ lì rzɔ̀ŋgìtɛ̀nɛ̀.

2 Kɔ̀rintìyà 11:20

Tɔ̀ e hwɛ nanù ema mòtò a e timbirzɛ tɛ ndi nàa mòkòme, tɔ̀ e hwɛ ndi ema a e laanà, tɔ̀ e hwɛ ndi ema a e ɔnjɔ, tɔ̀ e hwɛ ndi ema a e ndinda, tɔ̀ e hwɛ ndi nanù ema a e rzamì lùumbɛ̀ o worzo, e mo emeyà.

1 Tɛ̀rzàlonìyà 5:7

Wùùwù ndi hwatò hwa nàŋga, ndèŋgànɛ̀lɛ̀ hwatò hvɛ ema hwa wòmà mììmba, wùùwù ndi hwa nyɔ̀ɔ̀ mììmba rzìi mà hwa womìrzɛ.

2 Pètrò 2:13

Lohwɛ̀ à ò gbeyà nanù ema hwa tàke rzayi-rzayi ehwànja wɔ̀ hvɛ hwa mà tàkìrzɛ̀ hwahvɛhvɛ hwatò. Wɔ̀ hwa lìŋgàni o lì ujìrzɛ̀ e nyɔ̀ŋgi ya e nyàma nyo. Ndeŋgànɛ̀lɛ̀ wɔ̀ hwa rza oka tɔ̀ irzɔ̀ni o lì gbeyà hweŋge hweyà tɔ̀ o ŋmèrze mo wùnyà. Hwa hwèya gbamù o lì gbeyà hweŋge hweyà e hwèlì tɛ nanù ema hwa hwèlì lì laa na inyɔ èki yɔ̀kɔ. O eŋgànɛ̀lɛ̀ rzɔ, hwà mà hvàŋga lìinà la anyu na lì e jàneya irzɔ̀ni.

2 Pètrò 2:19

Wɔ̀ hwa ohweyà hwatò nanù ema hwa oŋgami tɛ hwèyòkòlèlì hwe awu, hwa gbeyà tɔ̀ mamɛ ema hwa arza lì gbeyà, ema tɔ̀ wɔ̀ hwitɛ-hwitɛ wòhwe wò hwa lìŋgi nà è ŋgɔ̀kɔ̀hwi. Wòhwe wò hwa lìŋgi ehwànja tɔ̀ mamɛ ema è kànèyà mòtò, oŋgo mòtò à hwɛ ndi mòkòmì ò rze yà eŋge yòma.

Hwèwulùwèlì 16:6

È mbako ya aŋgɔ e hvomɛ̀nɛ̀ ehwànja, wɔ̀ hwa mà koma màyija ma ama hwatò na hwà-òhwèlì hwa hwèlìŋgɛ̀ hwa aŋgɔ. O eŋgànɛlɛ o ma hwa ŋgba màyija o lì nyɔ. È kɔ̀kìrzɛ̀ ene ema wɔ̀ hwa àŋgàmɛ̀nɛ̀yi lì luwa.”

Hwèwulùwèlì 18:24

Lohwɛ̀ à mà kɔ̀kìrzɛ̀ Babìlɔ̀nì ehwànja, hwatò hwa Babìlɔ̀nì hwà mà oŋwa hwà-òhwèlì hwa hwèlìŋgɛ̀, hwatò hwa wòtani hwa ama Lohwɛ̀ na hwahvɛhvɛ hwatò ema hwà mà ŋwɛ o e rze ya mɔ̀nyɛ̀.