Lukàrzɛ̀ 12:32 - Mokpwe: Bakwery (New Testament)

³² “Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

Lukàrzɛ̀ 12:32 Mawu Ofanana

Matiyò 14:27

Yerzù rzìi à hwa òhweyà lìwòkimɛnɛ nanù ema, “È àyètìrzɛ̀ mèèmà! Imba Yerzù e rzi òka wɔ̀ŋgɔ̀.”

Matiyò 20:16

Yerzù rzìi a umbana mòŋgò ŋmàna ò lì òhwa nanù ema, ‘O èŋgànɛ̀lɛ̀ rzɔ, e mɔ̀ ema a hwèlì ò mburza, mɔ̀ ndi à ò hwɛ ò wòrzò, e mɔ̀ hvɛ ema a hwèlì ò wòrzò mɔ̀ ndi à ò hwɛ ò mburza.’”

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 7:15

“È aŋgòhweya hwà-òhwèlì hwa hwèlìŋgɛ̀ hwa mòlàŋgà. Wɔ̀ hwa ɛnɛ ndi ŋmɛɛ nàa mɛ̀lɛ̀ŋgù, ndi ò tenì yà mèèmà mè awu hwa hwèlì wòhwe nàa njuwɛ.

Lukàrzɛ̀ 10:21

O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

Yòwanìrzɛ̀ 18:36

Yerzù rzi à òhwa nanù ema, “Likànèyà là ami, lì rza enje ò ene rze. Lì mà hwɛ tɛ nanù, òma hwakutu hwa ami, hwa mà ana aŋga nanù o ma hwatò hwa ene rze hwa rzì nò akɛlɛlɛ ò màa mà wònyà Yudà. Ndi ò nàŋgɛ, Likànèyà là ami, lì rza enje là ene rze.”

Hwègbèèlì 20:28

È àwòŋgòhwɛlɛ inyɔ hwiti, na lìhwemba la hwatò ema Èlìŋgɛ̀ yà Wòtani ye e ŋgbelì ò rze ya anyu ò lì ɔŋgeya. È hwɛ nàa hwà-ɔ̀ŋgèlì hwa mɛ̀lɛ̀ŋgù e ɔŋgeya hwatò hwa ama Lohwɛ̀. A ma gbeyà ŋmèmba mò eni ò lì hwɛ e mò eni lì akeyà na e kpelì ema è Ŋmanà wà eni a ŋwelɛlɛyi ò mbarza.

Hwègbèèlì 20:29

Nà hwi nanù ema, imba nà mà ɛndɛ tɛ, hwatò hwa ò e jà ò ìtììtènì ja anyu ŋgànà hvɔ̀kɔ na òma mòkanyi mò njuwɛ mò kpèeyà ò lìhwemba la mbòlì. Ndeŋgànɛ̀lɛ̀ hwa rza o tànɛ lì ɛndɛ ema hwa rza e hvàŋgelɛ̀ ŋmèmba mò anyu.

Ròmànì 6:23

Inyɛ̀ inyɔ e hwiye nanù ema mòrzàhwèlì ema mòtò a luwa ò lì gbeyà wòhwe mò hwèlì ndi e kpelì. Ndi jàhwèyà ema Lohwɛ̀ a ŋgba hwatò ò ŋgundu i hwèlì ndi lòŋgɛ la gbìndèyà. Irzɔ i ma lì luwa èhwanja i hwèlì ndi na Yerzù Krirztò e Rzàŋgò ya arzu.

1 Kɔ̀rintìyà 1:21

Kànatɛ̀ Lohwɛ̀, ò lìhwiyè là eni à mà ɛnɛ nanù ema, hwatò hwa ene rze hwa rza ò tànɛ lì gbeyàna lìhwiyè là awu ò lì mò hwiya, Lohwɛ̀ à lòmi lì kàkɛ̀nɛ̀ nanù ema à rzùŋgà mòŋgɛ mà hwatò ema hwa mò lòkɛ̀, nà oma wɔ̀ hwa hweyà ŋmɛ̀ndì ema jò òhwa lì hvomɛ̀nɛ̀ Krirztò. Tɔ̀ nɛ hwatò ema hwa rza hwiyɛ Lohwɛ̀, hwa ohwa ndi ema ŋmɛ̀ndì mò hwatò hwa èètì ɔ̀ndi irzɔ jò òhwa.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

2 Tɛ̀rzàlonìyà 1:11

Nà oma hwene hweyà hwe arzɛ hwe jò hwèlì ò tenì yà mèèmà mè arzu, ɔ̀ndeŋgàtɛ̀ jè è kànɛlɛlɛ. Ì kanɛ̀ nanù ema, Lòohwà là arzu à è gbèeyà nanù ema è ò tànɛ ò lì lùwa hwèèmà hwe gbamù ema mɔ̀ à arza lì è gbèeyà nà oma mɔ̀ à mà è hvɔ̀rzɛ̀ ò lì hwɛ hwatò hwa eni. Ndèŋgànɛlɛ i kànɛ hvɛ nanù ema, à gbeyàne è ŋginyà yà eni ò lì gbeyà hweyà hwe arzɛ hwe gbamù ema inyɔ è arza, è ò hwe lùwa, ehwànja è lòkɛ̀ Krirztò.

2 Tɛ̀rzàlonìyà 1:5

Hwene hweyà hwe uŋmɛ̀lɛ̀ nanù ema hwèkàyìrzèlì hwe ama Lohwɛ̀ hwe tɛmi ehve-ehve. Ò eŋgànɛ̀lɛ nàa è mbàko rzɔ, Lohwɛ̀ à è wòwa nàa hwatò ema hwa hvomɛ̀nɛ̀yi ò lì hwɛ ò lìkànèyà là eni. Èhwànja ò nyòla lìkànèyà là eni ɔndèŋgàtɛ̀ inyɔ è hwèlì è akeyà ò tenì yà màkekirzɛnɛ.

Hibrù 12:28

Kanatɛ irzɔ ima ŋgbàhwe lìkànèyà ema lì rza nyiŋgirzɛhwɛ. Inyɛ̀ irzɔ i ŋgbe Lohwɛ̀ jeka na lì mo kanɛ̀ nyayi ema e mo lìŋgirzɛ. Inyɛ̀ je e gbeye na wɔ̀ŋgɔ̀ na èluhwe ya arzɛ.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

2 Pètrò 1:11

O ene ŋgànà rzɔ̀ Lohwɛ̀ a e ŋgba e wònja ya arzɛ, o lì kpèeyà na o lì hwɛ o lìkànèyà la eni la ŋmanyu èki ema e Rzàŋgo na e Mòrzùŋgèlì wa arzu Yerzù Krirztò a kànèyà nàa kìŋgɛ natɛ̀ɛ na o gbìndèyà.

Hwèwulùwèlì 1:6

À jò gbèyi ì hwèlì ndi nàa Ipilìrzi ema i gbèeyà Lohwɛ̀ è Tatɛ̀ yà eni ema è hwa kànèyà. Inyɛ̀ èluhwe nà lìkànèyà là eni lì hwɛ ò gbìndèyà nà ò gbìndèyà. Inyɛ̀ wò lìya nanù.

Hwèwulùwèlì 22:5

O rza o hwɛ hvɛ wuu. Wɔ̀ hwa rza o arza hvɛ tɔ̀ ètùlù tɔ̀ ŋmàye, tɔ̀ moombe mo igbèyi ehwànja Rzàŋgo Lohwɛ̀ a o hwɛ ŋmàye mo awu, ndèŋgànɛlɛ wɔ̀ hwa o kànèyà natɛ̀ɛ na o gbìndèyà.