Lukàrzɛ̀ 12:42 - Mokpwe: Bakwery (New Testament)

⁴² Rzàŋgò rzìi a alàhwɛ̀ nanù ema, “O èŋgànɛ̀lɛ̀ tɔ̀ ima mɔ̀ wa anyu à hwɛ ndi nàa mògbèèlì ema à òhvi lìhwiyè, rzìi a gbeyà mamɛ rzàŋgò wà enì wà èwòlò a òhwì ema a gbèyè. A hwèlì ndi è mògbèèlì ema rzàŋgò wa eni wa èwòlò a ŋgbèlì è wònjà lì kànèyà hwanɛ̀yi hwàgbèèlì, nà lì ɛnɛ nanù ema, tɔ̀ ima mɔ̀ wa awu a luwe e mò eni mòlelì na òma a hwɛnì lì lùwa.

Lukàrzɛ̀ 12:42 Mawu Ofanana

Matiyò 13:52

O èŋgànɛ̀lɛ̀ à mà hwa timbirzɛlɛlɛ ama, “Mòòkòlèlì hwa mbenda ema à mà jɛ̀ɛ̀ ò lì hwɛ mòòkòwèlì wa lìkànèyà la ama Lohwɛ̀, a hwèlì ndi nàa e mòhwɛnɛ wa ndawò ema a ulɛ hwema hwehvènya na e hwe mbòlòwa ò tùu ya eni ya lùùtà.”

Matiyò 20:8

“Ehvonda ya e ŋgòmbe ya Lohwà, e mòhwɛnɛ wa hvaya à mà òhweyà e mòkànèlì wa hwàgbèèlì hwa e hvaya ya eni nanù ema, ‘Rzaŋga hwàgbèèlì ò hwa rzaweya mòrzawelì me awu. O wòteyà ndi na hwatò ema hwa rzukanelì ò lì jà, rzi ò à agba natɛ̀ɛ nà e wɔ̀ ema hwa lòmeyayi lì jà.’

Lukàrzɛ̀ 12:43

Mònàmɛ̀ mò hwɛ nà òŋgò mògbèèlì ema rzàŋgɛ wà èni wà èwòlò a tìmbi tɛ, rzìi a mò ùŋma à gbeyà mamɛ a mà mò òhweyà ema a gbèyè.

Lukàrzɛ̀ 7:13

Nà òmà Yerzù a mà ɛ̀nɛ mòŋgò mòkurze mò mòlanà, à mà mò òkeyà ììlì, rzìi a mò òhweyà nanù ema, “Ò rza eyà hvɛ!”

Lukàrzɛ̀ 7:19

À mà hwa òma ema hwa ɛ̀ndɛ̀ hwa ijòwè Yerzù nanù ema, “O wa ndi ò hwèlì è mɔ̀ ema Lohwɛ̀ à mà òhwe ema a òma, ŋgà ja ambɛ̀lɛ ò hvɛhvɛ e?”

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

1 Tìmotì 3:15

Nà e tìleya hwene hweyà ema e hwɛyi o lì hwe gbèeyà aŋga nanù na rza akɛlɛ tɛ lì jà, e hwɛni lì hwiya ɛ̀ɛ̀mɛ̀ ema hwatò hwa Lohwà hwa àŋgàmɛ̀nɛ̀yi lì hwɛnɛ. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ ndi à hwa ɔŋgeya. Hwatò hwa Lohwà wɔ̀ ndi hwa hwèlì ŋmèmba mo ama Lohwɛ̀ ndèŋgàna Lohwɛ̀ a hwèlì lòŋgɛ. Moŋgo ŋmèmba mo hwèlì ndi nàa lìwondi na ɛ̀ɛkɛ̀ ema hwe rzulɛ gbamù eyà ya Lohwà.

1 Tìmotì 5:17

Hwambaki hwa ŋmèmba ema hwa timba ŋmèmba gbamù hwa àŋgàmɛ̀nɛ̀yi lì ŋgbààhwà èluhwe na mòrzawèlì. Rzɛhvɔ̀ni hwaŋga ema hwà mà ŋgbahwɛ èwòlò ya lì ohwa na lì okolɛ ŋmɛ̀ndì mo ama Lohwɛ̀.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Tàyìtùrzì 1:7

Kànàtɛ e mòtimbèlì wa ŋmèmba ndi à kànèyà ewòlo ya ama Lohwɛ̀, a àŋgàmɛ̀nɛ̀yi ndi lì hwɛ mòtò ema a rza ohvɛ tɔ̀ njɔ̀mi. A àŋgàmɛ̀nɛ̀ ndi lì hwɛ mòtò ema a rza enje lìhvàma, na mòtò ema a ambi lì tata. A rza àŋgàmɛ̀nɛ̀ lì hwɛ mòtò ema a aŋgbɛ mɔ̀ ŋmìti o lì nyɔ la mimba, tɔ̀ mòtò ema a jànà mòhvùŋgu. Ndèŋgànɛ̀lɛ̀ a rza àŋgàmɛ̀nɛ̀ lì hwɛ njɔ̀ŋgu.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

Hibrù 13:7

È ɔ̀ŋgɛ̀lɛ̀ hwàtimbèlì hwa anyu hwa kòhwà ema hwa mà e ohweyà Eyà ya Lohwà è ɔ̀ŋgɛ̀lɛ̀ nà oma hwà mà lìya mòŋgɛ ma awu, e hwa nɔŋge matàŋgà mà awu ndeŋgànɛ̀lɛ̀ e lòkɛ̀ na oma wɔ̀ hvɛ hwà mà lòkɛ̀.

Hibrù 3:5

Morzè à mà hwɛ ndi e mògbèèlì o e ndawò yà Lohwà ema à mà hwɛ lì gbèeyà Lohwɛ̀ na ŋmèma mɔ̀kɔ. A ma uŋmɛ̀lɛ̀ mamɛ ema Lohwɛ̀ a o gbèeyɛ o e hvonda ema e o jɛ̀ɛ̀.

1 Pètrò 4:10

È hwɛ hwàgbèèlì hwa gbamù ndèŋgànɛ̀lɛ̀ e gbeyàne màahweyà ma anyu o lì oŋgowàna mɔ̀kɔ na ɔ̀nɛyi.