Lukàrzɛ̀ 12:36 - Mokpwe: Bakwery (New Testament)

³⁶ nàa hwakutu ema hwa ambɛlɛlɛ e rzàŋgò ya awu, ema à mà ɛ̀ndɛ ò ndèma yà lìhwa ema à jelì tɛ, rzìi a kùmba lìyòhva, hwa mò lìhvòweyà è lɔ ŋgèlì hvɔ̀kɔ.

Lukàrzɛ̀ 12:36 Mawu Ofanana

Lukàrzɛ̀ 12:35

“È akpàtɛ, hwerzànjà hwe anyu ò màlùhwe, e hvààlɛ̀ hvɛ hwètùlù hwe anyu,

Lukàrzɛ̀ 12:37

Mònàmɛ̀ nà hwaŋga hwàgbèèlì ema rzàŋgò hwà àwu wa èwòlò a ò jà lì ùŋma hwa hwèlì lì mò ambɛ̀lɛ̀lɛ̀. Nà è òhweyà è jɔ̀kɛ̀ ema à gbeyà hwa lìya, rzìi a hwa akɛlɛlɛ mòlelì.

Hwèwulùwèlì 19:7

Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.

Hwèwulùwèlì 3:20

È ɔŋgɔ tɛ. Nà tɛmi o lìyohva la anyu ndèŋgànɛ̀lɛ̀ na hwèlì na lì kumba. Tɔ̀ njɛnɛ ema a hweyi lìlo la ami, rzìi a lìhvowa lìyohva, imba na kpèeyà, ndèŋgànɛ̀lɛ̀ na laa mòlelì na mɔ̀, ndèŋgànɛlɛ mɔ̀ hvɛ a laa mòlelì na imba.