Lukàrzɛ̀ 12:31 - Mokpwe: Bakwery (New Testament)

³¹ È lòmè lì àrza hwema hwe lìkànèyà la ama Lohwɛ̀, aŋga ndi Lohwɛ̀ a e ŋgba hwenɛyi hwe arzɛ.

Lukàrzɛ̀ 12:31 Mawu Ofanana

Matiyò 6:33

Ndi è lòmè lì arza hweyà hwe lìkànèyà là ama Lohwɛ̀ lì aka hweyà hwe arzɛ. Ndèŋgana è gbèèyè hvɛ mamɛ ema Lohwɛ̀ à arza nanù ema è gbèèyè. È gbèyi tɛ nanù, Lohwɛ̀ à è ŋgbà hwenɛyi hwèmà hwe arzɛ.

Lukàrzɛ̀ 10:42

Nà ò òhweyà ema eyà yɔ̀kɔ mɛnɛ yɔ ndi ya arzàhwa. Màlìyɛ̀ ndi à e hvɔ̀rzì, ema tɔ̀ mòtò à rza tanɛ lì mò wòwànà.”

Lukàrzɛ̀ 12:30

Hwenè hweyà ndi è mòtò wà ène rze a arza lì òhva. Ndi Tatɛ̀ wà ànyu a hwi ema e endèli hwenè hwèmà hwe arzɛ.

Yòwanìrzɛ̀ 6:27

È rza atàkìrzɛ̀ ò mòlelì ema mò hvaŋgeyà, ndi è atàkìrzɛ̀ ndi ò mòlelì ema mò ò hwɛ̀ɛ natɛ̀ɛ na ò gbìndèyà mòŋgò mòlelì ndi mò ŋgba lòŋgɛ ema lì rza kuwa. Mòŋgò mòlelì ndi è Ŋmanà wà è Mòtò wà Hwènàmà a ò e ŋgba. Mɔ̀ ndi Tatɛ̀ Lohwɛ̀ à mà ika èèmbanelì ò lì gbeyà nanù.”

Ròmànì 8:31

Jò ɔ̀ŋgɔ tɛ hwenè hweyà hwe arzɛ ò tenì, mamɛ i tànɛyi ò lì òhwa e? È hwèlì tɛ ema Lohwɛ̀ a hwèlì na irzɔ, njɛ̀nɛ a tànɛyi lì jò teŋgɛ̀nɛ̀ e?

1 Tìmotì 4:8

O hwèlì ndi eyà ya gbamù o lì okolɛ e nyàmà ya nyo ya eni o lì eta. Ndi o lɔ̀wu rzayi-rzayi nanù ema mòtò a atàkìrzɛ̀ tɛ o lì gbeyà tɔ̀ ima eyà na oma Lohwɛ̀ a àrzeyà. Inyɛ̀ i gbèyi na oma Lohwɛ̀ a arza èhwanja Lohwɛ̀ à mà ohwa nanù ema a jo ŋgba lòŋgɛ ema lì rza hwɛnɛ lìrzùkù nàŋgɛ na o e hvonda ema e o jɛ̀ɛ̀.

Hibrù 13:5

È rzì keka lì ika mèèmà me anyu o lì lìŋgàna wolì ndeŋgànɛ̀lɛ̀ e ohve mɔ̀nyɛ̀ŋgì na mamɛ ema e ohvi èhwanja Lohwɛ̀ à ma ohwa nanù ema, “Nà rza e hwɛmɛ, ndeŋgànɛ̀lɛ̀ hvɛ na rza e rzɔ̀rzɔ̀.”